انا حابه اليوم نتناقش بخصوص دبلومات نيو هورايزن
اكيد كلكم رح تقولو ان شهاداته مو معترف فيها من وازارة التربيه و التعليم
و هذا معروف طبعا لان الشهاده و المناهج صادره من شركة ميكروسوف فشي طبيعي
ما تعترف فيها الوزاره
و الشهادات اصلا للتوظيف حتى شعارهم ( نيوهورايزن للتدريب الوظيفي )
يعني يدربو الواحد للحصول على وظيفه و في ميزه عندهم ان الحاصلين على جيد جدا
او ممتاز بالشهاده بيعطوهم تدريب مده شهر باي جهه كبيره مثل كيوتل كهرماء و الالومبياد
اضافه الى انهم يساعدوهم بالحصول على و ظيفه باي من هذي الجهات
و انا شفت جهات كثير تطلب خريجين من نيو هورايزن
انا حابه الان اسأل كل البنات الي درسو فيه واخذو دبولمات منه خصوصا بنات قطر
هل فعلا استفدتو من الدبلومات ؟
و هل فعلا حصلتو على وظائف جيده ؟
لاني حابه ادخله بس متردده اشويه خصوصا ان رسوم الدبلومات مرتفعه
فياريت كل الي درسو فيه يشاركوني برايهم
و انا في الانتظار
و الله الواحد يندم ينزل اي موضوع
ان شالله الباقين يردو علي و الله موضوعي مهم بس ايش اسوي لكم هههههههه
ماذكر الصراحة المجموعة اللي كانوا معاها يمكن ثلاثين ما وظفوا الا 3
ما تسوى والله يمكن درست مصاريف 30 الف تقريبا
والحين توظفت بمستشفى سكرتيرة والشهادة ما استفادت منها
مادري اذا بقطر غير
الله يوفقش
اولا اشكرك على مشاركتك في موضوعي
انا رحت السعوديه وشفت نظام الدراسه بنيو هرايزون مختلف عن قطر
اولا مده الدرسه اطول غير كذا المواد غير صادره من ميكروسوفت ( صادره من وزاره التربيه و التعليم )
بس الاسعار ارخص
فأتصور ان طريقه التدريس و التوظيف رح مختلفه عن قطر
و تأكدي ان اختك مو خسرانه لانها في النهايه حصلت على شهاده و تعليم رح تستفيد منه
سواء الان او في المستقبل
و الله يوفق الجميع ان شالله
وواااايد فادتني انا صح للحين ما توظفت بس كل الوظايف اذا جيت اقدم يقولون يبون شهادة ICDL
والحمدلله انا عندي 
انا ايضا اخذت الرخصه الدوليه من نيوهورايزن
بس للاسف ما امتحنتها
و فعلا كل الجهات بتطلب هذي الشهاده
شكرا لمشاركتك
المشكله هي اول ما درست فيها ,قالو لي في اتفاق بينها وبين التعليم ان تصدقها
هذا الكلام سنة 2024 وللحين ما صار شي
توني متصله عليهم وما عندهم اجابة في هالموضوع
اما موضوع الشغل فشغلي قال لوحده اجنبية شهادة الدبلوم الي اخذتيها تساوي شهاده الجامعية اما انا المواطنه القطريه بنت البلد قالو لي هي دبلومه
حتى تهاوشهت مع مديري وقال لي روحي و اختميها , لو ختمتوها من الوزاره
فيختلف من مكان عمل الى اخر
حسبي الله و نعم الوكيل فيهم