السلام عليكم ورحمة الله وبركاته
خلص رمضان الله يعودنا عليه يا رب
بس الطبخ والنفخ ما خلص :shy:
واليوم بقيت أقلب في أوراقي اللي بالمطبخ أدور على شي أسويه ويا شاي العصر
ولقيت طريقة جوزية ( البعض يسميها بسيمة ) طابعتها من زماااااااان والحمدلله إني كاتبة إسم صاحبتها
وهي الأخت العزيزة أم في الله يجزاها كللللللللللل خير
المووووووووهم سويتها بسرررررعة يعني ما خذت مني وقت
واللي فاجأني إنها ما خذت بالفرن وقت طويل
يمكن 20 دقيقة بس
بس شوووووووووو النتيجة
كدددددددده
وهذي صورة للتجويع قبل ما احط الطريقة هههههههههههههه
والله شو طريييييييييية مثل القطنة وأحلى ومنفووووخة ما شاء الله تبارك الله
وهشة ونصها هوا
تاكلينها وما تشبعين وغصباً عنك تاكلين الثانية ، حتى أبوي اللي ما يحب الحلويات أكل منها >>> يا ويلج من أمج خخخخخخخخخخخخخخخ
>>>> خلصينا من الكلام الزايد وحطي الطريقة
هذي طريقتها وغيرت شووووووووي فيها:
3 بيضات وفانيليا
وكوب سكر
نصف كوب زيت
و3 ملاعق حليب بودره يذوب في نصف كوب ماء او نصف كوب حليب سايل
كوب دقيق
كوب جوز الهند
وملعقتين صغيره بيكنج بودر
الطريقة :
نوضع البيض في الخلاط الكاس والفانيليا ونخلطه زين بعدين نضيف السكر وبعده الزيت ونخلطه مدة دقيقه ثم بعد ذالك نضيف الدقيق وجوز الهند بالتدريج الى ان تنتهي الكميه ثم نضيف الحليب وبعده بيكنج بودر وبعدين ندهن الصنيه اللي بتسوين فيها الجوزيه ونصب الخليط وندخلها الفرن على درجه 350 وخليها ربع ساعه وحمريها وبعد ذالك خرجيها من الفرن بعد ماتنضج وصبي عليها نصف كوب شيرة
( أنا حطيت ويا الشيرة رشة هيل + زعفران )
وخذت معاي 20 دقيقة ..
وهذي صورة من على جنب
ملاحظة / البسيمة ستكون هشة جداً ، لذلك كي يسهل عليكِ التقطيع بشكل مرتب ، أحضري سكين حادة + كأس به ماء بارد جداً ، وضعي السكينة بالماء البارد ثم امسحيها بسرعة بالكلينكس وابدئي بالتقطيع
وكل فترة وفترة حطي السكينة بالماء وبرديها ، وبإذن الله تتقطع معكم بطريقة مرتبة جداً دون أن تتفتت
جربوها على ضمانتي .. ولا تنسوني من صالح الدعاء 
شكلها رهيب بصراحه
من الشكل باين انها هشه وطريه
تسلم الايادى … والله يخلي لك الوالد
وتسلمون على الدعوة الطيبة
من زمااااااااان ما سويتها
الحين تحمست ارجع اسويها
يعطيك العافية
تسلمـــــــــــــــــــين ياالغالية على هالوصفة الرائعة
شكلج تموتين على البسيمة او البسبوسه
والله يعطيك العافـــــــــــــــــــــية
يعطيك العافية إن شاء الله نجربها
عجبتني طريقة وضع السكين في الماي البارد ..
السلام عليكم ورحمة الله وبركاته:
بارك الله فيج
ماشاء الله امبين عليها أنها تنصرط بدون مضغ