يابنات الخليج وخصوصا بنات قطر ؟؟؟؟ساعدوني 2024.

:confused::confused::confused:

يامرحبتين وهلا وغلا باهل الفزعـــــة

أول شي أبي أتقولون لي أشلون أسوي الدهن القطري وتكون الطريقة مظبوطة 100%

بالمقاييس والطعم أبسوي هريس وأبي أسويلة دهن أقطري أحطة فوق الطبق ياليت كل وحدة

تسأل الوالدة اللي عندهم خبرة بهاالسوالف

أرجوكم لاتتأخرون علي أنطر ردودكم 😥

يعني اتمرون ولا وحدة فيكم ردت علي :cry::cry:

دهن قطري :s2

حطي دهن الخالدي روعه للهريس وينباع بالجمعيات

وعند الاسواق القديمه …

هلا وغلا مليون بالعنا

ياليت عندي فكرة عن الدهن ((الله يبعده عنا :pain: ))

بس يازينة على الهريس
يم يم

اهل لامارات يضبطونه ياليت يخبرونا بالطريقه

هلا وغلا يالعنا ولو اعرف وين ساكنه يعني بالدوحة اوصله لج وببلاش

الغاليه الصراحة احلى سمنه دايم اذوقها هي سمنة امي مع ان الاهل يسونها بس مثل سمنة امي مالقيت وانا دايم اطلب منها تسوي لي مرطبان معدن

على العموم انا خذيت الطريقة منها لعيووووووووووووووووووونج والله وتفضلي الطريقة:

اذا بتستخدمين الزبده انكور :

تجيبين 4باكيتات من الزبدة الغير مملحة وتحطينها في جدر وتخلينها لين تذوب وبعدين تجيبين تقريبا 5كلاسات من الارز وتطحنينه خشن ما يكون نااااااعم انتبهي لهالنقطة ،وتشفشفينة شوي لين تطلع فيه ريحه حلوه وطفي عليه النار

وبعدين تجيبين راس بصله وتقطعينها قطع وسط وتحطينها على الزبدة وهي مايعة وبعدين حطي عليها حبة حلوه وكركم ذكررررررررررررر لازم يكون ذكر من عند العطار
وبعدين حطي الارز اللي شفشفتيه وخليها شوي تطبخ مع الزبدة ولا تنسين الملح كل ما زدتي الملح تزكت السمنه يعني صارت زاكية يعني كثري الملح

وبالعافية

ألف شكر أختي ترانيم قطر على مرورك ياحبيبتى :shy:

وشكراً لك ياغليتي يالهنوف على مرورك 🙂

أما انتي ياشيخة 2 ممنونة لمرورك واظهتمامك بموضوعي وشاكرة لك أنك تعبتي نفسك وجبتيلى الطريقة :clap::clap:

تعبج راحة يالغاليه وانشا الله تسوينها وتبشرينا بالنتيجة

مساكم الله بالخير ,,,شفت خصوصا بنات قطر جيت ركيييض ,,,

يعني هذي طريقة الدهن القطري ,, يعطيج مليون عافية اختي أم شيخه ماقصرتي

وتسلمين اختي العنا ع الموضوع ,, لو ماسألتي كان ماعرفنا الطريقة ,,,

فمان الله

اممم انا امي مالها بهالسوالف يعني تحط الدهن الخالدي اللي ينباع في الجمعيات

بس عمتي مبدعه سوت لنا مره في رمضان وكان شي حتى اني انهبلت عليه و تنسيت عليه

ما علمتني الطريقه قالت لي متى ماتبين بسوي لج

بس اللي عرفته منها انها تذوب قالب الزبده مع شوية سمن المراعي اعتقد ومادري شتسوي بعد و تحط نوع من المطيبات

بحاول اخذ منها الوصفه بالضبط واقول لج

السلام عليكم
أما انا اسوي الدهن بطريقة جلوه بعد جربيها وباعطيج مقدار بسيط
خذي زبدة لورباك الحجم الكبير الغير مملحة وذوبيها على النار وتكونين من قبل مجهزها باقي الأغراض وهي خمس ملاعق طعام عيش تكونين مشفشفته وطاحنته خشن وخمس ملاعق صغيرة حلوة ونص ملعقة صفيرة هيل مطحون وحوالي ملعقة ونص صغيرة كركم وخليها تطبخ على نار هادية عشان ماتحترق وبعدين لين خلصت خليها تبرد وبعدين شخليها وصبيها في البرطمان . وادعي لي ريحتها فظيعة .