أبي تعلموني الطريقة الصحيحة للحشو … اللي يكون فوق الرز (العيش)
أنا عارفة أنه سهل .. لكن مايضبط معي ودايم أنحرج مع زوجي خاصة أنه يحبه 
هو مكون من : البصل والزبيب والحمص واللومي الأسود المطحون
لكن حظي معهه مش كويس أبدا
أرجوكم سااااااااااعدوني
لايكون قصدك الكشنه اللي فوق الرز
الحشو هذا غرااااامي و امي فنانة بالحشو و هي ناوية تعلمني عيش الحشو هالايام ( من كثر ما حنيت على راسها ) لول
انا دايما أسألها و اشوفها تنقعه اول شي بماي … بعدين تحمس بصل و تحط شعيريه و الزبيب و تحط فوقهم شوية هيل
بس اسألها باكر لا قعدت و اعطيك العلم الوكادي 
…
جويل
 |
اقتباس |  |
 |
المشاركة الأساسية كتبها شواقي الحلوه |  |
 |
| اختي ودي اساعدك بسسسسسسسسسس والله مافهمت وش تقصدين لايكون قصدك الكشنه اللي فوق الرز |
||
 |
 |
هلا حبيبتي شواقي
مدري والله أن كان له مسميات ثانية ..
بس هالشي مشهور عند أهل الكويت والبحرين وأهل الشرقية بالسعودية
على العموم ماقصرتي يالغالية
وأنا عارفة لو أنك تعرفين الطريقة ماراح تبخلين فيها
ألف شكر لك
وبارك الله فيك
|
اقتباس | |
|
المشاركة الأساسية كتبها جـويـل | |
|
| السلام عليكم ورحمة الله وبركاته
الحشو هذا غرااااامي و امي فنانة بالحشو و هي ناوية تعلمني عيش الحشو هالايام ( من كثر ما حنيت على راسها ) لول انا دايما أسألها و اشوفها تنقعه اول شي بماي … بعدين تحمس بصل و تحط شعيريه و الزبيب و تحط فوقهم شوية هيل بس اسألها باكر لا قعدت و اعطيك العلم الوكادي جويل |
||
|
|
هلا حبيبتي جويل
أنا مشكلتي مع هالبصل .. ماأدري ليه مايضبط معي ؟؟
أنتظرك حبيبتي … لاتطولين علي
سلامي للوالدة الغالية
وألف شكر لك
شلونك اختي فيونه؟
سألت أمي عن الطريقه
شوفي يا الغاليه الحشو ما يحلا الا مع الشعيريه …
نبدي بالشعيريه ..أول شي احمسيها ( كشنيها ) بدووون زيت بعدين لا صارت شقره اطبخيها بماي عشان تلين … ولا شفتيها صارت لينه طلعيها واشخليها …
الحشو :
1- أول شي نقعي الزبيب بماي بس مو لازم يطول 4 او 5 دقايق بس
2- حطي بصل و احمسيه بدوووون زيت لحد ما يصير لونه أشقر بعدين حطي شووووية زيت عالبصل
– بعدين حطي مع البصل لومي اسود مطحون و هيل و دارسين بس شويه لا تكثرين منهم
– حطي فوقهم الزبيب و قصري عالنار لا تحرقينه و لما يقرب يستوي حطي شوية زعفران و مصفر عشان طعمه ولونه يصير اشقر بس لا تكثرين
– آخر شي حطي الشعيريه فوق الحشو و طبقي عليهم ووطي عالنار آآخر حد و خليهم بس تقريبا 3 دقايق و طفي النار
– جيبي استكانه حطي فيها ماي ورد و مصفر و زعفران و صبيها على طرف العيش و حطي الحشو عليها و طبقي عالجدر و لا بغيتي تغرفين شيلي طرف الحشو مع طرف العيش الاصفر و اخلطيهم بصحن لحالهم و اغرفي العيش عادي و حطي فوقهم الحشو
أهم شي المقادير تكون بشويش لا زايده ولا ناقصه
ان شاءالله ماهي صعبه بس اهم شي لا تحطين زيت مع البصل
ناطرين أخبار الحشو
و حياك الله يا الغاليه
جويل
أن شاء الله بجرب هالطريقة … وأعلمك بأخر الأخبار
وصلي بوسة لراس الوالدة وألف شكر لها والله يخليها لكم أن شاالله
بارك الله فيك