يدي سبب عقدتي فالدنيا 2024.

السلام عليكم ورحمة الله وبركاته
بنااات والله اني اعاني من صغري عمري ماشعرت باحساس الانوثه والسبب يدي
يدي مفاصل اصابعي فيها اسمرار حتى المناكير ماقدر احطه يسمرها زياده دايما اخبي يدي ولا اقدر البس اكسسوار لانه يلفت النظر والناس تنتبه للبقع اللي فيها
ارجوكم والله عندي عقده نفسيه والسبب يدي
اريد وصفه تشيل هالبقع لاتقولولي ليمون لاني استخدمت الليمون فترة طويييله لكن فتحها شوي بس ماازال البقع
بنت عذاري تكفييين ساعديني انا حطيت لكم صوره عشان تعرفون مدى معاناتي

[IMG][/IMG]

الله بالخير الغاليه وان شاءالله ماشي معاناة مافيش شي الا شي بسيط حمدي ربش وشكريه ولا في داعي للعقد والتعب

وبالنسبه للاسمرار بنت عذاري مارح تقصر

الله يوفقش حبيبتي..

ربي يكون في عونك

احلى ظفاريه بالووومه اشكركم على مرووووركم وان شاااء الله احصل حد يساااعدني

يااختى الناعمه اول شى قولى الحمد لله على كل شى واهمها الصحه
جت عالايد عادى.. انا حاسه بيك بس ماتخليها هى شغلك الشاغل
وبعدين حتى انا عندى شوية اسمرار على مفاصل ايدى
مره سمعت خبيرة تجميل عالتلفزيون تقول هالطريقه وهى :
انك تحطى كل ليلة على مفاصل ايدى فازلين الوردى تبع جونسون
وادلّكى المفاصل لثوانى الافضل دقيقه والله حسيت بتحسن ملحوظ
ان شاء الله اكون افدتك اختى الناعمه..

ادلك بفازلين الورد على المفاصل اووووكي
بجربها تسلميين ياقلبي
والحمدلله على الصحه والعافيه

عزيزتى فازلين الوردىىى مو فازلين الورد ماركته جونسون تبع الاطفال
ولو اتحسنت ان شاء الله ادعيييييلى ربى يتمم زواجى على خير

اي عرفته تبع الاطفال بس غلطه مطبعيه
ربي يسعدك ويهنيييييك ويتمم عليك زواااجك

عزيزتى حاولى اطّبقى هالوصفه لااختى سندريلا وباذن الله
تفيدك وهى:1-اقشر يدي بليمون و ملح و اغسلهم
2-و بعدين انقع يدي بحليب مدة عشر دقائق
3- بعدين اجيب كيس شاي من اللي احنا استخدمناه و اضع عليه قليل من الماء و اضعهم على يدي و افركهم لحد ما ينشف و اغسلهم
4- اضع عليهم جلسرين مع زيت سمسم او كريم مرطب مع الليمون

تسلمين والله دكتورة لامار والله يجعلك من اهل الجنه وان شاااء الله اطبق الوصفه