نريد مكان حلو سعره معقول !!( غير دول الخليج )
نصايحكم !!
روحي لبنان وااايد حلوه
انتي اجازتكم 5 ايام؟؟؟
وتبين غير دول الخليج؟؟
المشكلة حبيبتي ان اجازتكم مرة قصيرة
يعني لو بتقضينها خارج دول الخليج احسبي ان يوم بيكون طيران ذهاب ويوم طيران عودة
يعني ماراح يبقى لكم الاثلاث ايام
وانا اللي فهمتة انك من الامارات
وهالايام خبرك كل دول الخليج مووووووت حر والمناطق اللي عند البحر موووت رطوبة يعني المنتجعات ماتصلح
وانا مادري انتي وين بالضبط بالامارات؟؟
يعني باامكانك تقضونها مثلا تنزلون لدبي او ابوظبي او الشارقة بالسيارة عشان تستفيدون من ايامكم
ولاتضيعونها بين المطارات والطيران
والله يوفقك ياقلبي
هذا اول رد لي هنا بالمنتدى صحيح انا مومن الامارات انا من السعودية لاكن شفتك متصلة وحبيت اخدمك
واي خدمة عيوني لك
انا فكرت بالاردن بس زوجي يقول النمسا !!
احس النمسا تحتاج وقت اكثثثثر
اما 5 ايام وايد حرام على رحلة للخارج
لان قيمة التذكرة
وطول الرحلة وتعبها
حلاتها الواحد انة يريح يوم بالفندق بعد الطيران وثاني يوم يبداء يتمشى
لكن انتم مافية مجال عندكم للطيران وبعدها تريحون من السفر اول ماتوصلون
النمسا وااااايدحلوة خصوصا زي لام سي وسالزبيرج
حرام تخسرون تذاكر واقامة وهي كلها بتطلع عليكم اربع او خمس ايام
اجلوها النمسا لااجازة اطول من هذي
هو فية مكان يناسب خمس ايام بالكثير وانا مجربتة شرم الشيخ واااااااااايد تجنن بس هالوقت اتوقع وااااااايد حر
لانها صغيرة وتلفينها في خمس او اربع ايام بالكثير هادية جدا وفيها رحلات برية وبحرية وسهرات بالليل
هي جوها بالليل حلو جدا
لاكن بالنهار الشمس حاااااااارة
انا السنة اللي طافت كنت فيها بشهر اغسطس
راح افيدك بمعلومات اكثر عنها والفنادق
فعلا انا راحت عن بالي شرم الشيخ اقولك عنها هي الوحيدة اللي تصلح حق خمس ايام
وعلى فكرة ترا هي احلى بالف مرة من القاهرة لانها هادية وجدا نظيفة
وتكملين بعدها بالطيارة على شرم الشيخ الرحلة تقريبا ساعة
او بامكانك تكملين الرحلة بالباص تقريبا 6 ساعات انتي واللي يريحيك
بالنسبة للاجانب فعلا اغلبها اجانب بس مااشفت قلة الادب اللي سمعت عنها مثلك
الاجانب اللي هناك مثلهم مثل اللي بالنمسا وماليزيا
انا سكنت بمنتجع الريتز كالرلتون وااااااااايد حلو وهادي ونظيف
جلست فيها اربع ايام
يوم قضيناها رحلة بالدبابات في صحراء سيناء ممتعة لمحبين المغامرات وبامكانك تستبدلين الدبابات بالجمال
بس انا فضلت الدبابات
ويوم سهرة بالليل في الف ليلة وليلة وهي عروض وحفلات وفيها مطعم مغربي يجنن وكلها عائلات
ويوم تمشية في خليج نعمة بالليل وهو عبارة عن مقاهي ومطاعم وجلسات بالهواء الطلق ومحلات روعة ماتملين منه
بترجعين لة مرة ثانية
والعرب هناك قليلين بسبب خوفهم بعد التفجيرات اللي حصلت
لاكن انا رحت لها بعد التفجيرات مافية اي خوف حتى المنتجعات من بعد اللي صار مانعين دخول سيارات الاجرة لها
فقط سيارات النزلاء