عندي لكم موضوع يهمكم إن شاء الله بيعجبكم
خطوات تجهيز البشرة للمكياااج:
أولا:
غسل الوجه والرقبة بغسول مقشر exfoliating لأنه بتكونون قاعدين من النوم أو طالعين قبلها بيوم و حاطين مكياج أو حتى لو تكونو مو حاطين مكياج المسام بتكون مسكرة علشان جذي لازم نتأكد أن البشرة خالية من الشوائب استعدادا للمكياج الجديد
ثانيا:
استخدمي التونيك وأنا شخصيا أفضل ماركة جيرلان من مجموعة التبييض امسحي البشرة بلطف باستخدام قطنة ناعمة
ثالثا:
حطي كريم للعين قبل المكياج في كريم من ماك اسمه fast response Eye cream هذا كريم ناعم وملمسه مخملي وانتي تحطينه تحسين انه منطقة حول العين صارت أنعم
رابعا:
الحين انا بقولكم عن سر من أسراري لأني وبلا غرور احم احم مشهورة بين الأهل بأني أحسن وحدة تحط كريم أساس مهما كانت ماركته مع اني ساعات ما يعجبني بس الكل يقول حلو لأني أحطه بطريقة حلوة وما ترهق البشرة وأنا و أعوذ بالله من كلمة أنا عمري …. ( هذا سر ثاني من أسراري) واللي يشوفني لو من غير مكياج يقول عمري 16 😮
أحط كريم من كلارينس وايد حلو Baume Beaute Éclair وهذا مخصص لنضارة الشباب لأنج مع استعماله بتحسين أن بشرتج تعدلت وقامت تستحمل المكياج الثقيل ومع هذا تظل مرتاحة و نضرة وبعدين تنطرين دقيقة وتحطين الكريم أساس باستخدام الاسفنجة وانا أفضل الاسفنجة الشطوفة من ماك تتحكمين فيها أكثر من أي اسفنجة ثانية
لو كنتي بتقعدين بالبيت بانتظار زوجج أو بس رايحة بيت اهلج أو وحدة من اهل زوجج بتزورج زيارة بسيطة استعملي Energy-Move so perfect من ديوووور هذا وايد وايد حلووووو لأنه الكريم نفسه فيه لمعه صحية وناعم على الويه وبسرعة تمتصه البشرة وبس حطي فوقه بودرة سايبة وكحل خفيف وروج لحمي وجلوس أو وردي ناعم وجلوس يعطيج شكل صغير ومرحكأنج بنت 16 سنة
وان شاء الله تعجبكم هالأفكار 
:clap::clap:
حلو اني اشتريه
يعطي حيويه للبشره ونضاره واشراق قبل المكياج
يعني اخذه وانا مغمضه
[السلام] السلام عليكم ورحمة الله وبركاته[/السلام]
اختي استخدمت جيرلان ايسيما للعنايه بالبشره كان رووووعه ما تتصورين خصوصا كريم محيط العين صج تغيرت بشرتها كأنها تعالجت عند دكتور … و ان شاءالله بجرب عندهم كورسات البشره لأنها ماركه مضمونه
كلارنس وحده خرب بشرتها خصوصا كريم الحمايه مع ان بنات شكثر يستخدمونه بس مو كل البشرات تتقبل المستحضر بنفس الدرجه
يعطيك العافيه عالنصايح الحلوه وكثري منها 🙂
جويل
هلا عزيزتــــي Manary ..
يعطيك العافيه على هالمعلومات ..
والنصيحه
أبي أسالك لوسمحتــي ؟؟
وشو exfoliating ومــن ويــن ..؟؟ ..
وَ
وش نووع بشرتك ..؟؟ ..
ومشكووره .. عزيزتـــي ..
أحس ان كريماتج خطيييييره:smile:
بس سؤال حبيبتي
انتي شنو نوع بشرتج؟؟؟؟؟؟:pain:
أنا بصراحه ووايد متحمسه اخذ كريمات العنايه من جيرلان
2بالنسبة حق ماركة كلارينس انا شخصيا ما أستعمل منها الا الجل المقشرexfoliating و كريم النضارة … الجل المقشر مناسب لجميع أنواع البشرة وفي خلاصة البرتقال و لونه برتقالي وريحته حلوة يعني مضمون أنه من مواد طبيعية أنا بشرتي حساسة بس مع هالجل بصراحة وايد ارتحت لدرجة اني كم مرة أغسل فيه محيط العين والحمدلله ما صار شي ( أنا أحب التجارب حتى أوصل للي أبيه يعني بمعنى آخر أنا فأر تجارب )
بالنسبة لنوع بشرتي
أنا بشرتي مختلطة جربت أغلب الماركات كلينيك جفنشي وكلارينس واليزابيث آردن وهيلينا روبنشتين بصراحة هيلينا روبنشتاين ماركة فظيعة أنا بالليل أستعمل منها كريم الليل وعندهم كريمات للبشرة فيتامين سي علاجية ووايد حلوة للبشرة ومحيط العين
بس مجموعة التبييض من جيرلان أحلى اذا انتي تحسين ان بشرتج في شوائب انا فيها بعض آثار الحبوب ولأني ما اشرب ماي وايد المنطقة حول الفم فيها شويه اسمرار بس بصراااحة التحسن ملحوظ من عقب مجموعة التبييض من جيرلان وكريم النضارة من كلارينس اللي قبل المكياج وايد ساعد خاصة لمنطقة حول الفم المنطقة صارت انعم …. أنا قاعدة أحاول أحط المنتجات اللي ممكن تساعد كل أنواع البشرات
و لو انكم كلكم حلوين وما تحتاجون مستحضرات تجميل :shy:
مع السلامة
السلام عليكم ورحمة الله وبركاته
تسلمين يالغالية على المشاركة الرائعة
بالفعل تجهيز البشرة قبل وضع المكياج أمر ضروري ..
ويتعين على المرأة استخدام كريمات للعناية الفائقة
للمحافظة على بشرتها ..كريمات محيط العين من ماك ممتازة
بالاضافة الى مستحضرات جيرلان .. ربي يعطيكِ العافية ..
أختكِ
ام عدول
بس ممكن سؤال ؟؟
انتي تقولين بشرتج حساسه انا بعد بس انا اي كريم اساس او حتى مرطب بشرتي تقرصني ويصير وجهي احمر ؟؟
يعني انتي اتقرصجبشرتج مع الانواع الثانيه وبس هذا اللي ناسبج ؟؟
الله يعافيج ردي علي بسرعه 😮
واتمنى ينفعونج انتي بعد