تدون انه الاجانب من ينولدون اتكون الام مجهزة له كرسي سياره واحنا العرب هذا اخر شي نفكر فيه !!! بصراحه امس سرت مشواااااار طوووويل تقريبا 200 كم رايحه ورداه 200 كم طول هالوقت شاله سليمان تعبت حتى اهو تعب بس انا خايفه اشتري كرسي سياره لانه لازم يكون وجه للخلف وانا ولدى صغيير باجيله 10 ايام بالظبط ويكمل 5شهور …بس خايفه يكون وجهه للخلف وبعدين رحت بيبي شوب الكراسي كلها يوم احط سليمان يكون زهره مقوووس ..بلييييز للى عندا كرسي سياره تخبرنى الماركه وكيف اتوفقت في الاختيار
هلا ام سليمان
سبحان الله انا بعد امس قطعت مشوار ورحت بيبي شوب علشان اشتري كرسي سيارة حق زهاري
والحمدلله شريت بس للحين ما ركبناه
وانا ولدي كمل 4 ودش الخامس اليوم
والكرسي الا حصلته يمكن شفتيه اهو جونيور لونه رصاصي وكان طلب كثير عليه واللي اخذناه كان اخر حبة
وقال لي الموظف يصلح حق سن من 4 شهور الى سنتين ونص
والله يخليلج سليماني
كرسي السياره كان من اول اهتماماتي وانا ماااقدر اتكل على احد هاي طبعي وماشاءالله من لربعين سقت وولدي وره يرقد فيه
وبعدين ماخبرتونى ظهرالطفل يكون لكم ؟!!
انا ياتني هدية كرسي سيارة ييزيه لي سنه و نص و احسه ضيييق احسن شي سيري مذركير و اخذي له كرسي مريح ييزيه لي 4 سنوات ممتاز و افكر اخذه
صح بالبدايه كنت اخاف على ظهر بنتي بس سألت الدكتور و قال عادي
و اعتقد انه البيبي من عمره ثلاث شهور و فوق خلاص مكن يقعد فيه
و علشان اكون صادقه ميه في الميه
انا احط بنيت فيه حوالي نص ساعه
و بعدين اشيلها شوي ارضعها و انيمها و ارجعها يعني ما اخليها كثير
أختي
أنا أستخدم كرسي السيارة و أثبته في السيارة من يوم ما ينولد البيبي…
لأنه خطر جدا يقعد على حجري و أنا قاعدة في الأمام…
و لأني أغلب الأحيان أكون سايقة…ما ينفع أترك البيبي دون كرسي
ييجي كرسي السيارة نوعين…نوع صغيرة…مقوس شويه…لحد الطفل ما يوصل 6 شهور أو 8 ممكن يقعد فيه…و غالبا ييجي مع العرباية الخاصة بالطفل
و نوع ثاني ظهره مفرود…و يبدأ الطفل يجلس فيه أول ما يعرف يقعد كويس…و يظل لحد عمر سنتين فيه…
و هذا اللي عملته مع بناتي…
و إن شاء الله تلاقي طلبك…
لان واااااااايد خطر تشيلين الطفل في حضنج لو يصير شي لا قدر الله
و الكرسي الي شريته يصير من 0 الى 9 اشهر
بس بالبدايه ينحط مقلوب و بعدين الفه و يتعدل لمن يكبر البيبي
و بعدها انشاءالله لمن بنتي تكبر اشتري الكرسي مال 9 اشهر الى 3 سنين