يا متزوجات اللي تعدل البيت وبدقيقة يتلخبط فوق تحت بسبب زوجها تدخل وتشتكي معاناتها 2024.

بنات المشكلة طبعا مبينة من عنوانها

واهيا مو مشكلتي انا بل مشكلة وايد بنات

اللي اهيا تعدل في مكان وزوجها يعفس في مكان ثاني تجي هنا وتقول معاناتها

وشلون تتصرف مع زوجها

انا عني انقهرت ووصلت حدي وخبرت زوجي بهالسالفة فحسيته زعل

يا ترى انتوا شتسوون؟؟

لانها فعلا مشكلة انج تحسين نفسج تتعبين وفيه احد وراج يخرب كل اللي سويتيه

والا انتوا شرايكم يا متزوجات؟؟؟

[frame="2 80"]حراااااااااااااااااام عليج . … والله انا استانس يوم ارتب وانظف ورا ريلي .. احس بقيمتي واني مهمه في حياته فديته عيل منو بينظف وراه ..؟؟ بالعكس حسسي ريلج انج عادي عندج .. اصلا الريال بطبعه فوضوي غير عن الحرمه اللي النظام عندها اساسي .. لا تنسين انه ها الشي الريال يتعود عليه من لما كان في بيت اهله يعين الام ما يهون عليها ولدها تقول له انت لا توسخ ولا تغث ولا ترمي .. يعني اذا رما ملابسه فيه من بيشيلها واذا اكل فيه من بيشيل الاكل يعني رياااااااااااااااااااااااااااااااااااال شو تتوقعين بيسوي ؟؟؟؟ خلج عااادي وكل الحريم جيه ما فيه شي يديد ولازم تستسمحين من ريلج مسكين زعلتيه على سبب تافه …. عوديه انتي انه يساعدج مثلا في ترتيب الفرش او انه يرمي الوسخ في الزباله بس لا تنهرينه بيطفش … بيته ويبي ياخذ راحته فيه … وانتي وسعي صدرج …. والا شو رايج ؟؟؟ [/frame]

اقتباس

المشاركة الأساسية كتبها ماروكووو

	[frame="2 80"]حراااااااااااااااااام عليج . … والله انا استانس يوم ارتب وانظف ورا ريلي .. احس بقيمتي واني مهمه في حياته فديته عيل منو بينظف وراه ..؟؟ بالعكس حسسي ريلج انج عادي عندج .. اصلا الريال بطبعه فوضوي غير عن الحرمه اللي النظام عندها اساسي .. لا تنسين انه ها الشي الريال يتعود عليه من لما كان في بيت اهله يعين الام ما يهون عليها ولدها تقول له انت لا توسخ ولا تغث ولا ترمي .. يعني اذا رما ملابسه فيه من بيشيلها واذا اكل فيه من بيشيل الاكل يعني رياااااااااااااااااااااااااااااااااااال شو تتوقعين بيسوي ؟؟؟؟ خلج عااادي وكل الحريم جيه ما فيه شي يديد ولازم تستسمحين من ريلج مسكين زعلتيه على سبب تافه …. عوديه انتي انه يساعدج مثلا في ترتيب الفرش او انه يرمي الوسخ في الزباله بس لا تنهرينه بيطفش … بيته ويبي ياخذ راحته فيه … وانتي وسعي صدرج …. والا شو رايج ؟؟؟ [/frame]

انا مع ماروكو :shy:

انا عندي نفس المشكلة و دوم انظف من وراه و مرات أحس انه تزيد الفوضى عن حدها
يعني الاشياء الاساسية انظفها و بعض الاشياء اقوله هو يسويها بس هو كله ينسى
مثل انه يطلع -تكرموا -اكياس الزبالة بره و هذه المسؤولية الوحيدة اللي عليه فانا اتعصب مرات و دايما حجته انه يشتغل و وايد ضغط عليه مع انه بس عنده دوام واحد بس هو طبعه كسول و ما باليد حيلة
هم الازواج كذه

الصراحه انا يوم اشوف ريلي وايد امعفس البيت اقعد واقوله انت عفست وانت اتنظف ويروح يرتب وبعد فتره بطل من الفوضى لانه تعب من الترتيب علشان ايحس فيني

انا زوجي مايعفس بس فيه طبع يقهررررررررررني

لين ايي يبدل ثيابه على طول يفلتهم على الكرسي هوايته هذا الكرسي كل شي يفلته علييييييييه

انا اعصب اقوله مرة ثانيه بقطهم بره الشارع هههههههههه ولا كو فايده نفس الشي مايتغيرون

كل الرجال كذا.. بس عاد ماله داعي زوجك يزعل..

أنا كل يوم أهذر على زوجي هو يوسخ ويرمي وأنا وراه على طول..

بس الحمد لله تحسن الوضع وااااااااجد عن قبل..

أنا أقول حني واجد عليه عشان يهون..

شكرا على ردودكم

ذكرتوني بدكتورة فوزية الدريع لما قالت الريال لازم تخلينه ياخذ راحته عالاخر في هالشي

لان هذي طبيعته

ولازم تشتغلين عنده مضيفة جوية بدون ما تتاففين