السلام عليكم ورحمة الله وبركاته،،،،
يا امهات ارجوكم ساعدوني ابني عمره عامان الا ثلاث شهور اصابه اسهال وترجيع من كم يوم ياليت تعطوني وصفة طبيعية اساعده فيها لانه صار ضعف وااااااااااااااااااايد وجسمه صاير هزيل.
اكيد بسبب هالحالة ما ياكل، فانصحج اختي من واقع تجربة خذيه الى مستشفى ، لانه يحتاج مغذي، وبما انك بحرينية انصحك بدكتور في عيادة الحكمة اسمه حسن زين الدين، دكتور اطفال متخصص في الباطنية، بعد كل شي لا فلذات اكبادنا. وكل عام وانت بخير
السلام عليكم ورحمة الله وبركاته..
كـــــــــــــــــل عامــــــ وأنتي بخير الغاليه..
الغاليه لا تنطرين على طول وديه المستشفى لانه اكيد فقد كمايات كبيره من طاقته بسبب الاسهال والترجيع ولا تخلينه يصيب بجفاف بياثر عليه وايد..
سمي بالله ووديه العياده..
واذا عطيتيه ماي الارز او الموز وايد مفيد لتخفيف الاسهال..
الف شكر لكم يا خواتي المشكلة هو يرجع بعد وانشاء الله بوديه المستشفى بس ابي اساعده انا بعد في البيت بأغذية تفيده وتوقف الحالة الي عنده.
سولي له الغاليه عيش لين اكليه وبطاطس مهروسه
ألف سلامة عليه وان شاء الله ما يشوف شر بس حاولي تعطينه أكل جاف مايحتوي على دهون مثل عيش مطبوخ بماي بس أو بيض مسلوق و لا تعطينه فواكه مثل الحمضيات أو الكيوي وعطيه الخبز الأبيض بدل الأسمر و أتمنى أكون أفدتج اختي
اختي وديه بالمستشفى هم بيغذونه لمغذيات الطبيه مفيدة وبتنعنشه