اليوم جايبة لكم طبق الكل يحبة
وبدل ما نتعنى نروح مرمريز او الابراج علشان ناكلة
خلاص
طريقة مضمونة ولذيذة
يلا نبدأ
المخاسير
الدجاج)
صدرين دجاج مقطع مكعبات (مربعات)
بيضة وحدة وبس
طحين شوي
ملح وبهارات كل واحد واللي يحب يضيف
مخاسير : (الصلصة)
بصلة مفرومة ناعم
فصين ثوم مفرومين ناعم
فلفل اخضر مقطع صغار
جزر مبشور أو مقطع قطع طولية رفيعة
فلفل بارد مقطع قطع طولية رفيعة
لمحبين الاكل الحار .. فلفل حار او زنجبيل
3 ملاعق نشا أبيض
2كأس ماء
ملعقة كاتشاب ,, ملعقة صويا صوص , ملعقة خل أبيض أو اسود
مكعبين ماجي
يلا نبدأ الطريقة
بعد ما قطعنا صدور الدجاج مكعبات
نتبلها بالبهارات والملح ونتركها على جنب
وعلى بال ما نجهز الزيت للقلي
نقلب الدجاج في البيض وبعدين الطحين
ونقليها في زيت غزير وحار
الى حد ما يتعمر لونها
ألحين جاء دور الصلصه
نضع البصل والثوم والبصل الاخضر والجزر والفلفل البارد كلها في شوية زيت زيتون ونشوحها لحد ما يتغير لونها
نجهز ألحين النشا ونذوبه في الماء البارد
نضيف له ملعقة كاتشاب ,, ملعقة صويا صوص , ملعقة خل أبيض أو اسود حسب الموجود
نخلطهم زين مع بعض ونصبهم على خليط البصل اللي على النار
ونحركهم زييييييييييين لحد ما يثقل الخليط
ولا ننسى نضيف الماجي
إذا حسيتي الخليط ثقيل ممكن تضيفين شوية ماي
اضيفي قطع الدجاج وحركيها لحد ما تتجانس المكونات مع بعض
خليها تقريباً عشر دقايق على نار هاااادئة
ثم قدميها مع الرز الصيني أو السلطة الخضراء
ملاحظه : اللي يحب الأكل سبايسي يحط فلفل حار او زنجبيل حسب الرغبه مثل ما ذكرت
وبالعافية
بس جربوها وخبروني
وبصراحه الصور تخليني اتولع على الأكله
شكلها لذيييذ
تسلمين الغاليه على الأبداعات
في الويكند ان شاء الله بسويها الصراااحه شي شي
تسلمييين حبيبتي
جاااااااااااااااااري الحفظ
بسويها باجر ان شاء الله
ما شاء الله تبارك الله
دائمآ ررررررائعه واطباقك
جديده ولذيذه تسلم ايدينك
يا احلى الشيف campoocha
بس شو يعني اسمك؟
بسويه باجر
والله جوعانه الحين
بس مالي خلق
بكره على غدا باذن الله
ومشكوووره يا احلى شيف
يوم اجربها بقولكم
جربتها وطلعت رهيييبه
خساره نسيت اصورها 🙁
زينت الطبق وصار شكله حلو
حطيت فيه سلطه ورز حطيته في زبديه اول وبعدين قلبته في الصحن
وحطيت الدجاج على خس وبعد مابدينا الاكل تذكرت التصوير 🙁
الله يعطيكي الف عاافيه :clap:
وننتظر جديدج
تحياتي …