السلام عليكم ورحمه الله وبركاته
السلام عليكم
انا معلمة مبتدئة وانا احتاج مساعدتكم لانكم ماشالله اكثر خبره مني 🙂
انا معلمه حاسب ثاني ثانوي واحتاج بعض الأسئلة بحيث انها تنمي التفكير الابداعي لدى الطالبات
مثلا : ماذا تتوقعين سيكون مستقبل الحاسب بعد 20 سنه قادمه ؟؟ :cool2:
يعني هذا السؤال ينشط عملية التفكير والتخيل لدى الطالبات ونشوف ابداعاتهم الكامنة وهذا اللي ابي اوصل له
يمكن تطلع مواهب موجودة عند الطالبات .. 
اتمنى انكم ماتطنشوني
وشكرا ..
أنا للحين طالبة بس ممكن اساعدج..
يعني إذا فهمتج عدل فيمكن هالأسئلة تفيدج..
اسئلة مثل وش ممكن نضيف عالحاسوب من مميزات وتجيبين لهم السؤال بصيغة حلوة، مثلا لو اخترتكم شركة لتصميم جهاز حاسوب متطور للمستقبل، كيف بيكون شكله وش بتضيفون عليه؟
أو وش هي استخدامات الحاسوب بالمستقبل ؟ وعطيهم أسئلة فيها إبداء رأي مثل هل أنتي مؤيدة لمستقبل يتحكم فيه الحاسوب بحياتنا وأسئلة من هالقبيل..
والسموحة عالأسلوب ماعرفت اصيغ الأسئلة بس أنتي وشطارتج
«®°·.¸.•°°·.¸¸.•°°·.¸.•°®»