يا بنات الرياض الحلوات 2024.

مرحبا للجميع …..بنات الرياض أنا جايتكم يوم الجمعة أن شاءالله للتسوق وياليت تعطوني اسماء أسواق ومراكز تسوق عندكم غير الفيصلية والوليد ومحلات فساتين راقية وماركات عالمية للشنط وبس ولكم دعواتي ياحلوات

لو طلبتي جده كان دليتك على حي حي وشارع شارع

ان شاء الله البنات يفيدونك

للأسف لو كنت أعرف ما أبخل عليكي ….

مشكوره عيوني ماتقصرين وأن شاءالله لما أزور جدة راح أرجع لج

[FRAME="1 70"]للأسف لو كنت أعرف ما أبخل عليكي …. [/FRAME]
مشكوره أختي على المرور

أقول تعالي جدة ونحن نروح معاك السوق لو تبين

عزيزتي عندك رويال سنتر طريق الملك فهد
العلياء مول،،،،،الحياةمووول جنااان طريق الملك عبدالله
في محلات كثيييير والناس اذواق

اذا تبين مراكز تسوق عدي واغلطي كل شارع تمشين فيه يكون فيه مجمع ,, بقولك عندك المملكه وفيها محلات شنط ماركات عالميه مثل غوتشي ولويس فيتون وجفنشي وبربيري ,, وبجانب المملكه مجمع العليا مول فيه فساتيين روعه ,, وخلف المملكه مجمع البستان جديد ,, وعلى طريق الملك عبد الله صحارى الرياض وصحارى بلازا وحياة مول بتلاقين فيه كل اغراضك كبير وفيه اغلب الماركات ,, وعندك مجمع غرناطه عند مخرج تسعه ,,وخريص بلازا بطريق خريص ,, وسنتريا مول بجنوب الرياض ,, وسلام مول ,, ورويال مول بطريق الملك فهد قدام فندق الشيرتون بصراااااااااحه رويال مول روووووووووووعه للفساتين ويجيبون لك من مصمميين وبالدور الثاني في مشغل نسائي للتفصيل ( الاخت هاويه تقصد برويال سنتر رويال مول غيروا اسمه ) وقدام المملكه في محل مصمم بس نسيت اسمه المحل لوحته على شكل فيونكه ,,وعندك نجود مول ,,..

اتمنى اني ساعدتك ولو بشيء بسيط ولاتنسين من دعواتك ان الله يزوجني عاجلا غير اجلا ,,..
واذا محتاجه اي شيء وصف ولا محل محدد ارسلي لي ع الخاص ومايكون خاطرك الا طيب ,,..

..{ ماقصرت ملح

ههههههههههههه

حلوة طريقتك ملح تجنن انا وانا من الرياض طارت عيوني شلون الاخت هههههههههه

الله يسعدك

اضيف البديعة مل بغرب الرياض شارع المدينة المنورة

سيتي مول طريق ديراب

وشارع العليا العام الماركات متناثرة فيه

والفساتين

فيه محلات عبدالله السيد طريق الملك فهد

ومجمع الموسى بشارع العليا العام

ولمسات طيبة بعد بشارع العليا

واذا تبين تقشين عندك الاندلس والرياض مول

واذا ذكرت شئ رجعت لك

وحياك الله بالرياض اختي