السلام عليكم
هلا والله وغلا بكل وحده طلت علينا في الموضوع
حبيباتي
انا بتكلم باسمي وباسم كل عرايس عرووس اللي في طرقهم لعش الزوجية
طبعا انتوا تعرفون انه خبرتنا بسوالف الاتيكيت الاجتماعي قليله
يعني ما نعرف مثلا متى الوقت المناسب اللي نقدم فيه الشاي؟؟؟ اول ما يوصلون الضيوف شو نقدملهم؟؟؟
مممممم
كيف ندعوهم للاكل
كيف نستقبلهم؟؟؟
اذا مثلا عمتي ام ريلي داعيه ضيوف شو دوري انا في الموضوع؟؟؟؟
يعني سوالف السنع هاي
ههههههههه
ها هل من مشمر؟؟؟؟ :clap:
يبي لنا كورس والله
الله يعينا يا رب
مشكلة مشاكلنا هي الخجل
يالله يا خبيراتنا
نتريا
حبيباتي الف مبروك مقدما والله يتمم لكم على خير
ما فهمت سؤالك عدل هل انتي تبغي الاتكيت بس شو تسوين زي ما راح اقولك ..؟
ولاتبغين صور طرق التقديم؟؟؟
اول ما يوصلون الضيوف شيلي عباياتهم وانتبهي لا تتلخبط غطاويهم وحيهم ترحيب سنع
واتركي الخجل لانهم بعد كذا بيقولون فلانه والله ما تحب الناس ما ضيفتنا زين وكلام الحريم كثير
قولي لهم يا هلا وسهلا زرتنا البركه
البيت نور
يا حيالله من جانا …….الخ
بعد ما يجلسون شوي قدمي العصير والخ
ووقبل لا يجون الضيوف لازم تكوني مبخره البيت وعيب تبخريه وهم موجودين يقولواالعود ما بعده قعود وكانك تطرديهم من بيتك
شوفي طبع الناس من مدينه لمدينه يختلف
حنا طبعنا نقدم العصيراول وبعد العصير نحط القهوه والحلى والحلويات وبعدين الشاي والمكسرات ومعجنات ونقدم معة جاتوه
شفت ناس طبعهم غير اول شي القهوه ومه القهوة الحلويات والحلى والجاتوه .. وبعدين الشاي مكسرات ومعجنات وخلاص اخر شئ قبل لا تروحين العصير
انسي شئ اسمه قعده وسواليف كل ما يخلص فنجان وحده قومي صبي لها قهوة
دله القهوةبيدك اليسار والفنجان باليمين
ولا تعبي الفنجان كله خله ناقص شوي .. يقولون هذه قلبها طفحان علينا ..
وبعد القهوه الحلى ووزعي المناديل لا تنسي
:
:
ساعة العشاء قولي حياكم الله تفضولوا
وتكوني مجهزة السفره ومرتبتها وحاطه لكل وحده صحن وملعقه وشوكه وسكين وكاسه العصير ومناديل
.. ولا تنسين ملاعق غرف لكل اكله عاملتها عليها مغرفه
واذا كنتي مصلحه شربه لا تنسين تحطي صحن الشربه فوق الصحن الكبير
ولا تنسي صحون الحلى الصغيره وشوكاتها وملاعقها خليها على جنب
وأذا بتحطي فاكهه فانصحك تخليها بعد العشاء وتقومي توزعي صحن فاضي وشوكه وسكين لكل وحده وهي اما تحطن بنفسها واذا انكسفت روحي عبي لها صحن وجيبيه لها
بعد العشاء
في ناس يبخروا الضيوف ويعودوهم
وبعدين يمرون عليهم بعطور ودهن عود هذه تكوني مجهزتها بسله وتمري على كل وحده وتحطين لها
————————
بالنسبه لعمتك ام رجلك سوي اللي تسوينه في بيتك .. وعند اهلك انتي باشريهم بكل شي وحيهم وشيلي العبي وبخريهم من إلى خلك ذراعها المين
اول شئ هي مره كبيره مالها حيل تقوم وتقعد .. فانتي تولي مهمه الصب والروحه والجيه ..
أتمنى اكون افدتك انتي وباقي البنات
سلا11111111م
هذا هو قصدي
يعني اذا رتبت كلامج بنقاط :
1- تدخين البيت وترتيب كل ش
2- استقبال حار +حمل العبي والوقايات ( يمكن عندنا في الامارات مو الكل يحب يفصخ وقايته وعباته … على حسب الشخص )
3-تقديم عصير
4-تقديم الحلويات وياها القهوه
5-تقديم معجنات وياها الشاي
6-دعوتهم على العشا
7- تبخيرهم وتعطيرهم بعد الاكل
ومثل ما قلتي كله ولا الخجل
انا شايفة ان لو في عشا لا يستحسن تقديم حلويات وكمان معجنات قبل لان ممكن مايعرفوش ياكلوا كويس او نفسهم تتسد من الحلويات ويقولوا دي بتسد نفسنا عشان منكلش كتير ولا ايه هههههههههههه
يعني نكتفي بالعصير
وبعدين مجموعه معجنات خفيفة وهشة تكون مش مسكرة حدقة يعني لفتح الشهية وبعدين العشا وبعدين تقديم الحلويات والفاكهة بعد العشا
الغلا كله
ايه عزيزتي .. ترتيبك صح تدرين كتبت ردي بعد الفجر وولدي بحضني الله يهديه ما رقد الى الساعه 5 الصبح
علشان كذا كان حايس بس الحمد لله غنك فهمتي عليا
ممكن بعد العشاء تضيفيهم بقهوة .. اذا كانت لسه القعده مطوله ووبعده الشاهي
ومثل ما كالت الاخت فيس لا تكثرين معجنات وحلى مع القهوة خلي الباقي بعد العشاء
<<<<<<<<<< احيانا احضر سهرات طويله لين 3 الصبح
ولا تنسي التفنن في التقديم والتزيين
سلام
 |
اقتباس |  |
 |
المشاركة الأساسية كتبها ناني فيبس |  |
 |
| معلش انا بس لي راي كدة حابه اضيفة انا شايفة ان لو في عشا لا يستحسن تقديم حلويات وكمان معجنات قبل لان ممكن مايعرفوش ياكلوا كويس او نفسهم تتسد من الحلويات ويقولوا دي بتسد نفسنا عشان منكلش كتير ولا ايه هههههههههههه يعني نكتفي بالعصير |
||
 |
 |
حلو يا ناني
مشكووووووره
|
اقتباس | |
|
المشاركة الأساسية كتبها لوليتا | |
|
| الغلا كله
ايه عزيزتي .. ترتيبك صح تدرين كتبت ردي بعد الفجر وولدي بحضني الله يهديه ما رقد الى الساعه 5 الصبح علشان كذا كان حايس بس الحمد لله غنك فهمتي عليا ممكن بعد العشاء تضيفيهم بقهوة .. اذا كانت لسه القعده مطوله ووبعده الشاهي ومثل ما كالت الاخت فيس لا تكثرين معجنات وحلى مع القهوة خلي الباقي بعد العشاء <<<<<<<<<< احيانا احضر سهرات طويله لين 3 الصبح ولا تنسي التفنن في التقديم والتزيين سلام |
||
|
|
مشكوره لوليتا
وبوسيلي الكتكوت اللي عندج
الله يحفظلج اياه