الأخ عنده عدائية مع البنات اللي بسنه، مستحيل يلمسونه او ياخذون أغراضه، طول الوقت يكرر آنه ماحب فلانة وفلانة..
في المقابل آشوفه مع الأولاد بالعكس(إذا في سنه أحيانا عنده حساسية معاهم) لكن لو أكبر منه بثلاث وأربع سنين ربعه وحبايبه يخليهم يدخلون عندنه ويلعبون بألعابه ولا يتكلم ولا يروح يعطيهم عصير وشبس…
عندنا جارة كانت ساكنة بجنب شقتي، وبنتها أكبر من عبودي بست شهور بس، لكن الولد مايطيقها بالمرة كل مرة تمسك شي مايخليها، هم الحين طلعوا من الشقة بس الحرمة مسكينة زارتني كم مرة والولد وقتها يثور،، أمس زيادة كل مامسكت البنت شي راح سحبه من يدها،، دخل عند أبوه الصالة وأحنا كنا بالمجلس الا زوجي يقول لي ان البنت مو مخليها حتى تقرب من مكان الألعاب…
بنت خالي أصغر منه بكم شهر، من نروح بيت جدي، أعصابه فالته مانقدر نتحكم فيه ما يخليها تلمسه او تلمس شنطته او حتى شي من أغراضي آنه،، وعلى العكس أخوها عمره ست سنوات يحبه موت ويعطيه ألعابه ولما يجي شقتنا كل الألعاب تحت تصرفه…
بنت عمه أكبر منه بكم شهر، من آقول له بنروح بيت أهل أبوك،، قال مابي فلانه هناك،، ومن نروح وهو شغال مراقبة على أغراضه.
ياترى صار لكم ياأمهات الأولاد هالمشكلة مع البنات او ولدي غير وعنده مشكلة.. ياخوفي لو أحمل وأجيب بنت يذبحها لي..
السلام عليكم ورحمة الله وبركاته
المشكلة هذه يا رانيا صادفتها في الحضانة مع بنتي…
يعني الأولاد عاملين حلف هناك ضد البنات…بس ياخذوا ألعابهم و يضربوهم…
و البنات لا حول لهم و لا قوة…يلعبوا مع بعض لحالهم مساكين…
مش عارفة هل هذا بيكون طبع أو ظاهرة بصراحة في الأولاد عموما…
يعني معقول الطفل بهذا السن يفهم إنه هذا ولد و هذه بنت ؟
والله فعلا مشكلة ومسكينة مريومة أكيد تعاني من الأولاد، وتعقدت منهم..
آنا أستغرب هل المفهوم بين الولد والبنت واضح عندهم،، يعني عبدالله ماشاء الله عليه يعرف يفرق بين البنت والولد، خواتي معلمينه أن البنت يعني حاطة في شعرها شباصات، وأتبط هذا المفهوم عنده وكبر عليه والولد شعره قصير..
يارب الله يهديهم بس والله فشلانة من جارتي على اللي سواه ولدي أمس….
لكن إلي في سنها أصفر أو أكبير منها بشوي زي ما قلت (ما ترضى يقربوا أي شئ لها !!)
و تحب تلعب و تجلس مع منهم أصفر منها بكثير يعني 6 شهور ,سنة أو أكبر بكثير يعني 6,7 سنوات
و الله هالأطفال غريبين….الله يحفظ برائهم لأهاليهم
ولدي تقريباً بمثل عمر ولدك… ومن خلال مراقبتي له… اكتشفت انه اللي من قده واصغر .. ما يحبهم.. سواء اولاد او بنات.. او على الاقل يغار منهم بدرجة او باخرى…. ماا دري بس ساعات اقول يمكن يحسهم منافسين له.. ويغار لو شاف احد يدللهم دونه…
لكن اللي اكبر منه اولاد او بنات عاااااادي يلعب ويعطيهم العابه وجنه البخت !
حاسة بشعورج… صدق اليهال ساعات ييبون الاحراج… بس ان شاء الله جارتج تفهمت الامر وما حطت بخاطرها..
أنا احس أنه عادي مع الأيام بيتعود على البنات .. أو يمكن هو يشوف الأولاد أكثر عن البنات .. ويمكن الاولاد اللي يلعب معاهم ما يحبون البنات وهو اتعلم منهم … الله المستعان …
الله يحفظه لج …