بس هاه بصراحه يعني ابي ردود عشان الواحد يتشجع ويستااااااااانس وسالفه …..
ابي حماس عشان اتحمس …..
<<<<<< تقول في خاطرها ما يسوى عليهم
مب كاني قلت ما باطول المقدمه؟؟!!
المهم حبايبي
المقادير:
كيس خبز توست
حليب
للحشوه :
بصله مفرومه ناعم
دجاجه او باكيت صدور دجاج مسلوق ومفتت
جزره كبيره مبشوره او 3 صغار مبشورين
علبه مشروم مقطع شرائح
فلفل بارد مقطع مكعبات صغيره
شبت وكزبره مفرومين
عصير ليمونه صغيره
ملح وفلفل اسود وبهارات
للصلصه
علبه جبنه بوك صغيره
1 قشطه
كاس حليب
علبه وحده مايونيز قودي صغير ( لحظه بس قبل لا تهونين ترى مو كثير لان الصينيه كبيره وبيتوزع وقودي خفيف ) ولازم قودي لاني لما غيرت المايونيز ما ضبط… مب تسوينها بغيره وعقب تقولين ماضبط هذا انا اقول لج لازم قودي…
الطريقة :
الحشوة : في قليل من الزيت حمري البصل وضيفي له المشروم وخليه لين يذبل وضيفي الفلفل والجزر والدجاج وباقي مكونات الحشوه وعقب ما تنضج اعصري عليها عصير اليمونه وترى هالخطوة مهمه والله لا تنسين الليمونه …
قطعي اطراف التوست وصفيه في صينيه التقديم وبللي اطرافه بالحليب بواسطه الملعقه
وزعي الحشوه فوق طبقه التوست وصفي فوقها طبقه ثانيه من التوست الي ازلتي اطرافه
اخلطي مكونات الصلصه وحطيها على الوجه ودخليها الفرن لين ما يحمر الوجه
وبالعافيه
أرجع اقول لازم ما يونيز قودي ولازم تعصرين ليمونه صغيره على الحشوة والله تفرق في الطعم كثيييييييييييييييير… وهذا سر الطبخه
لا تنسوووووووون الردود …. لان صينيتي في الفرن وانطروني والا مرو مره ثانيه
منقوووووووووووووووول بالامانه جربتهااااااا وطلعت تحفه رووووووووووووووعه
تسلمى ياقمر
تسلم إيدج عزيزتي…
و الله يعطيج العافية (f)
انا اسوي تقريبا نفس الشي بس الفرق اني اقطع اطراف التوست وادهنه بالحليب وارقه بعدين احشيه بالحشوة (نفس حشوتج بالضبط) والفة وبعدين اقطعة من النص واصفه في البايركس واخر شي اصب عليه الكريمة (جبن وقشطة) يطلع روووووووووعة……:21_91:
تبين الصراحة دخلتيه في خاطري،، شكلي باسويه اليوم..
:Za_thanx:
تسلم يدج حبوبة…
:Zd_bye_3:
السلام عليكم ورحمة الله وبركاته
يميمي احسه لزيييييييييييز تسلمين يالغاليه
هنوده
اناااااااااااا بسوي طريقتج وانتي سوي طريقتي حبوبه خخخخخخخخخ
نوووووورتوا الصفحه ياحلوووووووووووووووات