السلام عليكم أخواتي الغاليات… من زمان مادوشتكم بمشاكلي مع ولدي..
المشكلة اليديدة اللي طالعة عندي.. إن ولدي صاير طول الليل يحك بضروسه مادري عاد هالمشكلة من زمان او لا.. لأن توني مكتشفتها وماظن كانت موجودة من قبل.. هالأيام متعلم بنص الليل مانشوفه الا داخل بمخدته غرفتنا ويبي ينام بوسطنا مع إن قبل ماكان يقوم من نومه ومتعود ينام بسريره بغرفته ولحاله وإذا فز من نومه ويبي شي ناداني من السماعة ورحت عنده…
المهم آشوفه هالأيام طول الليل يحك بضروسه (بلغتنا العامية بالبحرين نقول يحصم) .. اللي يقول حالة نفسية واللي يقول فترة وتعدي والله مو عارفة شسالفة؟؟ أخوي من يوم كان صغير ولحد اليوم وهو له 15 سنة وهو يحك بضروسه بالليل (مادري مثل ماقال المثل من عاب أبتلى) لأني وايد كنت أتنرفز لما أسمع أخوي وآقول وه شهالعادة وكاهي أنتقلت لولدي…
حد مر بهالتجربة وبعدين فترة وعدت ومارجعوا عيالهم لهالعادة.. او لازم آشوف له دكتور ويشخص الحالة؟؟؟؟؟؟
بقولج اختي ترى الشخص اذا يسوي جذي مايحس بروحهالصوت ينرفز صج ومزعج عدلبس شيسوون اهما مايحسون بروحهمانا اختي كانت جذي وصج الحركه مزعجهلين اسألها لين تقعد تقول ماسويت شئبس ترى فترة وتعدياختي الحين ماتسوي
مشكورة أختي ماقصرتي على ردك…. إن شاء الله مثل ماقلتي فترة وتعدي…
سوري كان نفسي اجاوبك ..
بس ايش يعني (((يحك اضراسه))) يعني يدخل ابصبعه في فمه ويجلس يحك اضراسه ؟؟
معليش فهميني اكثر
لا أختي أم وسام مو معناه يدخل أصبعه.. لا يعني وهو نايم يحك الفك الأسفل بالأعلى على أسنانه ويطلع صوت ينرفز الواحد…
سوري كان نفسي اجاوبك ..
بس ايش يعني (((يحك اضراسه))) يعني يدخل ابصبعه في فمه ويجلس يحك اضراسه ؟؟
معليش فهميني اكثر
حصل مع ابن اختي و ابني بس اللي سمعناه انه قلق او ضغوط عند الطفل واللي لاحظناه ان اولادنا اني واختي فترة النفاس الظاهر تغير حياتهم فجأة ودخول طفل جديد خلاهم يضطربوا وبعد فترة تركوها وعند جداتنا ان الولد اذا سوى كذا يجيب الخير عاد جداتنا سوالفهم سوالف اتمنى اني افدتك بالقليل ويمكن هي ظاهرة عادية
أشكرك أختي إيسمار معقوله بدت الحالة النفسية في ولدي من الحين.. بس البيبي بعده ماوصل معقولة من الحين متأثر.. الله يكون بالعون.. أشكرك أختي على الإفادة….
والله وجيتي على الجرح يارانيا بنتي لها يومين تسويها ويطلع صوت اسنانها عاد هي توها تسنن ونتاف اسنانها والصوت يحوم كبدي واحاول اسليها بشي ثاني احك راسها مثلا ولا في فايده وخلاص لراحت في النوم افتكينا من الصوت عاد انا اقول اول مره طفل يسوي كذا ….هههه طلع في كثير الله يعين
ان شاء تعرفي الحل وتقولين لي
انا اولادي وهما اصغر من هالعمر جاتهم هالحركة بس انا بصراحة كنت اتنرفز فمااسمح لهم
يعني على طوول اما اضربه على يده بشكل خفييف يعني او اهدده انه اسنانه بتخرب والناس تضحك عليه والحمد لله ماعاد شفت مثل هالقصة …. لاتخافي مرحلة وتعدي واعتقد ان ابنك يقلد خاله لمجرد التقليد مو لان في بيبي بالطريق انتي نبهيه وان شاء الله يبطلها