مرحبا خواتي قلت باكتب ليكم هالموضوع عشان تساعدوني لاني فعلا مو قادره اتحمل اكثر :ss:
علاوي اسم الله عليه صاير يبلل سريره بكثره من جى البرد
وصار لي من قطعت عنه الحفاظ بالليل 3 شهور بحكم حملي ولا يوم جلس من حاله وقال لي بيروح وانتو بكرامه الحمام اني الي لازم اوقت المنبه واجلسه والحين صاير الحمل ثقيل يعني اذا نمت مااقدر ارفع حالي من الثقل واذا نمت اروح في سابع نومه مع اني نهاية الخامس بس اوصل التاسع الله يعين ويش باسوي في عمري:confused: ولما اتأخر عن ساعه وحده مثلا في اني اجلسه من نومه مااروح اليه الا هو مبلل حاله وياريت لو يجلس يكون مكمل نومه وهو بيموت من البرد:mad: واني شقتي مو مفروشه وصايره مررررررره بارده مع اني البسه شراب وملابس ثقيله واغطيه ببطانيتين الا انه مايفيد ارجوكم ساعدوني .. ادري كتبت قصة ولدي بس ماالي غيركم ..
وقبل لا ينام ضروري يدش الحمام وغير كذا يمكن البقية تفيدك
وخليه يدخل الحمام قبل ماينام واذا ماقدرتي تقومي اله خلي ابوه يدخله
والله يسهل عليك ان شاء الله
اذا غرفته سيراميك حاولي تفرشينها على الاقل بالشتاء
هذا طفل وما يستحمل حطي فيها فرش قطعه او قطعتين
وحاولي ما تخلينه يشرب سوايل قبل النوم ..
واستخدمي الكلوت اللي يجي مثل البلاستيك هو ما بيحس انه مثل الحفاظه لانه مبطن
بفوطه خفيفه وتحصلينه بالسيتي بلازا احجام واشكال..
وحاولي تكلميه وتفهميه باستمرار انه هذا عيب وانك مو شاطررر..ومن هالكلام..
وحاولي تحطين بسريرة البلاستيك اللي يغطي كل المنام اريح لك من حوسة
غسيل البطانيه والفرش..
هذا اللي عندي وان شاء الله تنحل..هذا والبرد بأوله بعدين الله يعين..
حاولت اني مااعطيه سوائل قبل النوم بس بعض الاحيان يمر وقت مايكون ياكل فيه عدل ويكثر سوائل وفهمته كذا مره ان الاطفال هم الي يبللو ملابسهم ويرد علي بانه كبير وهو اخر مره يسويها اني مااقول يسويها كل يوم بس صاير بكثره يبلل سريره وقبل ماينام ادخله الحمام واحاول اجلس ساعتين او 3 وارجع ادخله مره ثانيه الحمام وبعدين انام بس مااقعد احيانا الا مبلل حاله الله يعين ..
ولو تضايق منه راح يحاول ينتبه ولو ماتضايق خلااص خليها ليين يجي الصيف ان شالله : )
بس خليها بعيدة عن جسمه .. فقط عشان تدفي الفراش