انا عروس جديده بهالمنتدى الاكثر من رائع وهذا اول موضوع لي..!
حابه اتكلم واشاركم تجربتي ببشرتي .."
انا زواجي بعد العيد ..وبشرتي فيها حبوب واثار حبوب سوداء وبنيه خاصه بمنطقة الخدود
ومن زمان عندي هالمشكله ورحت لكذا استشاريه وكلهم يسوون لي تنظيف بشره ويعطوني
كريمات ..وللاسف ماشفت نتيجه..
"
لكن بعد ماتحدد زواجي قلت لااااااااازم الاقي لي حل .. مو معقوله..!
وبعد التفكير والتمحيص قررت اخذ( الروكتان) اول ماقررت رحت لمستشفى الحبيب وبالتحديد
عند الدكتور( الربعي) بعد مامدحوه لي كثير..
اول مارحت وكشف علي قال حالتك متأزمه
والمفروض مستخدمه الروكتان من زمان ..متى زواجك؟ قلت: بعد العيد..
قال :والحين جايه تعالجين؟:thumbs_down: >>انحرجت كثييييير
المهم قال لي ابعطيك 3 حبات يوميا يعني قوتهم 60 ..لمدة 3 شهور ونوقفه.. يعني بنهاية رمضان اكون مخلصه.
والمفروض انه بعد مانخلص من كورس الروكتان نبتدي نعالج الاثار ..!
لكن بما انه مامعنا وقت بعد ماينتهي الشهر الاول تجين وبعطيك كريمات تزيل الاثار قبل مانخلص الكورس>>والله خطير هالدكتور :!!:
حاليا انا لي 21 يوم من بديت الكورس….
من كثر ماقريت عنه وعن نتايجه خايفه كثير..
اعراضه الحاليه:
عندي جفاف بالبشره ..وطلعت لي كم حبه بس مو لدرجه كلام الناس .
والانف عندي اتعبني.. كل شوي يرعف
بالنهايه:
انا اول مره اكتب موضوع صراحه.. مو عارفه اذا موضوعي صحيح او فيه اخطاء!
الغرض من الموضوع : ابي ارائكم وتجاربكم بالروكتان ..وفيه احد استخدم 3 حبات يوميا؟
والاعراض طبيعيه؟ ولا قليله مع هالكم الهائل من الحبوب؟
واي وحده حابه تسألني عن حاجه انا جاهزه…
مشكورين حبايبي.. وعذرا ع الاطاله F:
وسببلها نفخه ( سمنه ) متروسه والحبوب خفت بنسبة 40 % بس ماكانت ترضي النتيجه مقارنة بالأعراض اللي طلعتلها
اتمنى اكون افدتك
بداية جفاف بالوجه وخاصة الفم
الم في الارجل والمفاصل والظهر
وسمنه
وسبب لي امساك حاد وقولون
ليومك اتعالج من الامساك والله ذبحني
وفي بنات اخذوه وماشي حالهم
طبعا اول استخدام تشوفين يطلع الحبوب كللللللللها اللي طالعه واللي راح تطلع
وبعدها شوي شو ي يروح كله
ومايرجع ابدا ع كلام البنات اللي جربوه
امممممم
اي يبقى الاثار تسوين لها جلسات وصنفره وحاله
انا صراحه وقفت العلاج اخذته يمكن 3بس اسابيع وعمل لي الحاجات اللي قلتها لك
ورحت وقلت للدكتور قال مو منها يتهيأ لك
خليته يولي وقطعت علاجه وفتحت باب الله
ورحت لدكتور ثاني وقال لي مجنونه تاخذين الروكتان
هذا يابنتي الحبوب قوي جدا وله اضرار أكثر من منافعه
وصرف لي علاج ومضادات وللان عليها
الله يشفيك حبيبتي ويشفي كل المسلمين
مشاء الله قبل زواجها مرااا بشرتها صارت رووووووعه
عمملت كورسات تقشير مراا روعه النتيجه
ليه ماتصلحين تقشير بالاحماض لبشرتك حلو
ومن ناحية السمنه.. ياليت اسمن لي شوي>>نحيفه مره
مشكوره حبيبتي على الرد ..اكيد افدتيني.
عاشقة الجوري..
من ناحية الرعاف ..فشيئ طبيعي.. مكتوب على نفس الكرتون يسبب رعاف..يعني طبيعي
ومن ناحية الحفر ..خوفتيني صراحه ..بس ماقدامي غير هالحل.!
اما حفر او حبوب واثار حبوب..
مشكوره حبيبتي على ردك وتحمسك للموضوع..
بنت الاجواد..
الله يعوضك ببشره ناصحة البياض>>متعوب عليها هالجمله
لكن الغريب انا غير عن هالاعراض.. اولا الحبوب طلعت فيني بس بشكل خفيف مو على توقعي
ومن ناحية الام المفاصل ماحسيت ابدا ونفس الشي بالسمنه ماحسيت
انا بهالفتره نومي زايد بكثيييير.. طول الوقت نايمه..اتوقع من العلاج.!
الف شكر على ردك الاكثر من رائع.
كادي ياعسل..انا سويت انواع التقشير ومافادتني..مالجأت للروكتان الا بعد مافقدت الامل خلاص..
