انا بحرينية بس بقولج الي اقدر عليه
كخدمات جربي تسوين كورسات لمعالجة الشعر واايد بنات يحبون هالسوالف
انا مرة دخلت صالوون عجبني واايد
ارضيته رخام وصاير الصالون بيج وبني
فيه فلبينيات يقدون لج سويت وقهوة
وايد راقي
واحسن شي الفلبينيات
بس اذا حق قص الشعر لاتحطين فلبينيات حطي اندونيسات او خليجيات
وحاولي تبتدين شوي شوي
بس ببداية قوية
سوي ميزانية للاعلانات
اما بالنسبة لالوان الصالون
خليها هادية
وفيها انوثة
( بيج – بني – وردي – بنفسجي – اخضر )
هاي الالوان واايد حلوة
بس اختاري لونين بس
مو حلو يكون الصالون اكثر من لونين
وبعد شنو اممممممم
اي الكراسي
لازم تكون الكراسي مريحة واايد
لان في زباين بينتظرون
وخلي ف الصالون غرف
( للشعر – لغسل الشعر – الميك اب – غرفة للانتضار وفيها tv – غرفة للحنة – غرفة للموضفات )
جي يعني علشان يكون الصالون مرتب
وامممممم
اما عن الموظفات لازم تاخذينهم من شركة
روحي صالون راقي في قطر
وخدماته زينة
وسالي راعي او راعية الصالون عن الشركة الي خذت منها موظفاتها
وبث
ماعندي شي اقوله
وربي يوفقج وييسر لج
مثل ما قالت اختي shawaqy الفلبينيات حق البدي كير والمنكير .. والقص جيبي من لبنان وايد شاطرين في القصات والستايلات الجديده .. وسوي قسم خاص لل vip لان في ناس تحب الخصوصيه .. وممكن يستخد قسم ال vip للعرااايس …. وبخصووص الالوان الابيض وااااااااااااااااااااااايد حلو وتحسين المكااااااااااان نظيف دايما
بس دخلي مع الابيض لون وردي بيطلع حلو وراااقي
ولبس الموظفات حلو يكون نفس ستايل الممرضات بس يكون لونه وردي وعليه شعار الصالون
حبوووبه بخصوص الاجهزه في مواقع وايد حلوه تبيع اجهزة الصالونات ان شا الله بدورهم لج وبطرش لج اللنكات 
والله يوفقج ان شا الله
حاضلاين لج اقا عليج
في صالون اسمه نوران عندنا
بالبحرين
سالي عنه
فصهمم فظيييع
واهم اعتقد اندونيسيات او تايلنديات
اهم عايلة وحدة وكل وحدة قصها احلى من الثاني
جربي تكسبينهم لان قصهم فظيييع
وانا قاصة مرة عندهم والكل سالني
ااما عن الميك اب مادري والله بجوف لج
وكلام اختي ريم قطر في محله
ابيض ووردي واايد نعوووم
ومثل ماقلت لج خلي في الصالون رومات للضرورة ^^
ووفري للعاملات ربطات شعر كلهم نفس اللون وجي خليهم كيوووت علشان يفتحون النفس
ووفري لهم عطورات يعني وزعي عطر واحد لهم كلهم علشان يتعطرون منه
يمنع عرض الهاتف على العام و يمنع بيع اعقارات .. المشرفة
ممكن اساعدج في المكياج