بنات ولدي الكبير اللي يخليه عمره 3 سنوات .. وفيه شي انا مستغربة منه ..
الموضوع انه طول النهار يكون عادي وما يشرب ماي وايد ، لكن من يجي الليل ونتجهز للنوم يبتدي يشرب في الماي ..
ويتم طول الليل كل ساعتين او 3 ساعات يقعد ويطلب الماي .. قمت اخلي له ماي عند سريره علشان ما اضطر اقوم كل شوي واجيب له ماي .. 🙁
وهالشي بعد مخلني مو قادره اقطع عنه الحفاظ في الليل للحين مع انه ما يلبسها في البيت وفي اغلب طلعاتنا لكن وقت النوم لازم البسه بسبب كثرة شربه للماي ,, وخصوصا انه لما يقعد الصبح اشوفه حفاظته …………….. يعني شكله مسونها على الاقل 3 او 4 مرات خلال النوم ..
هل هالشي طبيعي ؟؟ يعني كثر شربه للماي في هالوقت ؟؟ وشلون اتصرف بالنسبة للحفاظ ؟؟ لان اكثر النصائح اللي تجيني تقول لي لا تشربينه الماي قبل النوم بساعتين وهو لازم ما ينام الا لما يشرب ماي ويتم كل شوي يقوم علشان الماي وبصراحة ما اقدر امنع عنه الماي لانه طفل ومو معقولة بقول لا .. ما في تشرب ماي 🙁
كل شوي بالمعاناة هههههه
اختي ذكريه بالنهار بشرب الماء كل فترة وفترة خلليه يشرب ماء وقبل لا ينام خلليه يشرب قبل بساعة او حتى نصف ساعة
والحفاضة بالليل لازم من هلأ تصيطري على الوضع افضل مايكبر ويتعود على الحفاضة بالليل
صدقيني شربيه الماء قيل بنصف ساعة من موعد نومه وباللي اذا فاق لحاله على طوول خذيه الحمام وحاوللي تاخذيه كم مرة بالليل على كم يوم وخلااص بينسى امر الحفاضةالله يكون بالعون
أنا متبعة هالطريقة مع ولدي،، قبل النوم بساعة أعطيه ماء كافي وبعدين أدخله الحمام وأغسله وتكرمين أبوله وخلاص على الفراش،، والحمدلله مسيكرة على الوضع لحد الحين….
اكيد الملح في اكله زايد و هالشي يخليه يحس بالعطش لما يرتاح و يتجهز للنوم
خففي الملح من اكله و جربي
وما عليه الا العافيه
وعلى كذا اللين مايتعوود وبعدين هو بيحس اذا انحشر ………الله يعينك