وعقبال مااكون مثل اللي تقرب لك …>>متفائله
يسلمو ع الرد حبيبتي
وثاني شي
انا اعرف كذا وحده استخدمته صحيح سبب جفاف وطلع حبوب بس بعد ماخلصت صارت بشرتها شيييي حلوه مره طبعا عالجت الاثار وصارت بشرتها مشدوده ووقف الحبوب الا احيانا تطلع كم حبه صغيييييره
وصديقتي صار لها رعاف
بس انتبهي تحملين بعد ماتخلصينه على طول لازم توقفينه فتره بعدين تحملين بس نسيت كم الفتره انتبهيييييييي
وشي نسيت اقولك اياه حافضي ع ترطيب بشرتك وشفايفك وشرب الماء مهمممممم عشان الجفاف
الله يوفقك
غزال…الله يوسع صدرك بالعافيه..والله يبارك بعمرك.. اول رد يحمسني اني اكمل العلاج.. على الرغم ان فيه كثير من اقاربي اخذو الروكتان وبشراتهم رائعه حاليا..
ومن ناحية الحمل ..قالي الدكتور الحمل محضور قبل 6 اشهر من توقف العلاج ..وانا من الحرص بخليهم سنه انشاءالله ..مشكوره ياعسل على الرد.
انا كانت بشرتي تعابنة وحب شباب واستعمل من هالكريمات والتقشير ولا فاد شي وكنت مستبعدة الحبوب من الخوف وهالخرابيط
المهم في فترة خلاص مااقدر اتحمل ولاكنت حتى اطلع بالمناسبات حب الشباب كان مرة كبير من تحت الجلد وكثير <<تذكرت الماضي ):
وعزمت خلاص اروح للمستشفي وبعدها قابلت الدكتور واسمعي ماقالة لي لما قلت استخدمت كريمات وتقشير وابي اكملة قال وقفي <<انصدمت
قال لي حب الشباب الي عندك مش مشكلة على البشرة ويتعالج بنحلل لك دم وانا متاكد من شغلة وارد لك لما حللت طلعت عندي الكبد تفرز دهون بشكل غير منتظم ومكثف لناحية اعلى الجسم <<يعني هذا ماينحل بكريمات واشياء خارجية لازم داخلى يتوزان انتاج الدهون بالجسم
مرحلة العلاج كانت معي انا 7 شهور حبتين يوميا انتي يمكن عشان مافي وقت عملها لك 3 حبات
من اول شهرين الحمد لله خفت الحبوب وزين اعطاك كورس تقشير وغيرة
انا مااعطاني تقشير قال لي مدة العلاج كافية بالتقشير بس انتي اعطاك عشان بسرعة يبين لك
اعطاني غسول طبي ولوشن وواقي نتيروجينا ومن وقتها وانا على هالواقي روعة
وكنت اعمل بنفسي تقشير للوجة بالبيت والدكتور بعد شهرين انذهل قال وصلنا لمرحلة حلوة
والتقشير الى كنت استعملة كان شوية خل تفاح في فنجان قهوة واضيف علية موية كفاية شوي واجلس امسح بقطنة لمدة ربع ساعة
اجلس قدام التلفزون ومااحس *_* بالوقت
المهم والله ماخلصت المدة الا وانا ماشاء الله بشرتي روووعة والحمد لله وبشرتي صفيت حتى المسام السوداء بالانف وغيرة اختفت ماعاد فية دهون
على فكرة يسمونها حبوب الجمال *_^ لانها تصفي بعد
الاعراض بااقولك عليها ولاتهملي نفسك لان الاعراض شوي شديدة ويبي له صبر والنتائج بترضيك
جفاف بالجسم ككل استعملي لجسمك زبدة او لوشن فازلين بالكاكاو كل يوم ادهني فية
وجهك لو مااعطاك الغسول الطبي واللوشن ذكريني خاص اطرحة لك هالمنتج طبي ومامنة خوف
الانف فعلا صار معي كذا ومن الجفاف صرت اشم ريحة مو زينة <<خف وخبرت الدكتور وقال عادي فترة لازم كذا
وكمان شعري جف وقتها بس لاتهملي ترطيبة بالزيوت وحمامات الزيت والبلسم ويرجع مثل اول واحلى
والشفايف استعملي لها مرطب بيوزلين بشمع النحل ترطيبة روووعة او فازلين
وبس *_^ مثل ماقلت من جد كانت معانة والحمد لله من 3 سنوات الى الان بعد العلاج بشرتي تمام وصافية ومافية حب شباب مثل قبل بالصورة الفضيعة وان طلع طلعت بس حبة صغنونة وتروح بس باقي لي اثر بااحد الخدود مو بني حفر من اظافري لما كنت افقع الحبة <<غبية جنيت على حالي
بس كم وحدة ماتبين بالكونسيلر وحاليا افكر اخذ الدريما رول لها كحل يععزز الكولاجين فيها ويرفع الجلد
انتي بس لاتقطعي العلاج نصيحة اخت ياما سمعت كلام يخوف بس قلت مااحد حاس فيني لازم انتهي من هالمعاناة
على فكرة كل شهر فية تحليل دم عشان يشوف كيف نتائج الحبوب بالجسم وعلى الكبد
واخر شهر انا يمكن 8 شهر وقفت علاج وجلست اراجع عشان يتاكد كل شي سليم
وانتبهي انتبهي لاتحملي الا بعد 6 شهور خبري زوجك بهالشي يعمل احتياطتة او تستعملي اي مانع
لانة لو حملتي لاقدر الله تشوة بالاجنة ….والله يحميكم