هو فيه مثلك ..؟!
ياللي الحسن ظلّك
ليه العطر؟
و انتي أنفاسك دخون!!

من ينزل مومباي ..يحتار بالزين من العطور
وكل زاير لها اكيد يعرف معنى اللي اقوله..
فاللي تروح مومباي انصحها وبقوه تاخذ من العطور والمخلطات والدخون ودهن العود لان حتى دهن العود على سبيل المثال اللي ناخذه من اجمل اللي بالديره تلقونه مخفف مونفس اللي هناك..

ماطول عليكم حياكم الله معاي بمجموعتي العطريه اليديده
اللي اتمنى ان تكون مرجع بسيط لزوار مومباي باذن الله..

راح ابدي بمجموعتي من اجمل:-
اجمل اللي بمومباي غني عن التعريف فيه مجموعه كبيره من العطور الواحد يتوه بمجرد مايدشه له فرعين في كولابا والفرع الثالث في شارع محمد علي واهو الاصل وبعض المخلطات ماتلقونها الا فيه..

الحلو في اجمل يسوي تخفيض 10%لكل المشتريات بس في فتره الصيف

• مخلط مطلع الشمس :يناسب الاذواق الثقيله نوعا ما ريحته حلوه مع الدخون

• مخلط زهره العود:مخلط بارد وفضيع وياحلاته بالصيف

• مخلط ورق العود: من اسمه مستخرج من ورق العود بارد وينعوش
• مخلط راشد: اتعب واقول انه فضيع يستاهل التجربه رغم ان تولته سعرها فوق شوي

• مخلط مكتوم: من احلى مخلطات مكتوم في مومباي سعرها مرتفع لكن رووووووووعه

• عود مبخر مختلف عن العود المبخر اللي موجود بالخليج فواح وروووعه بالتدخن ماقدرت اقاومه

• دهن عود سيوفي:من احلى انواع دهن العود فواح ومعروووف

• دهن عود معتق (القديم): خبال وريحته تدوخ
• دهن عود شيوخي: خذته تستر نفس الليله رحت شريته لان عجاااايب هالنوع ماله حل

• دهن عود زايد: فضيع عرفتي عليه العضوه الغاليه بيوتيفل الله يجزيها خير

• مخلط برج خليفه: اول ماتحطونه ثقيل بس من تبرد ريحته ماتروح وفواحه

• مخلط دهن العود:حبيته وبقوه

• مخلط التراث:ياربي عجيب ريحته نفس دهن العود المخفف

• مخلط زلفى:رهيب

• مخلط لؤلؤه:ماله حل

محمد ايوب: هم غني عن التعريف مخلطاته روعه بس عيبه في سعره يكسب الزبون وبالاخير يشتري الكستمر وينصدم بالسعر هههه

بس هم ماقدرت اقاوم مخلطاته لي اخر يوم لي

• مخلط غلا زايد: رووووووعه وبارد

• مخلط خوصه بوصه:يناسب اذواق اللي يحبون دهن العود

• مخلط سلطان:رجالي بس روووعه

• مخلط مسك : اينن
• مخلط عذاري:لقيته باخر يومين رووووعه بس سعره غالي

• مخلط روضه :بروايح الفواكه اينن

• عطر الشيخه شيخه&الشيخه روضه&خليفه:من احلى العطور وخصوصا لا امتزجت ريحه شيخه وروضه اما خليفه رجالي عجيييب

• مخلط دار زايد:حبتين للمخلط

• مخلط زايد: عجيييب

• مخلط راشد

• عود دقه درجه اولى :انصحكم فيه وبقوه
• عود ازرق :رووعه

• عود كمبودي

• مخمريه للشعر روعه وفضيعه وسعرها فيها الصراحه

• زعفران ايراني :روعه وماله حل انصحكم فيه بس غالي يعني اذكر نص التوله ب 1000 هندي.

