أول شي نبدي
بسم الله الذي لايضر مع أسمه شي
أول شي أنا وحده دبه وعيزت أنزل وأرتفع بوزني
رحت للدكتور علي الظن وكان ريجيمه جد جد سيء وسببلي فقدان شهيه وترجيع عزكم الله
ولي مارديت لأكلي طبيعي خذلي شهر:mad:
المهم ماعليكم بطويله
جفت يوميات قطوة عضوه بمنتدى آخر معاي وأهي إلي شجعتني على هشي وقلت يله زلقه بطيحه:p
وقمت ادور عندنا إلي يوصلون أكل دايت للبيت ولقيتهم ومن كثر الزحمه عطتني موعد لأسبوع إلي بعده
المهم رحت لهم يوم الأربعاء إلي طاف ودارت خرايط راسنا لي ماحصلناهم أنا ماعندي ليسن للحين الوالد الله يحفظه وداني
قعدنا وعقب 5 دقايق نادتني وقعدت تستفسر مني كذا شي وعطتني التعليمات وعطت الوالد القوانين والأنظمه عشان يوقع عليها لني قاصرعمري 18 وقاصر المهم
عطتني منيو وقعدت أحط شابي وشنو مابي وعقب دخلت على الأخصائيه لبى قلبها أتهبل وحيل مريحه معاج بلكلام سألتني وجاوبتها وبعدين يينا للخطر الميزان
قايست وزني تخيلو من 94.9 لي 86.5
ونسبه الدهون عندي 35 تبي توصلها لي 25 تقولي وزني المثالي 64 وبتوصلني له في 4 شهور بإذن الله
والشهر ب 260 دينار بحريني يعني بلكويتي 200 دينار كويتي
بحطلكم أول بأول كل شي وأدعولي أوصل للوزن إلي أبيه ويتحقق كل إلي ببالي يارب
هذا اليوم بسم الله بدينا
اليوم رحت الدوام وحدي متوتره كلت خياره وشربت ماي بس
لنه اليوم بييبون لي الأكل رحت وأنا حالتي حاله آخر دوام بطني يعورني رديت البيت وأنا حالتي مستعصيه دخلت الحمام عزكم الله وتيددت وصليت الحمدالله وشكرت ربي وبعدين خذت البوكس
وفتحته وجفت الآتي
وتقريت المعلومات وكان غداي
مجبوس دياي كان مبهر وناطع لذيذ ما شاء الله وربيان يعني ماعجبني وايد لنه مومقشر خخخخ
شوربه البطاط لذيذه حبيتها بس كميتها قليله
ترى حاطتهم بصحون بيتنا للتسخين خخخخخخخ
بعدين قمت ورحت بنام ماقدرت والله
ونزلت شربت وكليت من عندهم بعد
السلطه مالقيت الدرسنق أنصدمت ملحتها شوي وكليت كانت لذيذه بس الخس مو فرش ذاك زود ولقيت بلأخير الدريسنق تحت وشربته خخخخخخخ شربت الحليب عجبني مومثل الحليب الي نشربه لا طعم غير أحلى
والحمدالله على نعمه ونطروني حق السناكات والعشى بعدين
وريوق ماكليته خليته لباجر وبارويكم ياه باجر
حبيباتي ضغطوا على الصورة للتكبير وأنا مخليتهم صغار لسهوله التصفح وسلامتكم
ماحلل نقل الموضوع بأي شكل من الأشكال
وانا حاطته بمنتدى آخر بعد:thumbs_up:
وإن شاء الله توصلي للوزن اللي بدك إياه عا خير
نفس النظام وجبات يجيبونها البيت
بس انا ابي انزل 10 كيلووو
واحس اني مانقص شي 
بس اختي ما تطلع الصور عندي ؟؟
و واصلي معانا بكل جديد
انشالله يارب تضعفين وترشقين مثل الغزال
وانشالله تعبج ما يروج بلاش
المهم موفقه
مشكورة عالموضوع