ولدي و الرضاعة الطبيعية ابي حل يا أمهات 2024.

.
.

بادخل في الموضوع على طول

ولدي عمره شهر و اسبوعين صار له كم يوم لما أبيه يرضع من صدري بس من أقرب له صدري

يبدا يصيح كأنه مقروص اسم الله عليه .. أو ساعات يبدا يرضع ماياخذ دقيقتين الا بدا يصيح ..

مع اني اقرى عليه و اسمي بس مايسكت ..

أحياناً احاول معاه يمكن يهدا و يرضع مافي فايدة يرضع شوي و يرد يكمل صياحه .. و أحياناً أحط

اللهاية لين ما يهدا و أرجع أرضعه مرة ثانية نفس الشي .. لين ما أستسلم و أعطيه

المرضاعة .. حاولت أطول بين الرضعات بحيث يجوع أكثر بس بعد على حاله ماتغير ..

بس قبل هو كان يرضع من صدري عادي ويتم يرضع لحد ماينام حبيبي .. لكن الحين ما ياخذ

10 دقايق على بعضها ..

بصراحة قلبي معورني عليه .. ماودي يترك الرضاعة الطبيعية من الحين توه صغير .. و انا

والحمدلله صدري فيه حليب مابيه ينشف و ولدي ما استفاد منه ..

شاركوني بحلولكم (f)

اسم الله عليه,,,,

لايكون مملوع اختي,,, مملوع يعني بيكون يوم حد شاله معوره كتفه او ظهره وهاي الحالة ماتخليه يرضع ويكون يصيح لانه مايقدر يتحكم بعضلاته وتعور,, شوفي دهني كتوفه وظهره ورقبته وخلف اذانه وانزلي لتحت بحركات دائرية خفيففففففففففففة ,, واقري عليه ولفي ايديه كانه قماط.. ودفيه وخليه ينام ,, وان شاء الله بس يصحى يكون مافيه الا العافية ويرد يرضع,,,
انا هاي الحالة صابت ابني يوم كان اصغر بعد من الشيل ,, والله يشفيه يارب,,,

ولا تخلين حد يشيل ولدك غيرك وابوه وبس,, وعلمي ابوه على الطريقة الصحيحة للشيل وربنا يحفظ ابنج

يمكن تعود على الرضاعه

اذا استمر على هالحال مالك الا تشفطين له وتعطينه

لانه بعده صغير وحرام مايشرب من حليبك .. افيد له

حبيبي عوور قلبي

اول شئ تاكدي مافيه فطريات في حلجه اسم الله عليه

وثاني شئ نصيحه لا ترضعين جداام حد وخااصه الخدم وحتى الاهل

في نااس يتمنون يرضعون عيالهم بس مب حاصل لهم والعين حق

وواقري عليه وانتي ترضعينه

وحاولي ولا تياسين وان شاءالله يرد يرضع مثل قبل

الله يعينج يادوح دوح وان شالله يرضع طبيعي ،، تخيلي انا ولدي مارضع إلا أسبوع ،، لااا ومن بعد
معانااااااااااااه كنت اجااهد وياه لكنه عنييييييد لدرجة ان الدكتور قال خليه يصيييح لين ينجبر ويشرب
بس مااااقدرت قلبي عورني تخيلي كان يمص أصابعه وماكان يرضى يرضع طبيعي وانجبرررررررت وعطيته الصناعي وتعالي شوفي مناعته الحين من يوم مانولد لي يومج يمكن فوق العشر مرات يمرض لي وطبعا على طووووول يا المراكز او العيادات فديت روحه ..

والله بنتى زيك بالظبط رضعت شهرين بالعافية الى جانب الصناعى لان لبنى كان قليل وبعدين رفضت صدرى رفضا تاما
ومناعتها خربانة عندها 4 شهور واخدت 4 مرات مضاد حيوى فيهم يارب يشفيها قولو امين

دحدوحه… حياتي..

اول شي تاكدي انج ما تكونين متعطره… لان يمكن العطور حتى لو دهن عود ولا مسك ممكن تاذي الياهل..

ومعليه صبري عليه .. استمري عالتجويع… عشان يشرب منج.. وكلام الماميز.. ممكن يكون صح يمكن حلجه فيه فطريات..او مملوع اسم الله عليه… ولاتنسين الاذكار ليل ونهار…

وربي ييسر لج..

شكله تعود على المرضاعة لأنها اسهل له وتشبعه اسرع يعني دقايق ويشبع مب مثل الرضاعة تاخذ ما يقارب 20 الى 30 دقيقة ..لا تستسلمين حاولي تشفطين حليبج وتحطين في المرضعة