صابونة الغار 2024.

بنات انا سامعة ان صابونة الغار وايد زينة حق الشعر و حق البشرة بس موووووووول ما تعيبني ريحتها وكل ما اسير للعطار اطالع الصابونة و اتردد ااخذها
ابا اسمع تجاربكن وياها… صدق هي تنفع وايد للبشرة و له كأي صابونة ؟؟

بنات شو تنصحوني هي الصابونة صدق تييب نتيجة واضحة و له يبا لها وقت؟؟؟؟؟؟؟؟

مراحب اختي انا استخدمتها شخصيا بصراحة ممتازة للبشرة بياض وصفاء بس عيبها الوحيد انها تنشف البشرة يعني لازم تستخدمي بعدها كريم مرطب "" ومرة سمعت الاخصائي التجميل " احمد قبيسى ع قناة قطر ينصح فيها اهي وصابونة زيت الزيتون "" وانشالله افدتك

انا استخدمها بس الصراحه ما اشوف فرق بينها وبين الصابون العادي

بصراحه انا حديثة عهد فيها واستخدمتها من 3اسابيع بس الكل لاحظ ان بشرتي ابيضت ولون جسمي فتح وتوحد صحيح ان ريحتهاموشي بس ترا الاصلية ريحتها احسن من التقليد … انتبهي الاصلية تاخذينها من العطار مكبه تكون ولونها زيتي فااااتح او بيج من برة ومن جوة زيتي واذا تبين تتأكدين روحي عند مواضيعي وشوفيها انا حاطة صورتها باحد المواضيع المكتوبه ..طبعا هي انواع لكن النوع الاصلي تقريبا زي بعض بس تختلف اسماء الختم عليها ومن جد تراها رووووووعه للوجه وبما ان فيها زيت ويتون في ممتازة للبشرة انا تدد كثييييييييييييير يمكن شهور قبل لا استخدمها بس الحمدلله ماندت يوم جربتها !!! وانصحج تبشرينها وتنقعينها في موية ورد ليلتين وتسوينها شاور جل تستخدمينه لجسمج واااااااااجد ممتاااااااااز ولبشرتج ممكن تخلينها مكعبه عادي بس الاهم من هاذا كله ترطيب الوجه والجسم بعد الاستخدام لانها تنشف شوي بس من جد مفيييييدة للوجه والجسم وبعد في خلطه لها ممتازة والكل يمدحهابس اناماجربتها اذا بغيتيها ارسلي لي عالخاص واقولج ……..اتمنى اكون افتدج

حالها من حال صابون الكركم
تفتح وتوحد اللون بس تجفف
بس تقدرين ترطبين جسمك
انا امي دوم تستخدمها
وبشرتها مرة روعة
بالتوفيق

والله اختي استخدمتها بس ما لاخظت اي فرق في لون بشرتها او صفاءها؟؟!

شكرا حبايبي عالرد
و اليوم الصبح سرت خذت الصابونة و انا بشرتي دهنية ان شاء الله راح استفيد منها