طبعا كوني عميلته وشريت كميه كبيره من عنده طالبته بهدايا وطلعتهم من عينه طبعا ماطلبت الا كلشي غالي ماخذته هههه :

• مخلط لطيفه: ياسلام عليه

• مخلط فاطمه:يناسب ذوقي ماحب الشي البارد وايد

• مخلط ايلين:بارد خذته لاختي

• مخلط روضه &عذاري
• مكس من انواع العود سوالي اياهم توله كامله
• مخلط لمياء:لابئس فيه حليوو

عنفر: محل مفضل عندي واحب اتعامل وياهم لان يعاملوني معامله حلوه في البيعه:
هالسنه رايحه له عشان عطر عود الحيا وانصدمت انه وقفوه

بس اكتشفت ان منزل عطر يديد

• العطر الملكي روعه

• مخلط مشق الروز:رهيب

• مخلط سيف الهند:ثابت وحلوو

• عطر عود البدر

بنحــــــر:ماتعاملت وياه وايد لان يغثوني اللي هناك هههه

بس احب العود الهندي مالهم
ودهن العود جربت بس ماشريت منه عجبني اللي اسمه الشيخ

ان شاءلله ماشاءلله:الحلو فيه انه يكون يم الفندق

• العود الخشب ماله روووعه
• مخلط رغيد

• مخلط مكتوم حلووو وفووواح

• وجربت دهن عود كمبودي حبيته

المدينـــــه: اول مره اتعامل وياهم السنه يحليلهم طيبين ع الاخر عطورهم حلوه

• مخلط الملكي :ثقيل مخلوط بروايح العنبر والعود

• مخلط المدينه: حلووو

• مخلط الشيخه فاطمه :ماله حل
• خذت عطر الشيخه فاطمه مكمل للمخلط

• دهن عود اميري

• مخلط حاتم:بارد وحلوو

• مخلط زاريه: حلوو

عطـــــــــاري: عنده انواع وايد من المخلطات بس اغلبها موذوقي حسيتها موشي ع الاخر

زري والا: دشيته ع السريع ماحس عطيته فرصته
بس ربعي هناك قالو لي انه ياخذون منه الدهن العود السيوفي والاميري والعود الدقه

احمد داااود:
خذت من عنده العود الهندي عجيب واااايد
والعام اذكر كنت ماخذه عود دقه هم رهيب

مهرانـــــي:
خذت من عنده عود بس ماذكر شنو نوعه
والعام خذت منه عود دقه هم روووووووعه

وبس جذي سامحوني تعبت ماقدرت اكمل كل الصور
شي متعب الصراحه
فاللي يعجبها موضووعي تدعي لي بالزوج الصالح
ولاتنسون التقيييم:adore:

ماشاء الله لا إله الا الله

دهن عود زايد كلمة رووووعه قليله فحقه ياني هديه من خالتي فقطر :adore:

وجريب بخلص

تم التقييم

ماشاء الله ماشاء الله تبارك الله الرحمن …..
خاطري اشتري من منج بس بعيد عني حبيبتي
ربي يزرق لج زوج صالح و مخموم الصالح و بنشوووفج عرووس حبيبتي
اكييد تستاهلين التقييم … بس عنيدة الميزان حبيبتـي ….
ماشاء الله كل عام وانتي بخيير
اكييد رائحتج اجمل في الدنيا ….

السلام عليكم ورحمه الله وبركاته

ماشاء الله تتهنين فيهم يارب

في امان الله

ماشاء الله عليك تتهنين يارب فيهم
وان شاء الله لك عطر الدنيا والاخره
لك تقييم ع هالموضوع العطر… (f)

مشكوووووووووووورة اختي على مجهودك الرائع في الشرح و الصور.

تستحقي الشكر و التميز على الموضوع الفواح.

بانتظار جديدك في الركن

F:

ما شاء الله كل عطر يقول الزود عندي ذويقه حدج وااااااااكيد تستاهلين التقييم وعليج بالعافيه حببتي

{ ما شاء الله مجموعة كبيرة من العطور ليتهم كلهم عندي خخخخخخخخخ…~
اثريها مو شوي مومباي

تتهني فيهم ياقلبي…..~
موضوع مميز فعلا
ويستحق التقييم