ولهااااانه عليكم يا بناااات وايد وايد وايد .. من زمان ما قريت مشاركاتكم ولا حتى شاركت بحرف
تدرون ليش ؟؟؟ بسبة دواااامي
اشتغل بقطاع خاص و كرااااف دواميــــن صبح و عصر تخيلوا !!! كنت مشتطه و مستانسة على الراتب و قلت بفسفس يمين و شمال على راحتي
و الله يا بنات ينزل الراتب ما عندي وقت أصرفه من كثر الشغل !! أرد البيت احط راسي و أنام
الحين طق بمخي أهد المكان اللي انا فيه و أصير أبلة لأن تخصصي كان انجلش بالجامعة
ابي رايكم .. تشجعوني ولا لأ ؟؟ أحس التدريس حلو و انا الحمدلله أحب اليهال و بالي طويل عليهم
ناس يقولون احسن لج و راتب حلو و اجازات و الدوام قصير بالمقارنة مع كرافي الحين
و ناس تقول تعب و الناظرة تشيل عليج و الوكيلة اتكدشج و الاخصائية ما دري اشسالفتها و المدرسات أحزاب و كتل و و و
كلش واصلة حدي من دوامي .. كل يوم اقول بستقيل مع ان توني مكملة 4 شهور !!
انا طالبه وداشه أدب أنغليزي وناويه أصير مدرسه أن شاااءالله انتى ماعليج من كلام الناس
اللى انتى تشوفينه سووويه ولو حاسه انج بتعطين فى مجال التدريس حولى على التدريس
وصدقيني لايمهمج كلام الناس انتى بالاول جربي التدريس بعدين احكمي لاتسمعين كلام احد
يوم طريقة تفكيرج غير عنهم لاتخلين احد يتصرف بيحياااتج اختاري طريقج بنفسج بدون مساعده من احد ولووو عندج اخت مدرسه او صديقه روحي داومي معاي واستأذني من الاداره وشوفى الجو لو ارتحتي وحاسه انج ممكن تكملين بالهمجال استمري
وانتي تعبانه أصلاً من دوامج فما راح يفرق عليج .. حولي أختي وان شا الله بترتاحين والأحزاب
والكتل انتي تقدرين بشخصيتج تتحاشينها وبالنسبه للناظرة والوكيله اذا انتي تشتغلين بضمير
وماشيه سيده وما في مرضيات عالفاضي والمليان بيقدرونج وبتاخذين حقج وزياده ..
بس نصيحة أخيره إذا بتدرسين روحي متوسط واذا تبين ابتدائي روحي مدارس بنات لا تروحين بنين
لأن الصبيان شي عجيييييييييييب ييننون اللي ما ين ههههههههههههه
والله يوفقج لما هو خير لج واي سؤال دزيلي رساله عالخاص وانا حاااااضره 
هلا وغلا Miss B. …….
حبيبتي احسن شيء تسوينه انك تستخيرين والله ييسر لج اللي فيه الخير..
اذا المشكله في التعب والاحزاب والناظره والوكيله .. ترا اي شغل الواحد يشتغله بيحس بتعب فيه .. ومشكله الاحزاب موجوده في كل مكان مش بس في المدارس.. وسبحان الله حتى عند اكثر الناس ثقافه ممكن تشوفينها .. لأنه هالشيء شخصي.. يعتمد على شخصية الانسان وتربيته ومبادئه واولوياته الخ ..
الله يوفقج اختي وطمنينا عنج
:flower: :flower: :flower:
الله يوفقج يارب و يسهل أمورج
صاجه كل وحده شخصيتها غير و تشوف الأمور من نظرتها .. بيني و بينج انا مو خايفه من تأثير الناس على كثر ماني خايفة من التدريس نفسه
لأن الموضوع ما كان ابالي خير شر .. توني فكرت فيه و قلت أحسن لي من دوامي الحين .. التجربة نفسها أحس اني بعطي فيها ان شاء الله لكن انا كنت آداب مو تربية فمادري شنو اللي ناطرني
تسلمين يا قلبي على كلامج الطيب
سكون
و الله من ناحية الضمير الحمدلله موجود .. شاللي متعبني غير هالضمير لأني اشتغل عدل تشوفيني مو ملحقة .. يعني من هالناحية ان شاء الله تمام
ادرس بنات ؟ امممم عاد قالولي الصبيان أحسن اتصدقين ؟!
يقولون البنات حنه و لويه .. الصبيان صج مزعجين شوي بس لج هيبة جدامهم
ما قصرتي يالغاليه و خلاص وعد اذا احتجت أي شي بدزلج على الخاص
العنيــــــدة™
يا هلا بمشرفتنا الغالية
و الله كنت بستخير بس عندي ظروف احم احم
موضوع الاحزاب مو مخوفني لأني الصراحة ما اهتم .. الحمدلله علاقتي حلوة مع الكل و ما يهمني شنو اللي يصير بينهم
بس انتي عارفة لما الكل يتكلم و يعيد و يزيد يدخلون الخوف بقلبج .. سبحان الله مع ان نيتهم زينه و يبون يحذرونج
الله يسهل أمورنا أجمعين و يوفقنا لما يحب و يرضى
الله يوفقنا اجمعين أنا بعد ادب انغليزي بس مو تربيه ادب عام وناويه ادش التدريس لاتخافين يقبلونا مثل التربيه لانه الانغليزي كله واحد لاتحاتين واستخيري واللى شايفته عدل سويه
موفقه يالغاليه بس ابى اعرف انتى خريجة اي جامعه اذا مافيها كلافه
والله احنا نبيكم ادرسون عيالنا يكون احسن
بس اللي انتي اتشوفينه زين لج سويه ومن ناحية الاحزاب موجوده بكل مكان انتي اللي تقررين
تكونين معاهم ولا لأ شخصيتج اهي الي تفرض وانتي حاولي خليج سطحيه لي شفتي شي
مو عدل بعدي عن الشر
والا شرايج؟
سماء الأحلام
لا كلافة ولا شي .. عزيزة و غالية
انا متخرجة من جامعة الكويت
رشة مطر
و الله على قولتج ابعد عن الشر و غنيله
و الحمدلله هذي طبيعتي .. طول ما انا زينة مع الكل خلاص مالهم شي عندي
بس حلوة كلمتج نبيكم اتدرسون عيالنا .. و الله ونستيني
بنات للحين محتاجة آراءكم
ساعدوني سواء بالسلبيات أو الايجابيات