يببت لكم طريقه كيكه الكوسا ع طلب واايد من البنات
واتحدا الي ياكلها يقول فيها كوووووسه ماشالله انا اذا سويتها مايخلوون منها شي لانها بالفعل رووووووووووعه
يالله بسم الله نبتدي:
المقااادير
2 كوب طحين ((جميع الاستعمالات))
2 كوب سكر
ا كووب زيت
3 اكواب كوسا مبشووره بالقشر طبعا (( تبشرين الكوسا على المشاره الي اصغر نووع وانتي تبشرين بتلاحظين ان يطلع منها مااي عادي بعدين اذا خلصتي حطيها في مشخاله وبيروح منها الماي بس لازم تكوون في اصغر نوع عشان ماتبين فالكيكيه))
ملعقه شاي روح الفانليا
5 بيضات
2 ملعقه شاي بيكنج بودر
1/2 ملعقه شاي بيكرنونات الصوديوم
1/2 ملعقه شاي قرفه((دارسين)) بس انا احط اكثر يعني وحده ونص او وحده لاني احب القرفه ويطلع طعمها واااااو فالكيكه
1/4 ملعقه صغيره ملح
1/2 كوب جوز مقطع انصااف اذا تحبين اكثر ع ذووقج
ملاحظه: الكوب اقصد فيه كووب الروب لان احسن شي انا استخدمه للعيار صرااحه
يالله نبدا فالطريقه::
1/ نخلط البيض والسكر والزيت فالخلاط لين ماتنخلط عدل وتصير كالكريمه تقريبا.
2/ وننخل الطحين ويا الملح والبيكربونات الصوديوم والبيكنج بوودر.
3/ نحط الطحين مع بااقي المقاادير الاولى ((البيض والسكر والزيت)) بالتدريج(
4/ بعدين نحط باقي الااشيا القرفه والكوساوالفانليا ونخلطهم بالخلاط اليدوي عدل.
5/ وهو اخر شي بعد مانخلص نحط الجوز عشاان مايتكسر فالخلاط ونخلطه بالملعقه ونصبه فالبايركسملاحظااااااااات مهمه::cool2:
**حاولو تخلوون لاشيا البارده برا حوالي ساعه ع اساس تكوون في درجه حراراه الغره ((البيض مثلا))
**عشان تعرفوون ان الكيك استوا غزيه بالشوكه وهو فالفرن اذا طلعت نظيفه يعني هو استوا واذا لا يعني بعد يبيله
وبالهنااااااااااا انشالله
اتمنى من كل قلبي وتسونها وانا متاكده باذن الله انها راح تعجبكم لانها صج رووووووعه عليها شووي
وادعووولي الله يححق اللي فبالي اماااااااااااااانه ويخليلي عبوودي نور عيووني(r) :9_33: :9_33:
اختكم
عبوودي ولدي فديته:1_8: :1_8:
والله يحقق اللي في بالج ويخلي لج عبودي ان شاءالله
والله يحقق اللي في بالج ويخلي لج عبودي ان شاءالله
عاشقه علاء-14
منبع الروح
عاشه الهدوء
غرشوبه الشارقه
مشكووووووورين ع ردوودكم الحلوه وماقصرتوا وابيكم تجربونها وتقولون لي شرايكم فيها
ويخلبيلكم كل غالي
قولو امييييييييييييييين
وكانت روووووووووووووعه
ولا حد صدق انها كيكة كوسه
عبالهم كيكة التفاح لأان فيها دارسين وجوز
بس جربتها مره وحده وضاعت مني الطريقه
مشكوره فديتج انشالله بكره بسويها مره ثانيه بس بطريقتج هالمره