مرحبا يا الغاليات
شلونكم؟؟ وعساكم بخير..
يا الغاليات ولدي عمره 4 سنوات وهالشهر عنده تطعيم
بس ما تتخيلون شقد هالموضوع معذبني
قبل ما يفهم اوديه ويطعمونه واهوا خبر خير
لكن الحين كبر ويفهم
شلون اوديه؟؟ اكيد بيسوي لي احتفال من الصياح 
يعني اللي مرت بهالتجربة شلون تصرفت؟
يعني هل افهمه واقول له اني بوديك المستشفى يطقونك ابرة؟
ولا اسكت واوديه واخليه يتفاجأ هناك؟؟
احس اني بصيح معاه
جزاكم الله خير ساعدوني
بس اشوف تجارب خواتي وحريم اخواني
دايما يقولون حق عيالهم انت بطل انت قوي انت شاطر
واذا انتِ خفتِ ينعكس هالخوف عليه
لاتبينين له هالخوف بالعكس
ابلعي خوفك وتعاملي معاه عادي جدااا
ويارب امهات العيال يتجاوبون معاك
بس بصراحه ذكرتيني بوحده من خواتي تصيح قبل عيالها 
الله يحفظ عيالك وتمر التجربة على خير
 |
اقتباس |  |
 |
المشاركة الأساسية كتبها الجوهرة  |
 |
 |
| فديتك انا ماعندي عيال لي الحين
بس اشوف تجارب خواتي وحريم اخواني دايما يقولون حق عيالهم انت بطل انت قوي انت شاطر واذا انتِ خفتِ ينعكس هالخوف عليه لاتبينين له هالخوف بالعكس ابلعي خوفك وتعاملي معاه عادي جدااا ويارب امهات العيال يتجاوبون معاك بس بصراحه ذكرتيني بوحده من خواتي تصيح قبل عيالها الله يحفظ عيالك وتمر التجربة على خير |
||
 |
 |
والله سكتي انا كل مرة اصيح معاهم
انا ابي اقول له انت بطل وبشتري لك هدية
بس اخاف ما ينفع
يا ليت الامهات يفيدوني هل قالوا حق عيالهم ولا صدموهم
ترا الموضوع ما يستااهل انا كنت مثلج خاايفه بس وديتهم بسكاات وما قلت لهم
وهناك تفاجئوا وكل ما اسمعووا ياهل يصيح يقولون لي ماما خل نرجع البيت
اهم شي انتي تقوين قلبج !!! وودي معاج الشغاله ولا ابوه اذا انتي من النوع اللي تخافين
لانهم 3 ابر وحده في الرجل وثنتين في اليدين :worn_out:
إن ما سويت كذا باضربك ابره , او باقول حق الدكتور يضربك ابره إن شاغبت , هذه الجمل كلها
خلت الطفل يكره الإبره , فعشان كذا نصيحتي لما تودون عيالكم , عطوهم فكره , بدل من
استخدام كلمة ابره استخدموا كلمة تطعيم , أن بيحطون
تطعيم سواء في اليدين او الريلين , وأنت بطل وقوي وشجاع , تعزيز البطولة عند الولد امر مهم .
والمسكينة ماقالت ولاشي ماشاء الله عليها تحملت..تهاوشت ويااختي ليش سويتي فيها جي جان طلعت الصياح اللي في خاطرها ههههههه
ماينلامون الابر تعور هههههه
بشرينا شيصير معاج..
|
اقتباس | |
|
المشاركة الأساسية كتبها *همس الحراير* |
|
|
| هههه موضوعج ضحكني لاني امس كنت موديه عيالي اطعمهم تطعيم الاربع سنين ترا الموضوع ما يستااهل انا كنت مثلج خاايفه بس وديتهم بسكاات وما قلت لهم وهناك تفاجئوا وكل ما اسمعووا ياهل يصيح يقولون لي ماما خل نرجع البيت اهم شي انتي تقوين قلبج !!! وودي معاج الشغاله ولا ابوه اذا انتي من النوع اللي تخافين لانهم 3 ابر وحده في الرجل وثنتين في اليدين :worn_out: |
||
|
|
بس والله ما اعرف شلون اوديه بسكات .. ادري بيقول وين بنروح
ان قلت له المستشفى بيقول ما بروح
وبعد بيعطونه شي رااااااااااحت علي
الله يستر..
