يااااا احلى منتدى (f)
بعد اسبوعين يصادف يووم ميلادي
ونفس الوقت يوووم خطووبتي …يعني صار لنا سنه من الخطووبه 😮 (( ان شاءالله طوول العمر ))
والاحلى انه بيكون يوم اجازه
شنو اسوي بهاليوووم شراايكم ابي افكار
او ماسوي شي ؟؟؟؟
شنو اغير من لوكي وستايلي ؟؟؟
اعطي خطيبي هديه او لا ؟
مع العلم ان بعد شهر يوم ميلاده
انا فكرت ان البس نفس الفستان اللي لبسته بيووم خطوبتي
او بقص شعري
وبغير التسريحه
محتااااااااااااااااااااااره ساعدوني:confused:
عطوني افكاركم وخبرااتكم
بما إنه يوم ميلادج .. وبنفس الوقت ذكرى مرور سنة من الخطوبة!..
*
فأنسي شوي يوم ميلادج ,
وتفرغي لتحضير مفاجآة خاصة فيج وفي خطيبج بهالمناسبة
*
أول شي تفكرين فيه !..
الأحتفال بيكون برى البيت أو داخل البيت ؟!.
أنا إقتراحي إنه في البيت
علشان تاخذين راحتج على الآخر
*
داخل البيت أحلى , وأريح , وأكثر خصوصية
*
إذا عندج غرفتج الخاصة
يكون تمام .. وإذا ما عندج ممكن تستخدمين المجلس مثلاً
*
أبتكري أشياء رومانسية وبنفس الوقت هادئة جداً
إنتي وبنات أفكارج عاد ههههه
يعني مثلاً جهزي الطاولة إلي بتحطين فيها العشا ..
بتلات ورد طبيعي ( من الباب مثلاً إلى مكان القعدة )
شموع
بالونات نعومين على شكل قلب
وهالحركات الحلوة .. لكن بنفس الوقت شي راقي وبسيط وغير متكلف
خلي المكان يكون جداً رومانسي وحلو ( ذكرى مرور سنة من الخطوبة )
أشتري لخطيبج هدية بسيطة وايد " لأن بتهدين له شي أكبر في يوم ميلاده " و بوكيه ورد فخم وراهي
وخليهم في مكان الإحتفال
وممكن تسوين كيكة بمناسبة مرور سنة على الخطوبة
كيكة صغيرونة هاللون
مب كبيرة
اللهم لج وله
*
الحين إنتي ..,
لازم تكشخين
حجزي لج في صالون حلو ..
وسوي شعرج بف مع إستشوار مثلاً
أو ممكن ويفي مفلول وناجرال
يعني سوي لج حركة حلوة في شعرج وبنفس الوقت طبيعية
وحطي لج مكياج بو 15 دينار مثلاً
ولبسي فستان كشوخي وحلو
وممكن تلبسين فستانج القبلي مثل ما قلتي
أتفقي مع خطيبج يمرج الصالون , بعد ما تجهزين
ويكون هو كاشخ بعد
طلعوا .. روحوا صوروا للذكرى
( أحب الصور للذكرى )
وبعدين قولي له بروح البيت باخذ شي ضروري << لا تحسسينه إنج مسويه له شي
ومن بعدها روحي البيت وأحتفلوا على راحتكم
*
أتفقي مع وحدة من خواتج ( دزي لها مسج مثلاً ) علشان ما يحس إن أكو شي
أنها تروح تولع الشموع .. وتطلب لكم عشا وتجهزه على الطاولة
وإذا كان في كيكة .. تحطها بعد
علشان ما تجون إلا المكان جاهز ..,
*
ولمن توصلين بيتكم خبريه ,
يعني بعد ما يدش معاج بيتكم قولي له
في مفاجآة بإنتظارك ..,
وبس!..
*
بيكون يوم خصوصي وحلو
وهو طبعاً من واجبه بعد يحضر لج هدية ( كيكة , هدية يوم ميلادج .. إلخ )
هههههههههه إنتي أهم شي جهزتي لذكرى يوم خطوبتكم
وهو لازم بيكون محضر لج مفاجآة
*
وعاد ذكرى يوم ميلاده خليها على جنب ( لكل حادث حديث )
مشكوووووووووووووووووووووووووووره صراحه مو عارفه شلوون اشكرج
على اهتمامج وافكارج الخطيييييييره
في بعضها ماقدر اسويها
انا فكرت بسوي له في بيتهم احتفال بيني وبينه
لكن بيكون يوم اجازه يوم السبت مابقدر اسوي جذي
وفي بيتنا ادري مابقدر اخذ راحتي مافي خصووصيه كلش + احراااااااج هههههه يعني ريلي من النوع الخجول يستحي جدام اهلي
يعطيج العافيه تعبتج معاي
انتظر اقتراحات باقي البناات
الله لا يحرمكم من بعض ..
ما عندي فكره عن هالموضوع بس ما حبيت اطلع بدون ما ارد ..
الف مبروك و عسى ايامج كلها فرح و سعاده و راحه بال ..
نفس ماقالت لج اختي حلم العذاري
لبسي فستانج مال الخطوبة ، وروحي صالون سوي شي حلو وبسيط ، مكياج ابو 10 ، 15 كيفش انتي وميزانيتش ، الهديه مو شرط تكون غاليه ، اخذي له هديه بسيطه الحين انتي شوفي شنو ماعنده ، شنو يحتاج واخذي له ، اذا ماعنده مكينة حلاقة اخذي له ، او بوك ، نعال ، جوتي ، نظارة شمسيه ماركة ، ثياب ، بتفصلين ليه ثوب ، قلم ومال ثوب ماركة طقم ، لابتوب ، تلفون اخر مديل ، ساعه ماركة ، اخذي له هديه على كثر ميزانيتش ، قلت لج مولازم تكون الهديه فخمه وغاليه ، اهمشي هديه من عندش ، سوي الحفله في بيت عمج ، نفس ماقلتين اذا خطيبش عنده حجرة خاصه له ، روحي قبل يوم او جهزي الاغراض ووديهم وهو خله يطلع ويه ربعه وانتي جهزي كلشي ، وكيفش اذا تحبين تصورين او لا ، انتي ورايج ، بس هي عطتش افكار اقصد حلم العذاري
بالنسبة للعشه ياانج تطلبين عشه ، او انتي اطبخي له ، حلاوة ، وعشه ، والكيكة اطلبيها من مخبز وسويها صغيره حقش وحقه ، وعصير طبيعي
حطي طاوله وحطي فوقها شرشف حلووو مناسب للأغراض اللي بتسوينها ولون فستانش ، واخذي لج الشموع الصغار من خمس الدوائر او لايف ستايل نثريهم على الارض وزعيهم ، وحطي فوق السرير ورد مجفف على شكل قلب او حروفكم ، واتمنى افتدتش
والله شكلي مارراح اسوي شي
عشان بيصادف يوم اجازه وماقدر اخليه يطلع عشان انه مخصص هاليومين يطلع معاي بس
يعني ماقدر اسوي افكار ا و شي
مادري والله احتتتتتتترت