تخيلوا عمرها 5 سنوات..بس اخاف عليها قدام الناس تتكلم وكأنها عجوز وصايره تقلد كل اللي تشوفهم مره تقلد جدتها ومره تقلدني ومره تقلد ابوها …يعني مدري وش الحل معها…
بقول لكم كلمات اقولها انا ههههههههههه وهي تقلدني
يعني اذا تعجبت في سالفه اقول ((ياربي لك الحمد))
او
اذا شفت شي مزعجني اقول ((ياربي يا حبيبي))
او
شفت خواتي وتعليقاتهم اقول ((الحمدالله وشكر))
الكل مات ضحك وانا تعالوا دوروني مدري كيف قالت الكلمه ههههههههه ودي اهرب من الاستراحهومره زوجي كان يكلم صديقه سكر السماعه وطلع من البيت
واسمع صوت
لقيتها ماسكه السماعه وتقلد ابوها
ههههههههههههههه
ومره رحت لبيت اهلي وتكشخت الا اشوفها تحط روج ومسكره يعني ما تركت شي بوجهها الا وحطته وانا صدمه :woo: احب شكل بنتي كيوت بنوته مرتبه كذا لااااااااااااا هههههههه ورحت اغسل وجهها ماتت بكاء يوم جيت عند اهلي اشتكت لجدتها ردت عليها امي قالت عيب انتي صغيره قالت ..((ياربي لك الحمد وترفع يدينها وتقول جده ما تعرف مثل ماما ))
زوجي اشترى لي بجامه وله نفس البجامه وطقم وشكلها رهيب
تعالوا شوفوا بنتي يوم شافتنا لبسين نفس بعض
صرخت وبكت وسببت في البيت ازمه بكاء :confused:
وزعلت من ابوها والاخ زوجي ميت ضحك
ياربي قسم بالله بنتي طلعت الشيب براسي
امي دقت علي وكانت تبي حناء
وهي تشوفني احط حناء واقول لها هذا لجدتك
واليوم الثاني كانت عزيمه شافت جدتها متحنيه قالت بصوت مرتفع جده انتي حطيتي حناء من حق ماما صح ..وامي تسكتها ولا ما تسكتها فشلتني هههههههههههههههه
وامي تقول بنتك ذي ملسونه ما تنسى شي هههههههههههههه
نفسي تصير مثل البنات البنوتات والكيوت وما تتكلم كثير
بس شكل ما راح يصير
تهي تهي
الله يحفظها ويحميها ,,
خليها تاخذ راحتها فالكلام بلعكس باين عليها ذكيه ,
فديتها لازم ف سنها الاطفال يقلدون ويدخلون عالم الكبار والتقليد ف كل شي ربي يحفظها ويحميها لكـ واقري عليها كل ماطلعتي الناس ماترحم يااختي حتي موضوعكـ احذفيهـ ف ناس ماتخاف ربها وتصيب بنتكـ العين ربي يحفظها ف ناس عندهم عيال بسن بنتكـ ولا يتكلمون وكلامهم مو واضح واحمدي ربكـ ع نعمتهـ ومثل ماقلت لكـ حصني واقري ع بنتكـ…
حبيبتي حاولي لاتجلسينها مع الاغراب او الحريم الكبار واقري عليها الاذكار لاتنسين حصنيها حتى لو تروحي بيت اهلك
ولاتحطمينها وتصارخي عليها قولي لها لو جلستي هاديه اليوم لك هديه واعطيها عشان المره الثانيه تعرف انك صادقه وتجلس هاديه (( اكررر وااكد عليك لاتنسين تقرين الاذكار عليها بااي مكان ))
اتمنى تقبلي نصيحتي عن تجربه ..
الله يخليها لك.. مشكله خاصه بهالعمر اللي هي فيه
اكيد تقلد حركات الكبار..وسوالفهم ..وطريقتهم في تحريك اليد
او الفم ..او حتى النظرات ..وهـ وهـ اجل صايره جارتك
بس انتبهي لها عند الناس
وانتبهي تطيح لك في عوره 😉 واتوقع فهمتي قصدي
واذا ماكان عندك غير هالبنوته
اكيد مافيه قدوه لها غيرك انتِ وابوها ..
ولو كان عندها اخوات كبار كان تلهى معهم شوي ..
…
يسعدك ربي مثل ماضحكتيني ياغلاي..||
ربي يحفظها
وربي تجنن ..
خليها على راحتها تقول اللي تقوله خخخخخخخخخخ
بسم الله عليها ربي يحفظها من العين
تجلس بين الحريم وتقول يالله برحمتك .. وش تريدوا تتقهووا ياحريم هههههههههه .. واحنا فطسنا ضحك عليها ..,,
الله يحفظها ويخليها لكم يارب ..,,