بعد هالغياب عن المشاركة في المنتدى والاكتفاء بمشاهدة مواضيعكم عالسريع بسبب ظروفي أبدا ماكنت اتمنى اشارك بموضوع متعب بس قلت ماليي الا انتوا وتجاربكم..
عبادي كمل سنة من اسبوع ومن جم يوم خذيت له حليب جديد بما ان الحليب الي كان ياخذه لاقل من سنة وقمت اخلط ملعقه وحده من الحليب الجديد مع الحليب القديم طبعا بالمقادير عشان يتعود عليه شوي شوي لما تكمل اخر علبه قديمة وكملت امس
بس للاسف صار له تقريبا 3 او 4 ايام كل اسهال وكثيييير يعني احيانا كل ربع ساعه يسهل وانتو بكرامة 3 مرات بالاضافه الى مغص شديد من يومين بس ومن يسهل يقعد يصررخ من الوجع والحرار وموعارفة شسوي وياه غير اني يوم الاحد بوديه للدكتور ان شاء الله
بس ابي منكم تجاربكم مع تغيير الحليب للي يستخدمون الصناعي.. هل هذا طبيعي وكم يوم وبيتعود او لازم اغير الحليب بسرعه؟؟ مع العلم اني استخدمت له نفس الي يستخدمه قبل بس السن غير طبعا..
شسوي؟؟؟؟؟
تحياتي للجميع ومشكورين مقدما
ما عليه شر الكتكوت، ولدي كان يشرب حليب صناعي(بيبيلاك) بس اذا اغير الحليب عادي ما يتحسس
ادخله الحليب الجديد تدريجيا يعني مثلا رضعة وحدة رقم 3 في اليوم وباقي الرضعات رقم 2 واليوم الثاني اسويله رضعتين و هكذا..
انشالله ولدج مايشوف شر
بس مش زين تخلطين له نوعين من الحليب
الأحسن تودينه الدكتور يشوفه لأنه كثرت الأسهال يسوي جفاف للياهل
ما عندي فكره وإن شاء الله البنات يفيدونك اكثر مني بس احس انه ما يصير تخليطين نوعين من الحليب خيو احسه مضر ويمكن هذا إلي سبب له الإسهال
الأحسن انك تاخذينه للدكتور
وما عليه شر الكتكوت
انا امس فكرت جذي في سالفه خلط الحليب لذلك من امس واليوم ماقمت اخلط وانشالله يصير زين اليوم وباجر لاني مابقدر اوديه الا الاحد
وبعد من البارحه اخذت له دوا للاسهال واليوم اشوف الحمدلله اهون يعني مو واجد
شكراا 
و اطريت اغير اليها جم نوع الى حد ناسبها الحليب
شكرا خيو ام فاطمة
انشالله يصير احسن مافيني شدة تغيير حليب كل يومين
مايكبرون واحنا مصدقين
الحمد لله الأسهال خف عن عبادي أنتظري فتره وأذا ماتعود على الحليب غيريه أمرك لله
ردة فعل تغيير الحليب على ولدصار له أسهال كم يوم وترجيع أستمر لفتره وكنت ناويه أول ما أخلص العلبه أغير الحليب وبعدين الحمد لله تعود على الحليب
و فعلا اعرف انه غلط نخلط نوعين حليب
بس وديه لدكتور علشان الاسهال و ربنا يطمنك عليه