بنات انا عرس اختي بشهر 7 وانا مسافره الرياض اجهز لها والصراحه ابي مساعدتكه في المحلات اللي هناك
انا سمعت بمحل خاص للجزم من طابق واحد بالعليا وما اعرف صراحه اسمه:think: وابي محلات تكون غريبه وحلوه للجزم والملابس الجاهزه وقمصان النوم وللعبايات …وشنهي احسن المجمعات اللي ممكن اروح لها… وبعد ابي محلات تبيع فساتين جاهزه مثل محل احمد البدوي :handup: وابي اماكنهم .. ياريتكم تساعدوني .. (r) وادري فيكم ماتقصرون 
تحياتي لكم جميعا
 |
اقتباس |  |
 |
| انا سمعت بمحل خاص للجزم من طابق واحد بالعليا وما اعرف صراحه اسمه !!! | ||
 |
 |
عيوني العليا هذي حي كبير مو سوووووق
عموما الرياض فيه اسواق كثيره منها
الفيصليه فيه ارقى الماركات للملابس ,, الجزم ,,
المملكه ,,, العقاريه ,,, العليا مول ,,, اسواق الاندلس <<< بس هذا مافيه الا الاقمشه حلوه اما الفساتين الجاهزه لا بلدي مررررررره
بس فيه كذا محل للملابس الداخليه حلوه
((( المراكز هذي كلها تلاقينها على طريق الملك فهد وعلى شارع العليا العام
عندك عماير السيركون في شارع موسى بن نصير في حي العليا يوجد فيها محلات لفساتين السهره راقيه جداً وماركات
مركز صحاى ,,, صحارى بلازا على شارع الامير عبدالله بالعيا كذلك
مركز الناصر ,,, خريص بلازا على طريق خريص
بالنسبه للملابس الداخليه :
مركز العليا مول فيه بوتيك ((اوه لالا)) عنده اشياء غريبه وحلوه
بوتيك ياسمين في طريق الملك فهد بعد مكتبه الملك فهد الوطنيه
السيد في مجمع الثمانين على طريق الملك فهد
دبنهامز في المملكه
العبايات
عندك توايلا الفيصليه وفي صحارى
فيرست تشويس <<< مااعرف وين بس اكيد البنات راح يدلونك بس سمعت ان عباياته مره حلوه
الجزم
ميلانو سكوير في مجمع صحارى على طريق الامير عبدالله وفيه محل لحاله على شارع العليا قبل تقاطع العروبه
محل قصر الاحذيه في شارع العليا العام تقاطع شارع العروبه
في العقاريه الاولى وهي تكون على شارع موسى بن نصير في العليا فيه محل في الطابق الارضي مااعرف اسمه بس هو محل صغير وعنده اشياء غريبه وماهي ماركه بس حلوه
اذا تذكرت شئ جيت وكتبت بس هذا اللي يحضرني الان 
مبرووووووك لاختك والله يوفقها ويسعدها وحياك الله في الرياض واي خدمه حااااااضرين ياعسل
محل الجزم اللي تتكلمين عنه هو اسمه (قصر الاحذيه) وهو فعلا طابق واحد وكبيييييييير بس اسعاره من 700وطالع
تبين محلات فساتين سهره عندك بشارع الثلاثين زهرة اللوتس يعرض ويصمم فساتين مرة روعه ومو مكرره وعندك اسكادا عنده اشياء نعومه وفخمه
وعندك لملابس النوم والبيت نعومي فرعه الكبير في خريص بلازا ولاسنزا والريس له اكثر من فرع
والجاهز عندك اغلب الماركات علشان ماتروحين وتجين تلاقينها اغلبها بالفيصليه وعندك دبنهامز بالمملكه
اما الجزم علشان تختصرين ويكون لك اكثر من محل واكثر من خيار عندك سوقين الاندلس وصحارى والله يوفق
واللهيوفق اختك ويوفقك ياااارب
تحيه ازفها لك