بس بغيت اعرف اي يوم التطعيم؟؟ ولا فيه ايام محددة؟؟
|
اقتباس | |
|
المشاركة الأساسية كتبها أشواك ورد |
|
|
| والله وجهة نظري , أن الطفل ما ينقاله كل شئ , وخاصه للأسف اكيد سامع من الي حواليه
إن ما سويت كذا باضربك ابره , او باقول حق الدكتور يضربك ابره إن شاغبت , هذه الجمل كلها خلت الطفل يكره الإبره , فعشان كذا نصيحتي لما تودون عيالكم , عطوهم فكره , بدل من استخدام كلمة ابره استخدموا كلمة تطعيم , أن بيحطون تطعيم سواء في اليدين او الريلين , وأنت بطل وقوي وشجاع , تعزيز البطولة عند الولد امر مهم . |
||
|
|
وكلامج عين العقل.. مرت خال زوجي بعد قالت لي
أنا قلت حق ولدي بنروح المستشفى علشان يعطونك فيتامينات تقويك
وانت بطل والحمدلله عدا اليوم عليها 
الله ييسر لي هاليوم يا رب
::
|
اقتباس | |
|
المشاركة الأساسية كتبها بنوتة جاسم |
|
|
| ذكرتيني بأختي لما ودت بنتها علشان التطعيم قالت لها قبل ليدخلون لو ماصحتي بعطيج هدية كبيرة..
والمسكينة ماقالت ولاشي ماشاء الله عليها تحملت..تهاوشت ويااختي ليش سويتي فيها جي جان طلعت الصياح اللي في خاطرها ههههههه ماينلامون الابر تعور هههههه بشرينا شيصير معاج.. |
||
|
|
زين ما كرهتها هههههههههههه
انا ما اقدر اسوي في ولدي جذي بيصرخ من قمة راسه
الله ييسر لي ذاك اليوم ادعوا لي
وبخبركم شنو يصير معاي
|
اقتباس | |
|
المشاركة الأساسية كتبها همس القـلوب |
|
|
|
ويييييييييي خرعتيني ، قالوا لي انها 3
بس والله ما اعرف شلون اوديه بسكات .. ادري بيقول وين بنروح
ان قلت له المستشفى بيقول ما بروح
وبعد بيعطونه شي رااااااااااحت علي
الله يستر..
بس بغيت اعرف اي يوم التطعيم؟؟ ولا فيه ايام محددة؟؟
|
||
|
|
التطعيم له ايام محدده يومين في الاسبوع وشوفي التطعيم اي يوم في المركز اللي انتي تابعه له لان ايام التطعيم تختلف من مركز لمركز
ترا بعد بيعطونه نقط شلل الاطفال 😐
معليه كلها يووم وينتهي الموضوع اهم شئ انتي خلج ريلاكس 😉
طلعوا 4 ابر مو 3 وعلية حبيبي كسر خاطري
انا قلت له بيعطونك فيتامينات
وبعدها لما طقوه الأبر ، طالعني وقال ماما ليش اتطقني ابرة ؟؟
بس الحمدلله عدت الأزمة على خير
جزاكم الله خير على مشاركتكم يا الغاليات وعسانا ما ننحرمF:
بس غريبه .. انا كرت تطعيمات ولدي آخر تطعيمة مكتوب فيها من ( 4 – 6 سنوات ) .. حتى الممرضة قالت لي خلاص ما يجي الا للمدرسة .. يعني قصدها 6 سنوات ..
تتوقعين يأثر لو أخليها للمدرسة على كلامها ؟ ولا أروح أشوف وش السالفة ؟.!!!
:-#