بصراحه سألت النزيه قال لي ب 50 الف ريال يعني نص المبلغ اللي حاطته للديكورات والتجهيزات بغيت لو حد يعرف واحد اسعره معقوله للحمام المغربي يخبرني … وجزاكم الله خير !!!
اظن يبيعون الجهار لحاله بـ 5000 ريال واللي يركبون لج الحمام عزج الله ممكن يركبون لج بس ما عندي فكره وين يبيعونه بقطر
اذا قصدج غرفة البخار steam roomلا تاخذينها كاملة فيه جهاز يتركب فالحمام نفسه والتمديدات سهلة وماتكلف وايد والحمام كله ينترس بخار انا شفته بصالون دايموند بس من وين مادري والصين اوفر شي دخلي مواقع البيع وشوفي الحجم المناسب والسعر واهم شي التمديدات خليها خارجيه مب داخل البلاط لانه اي عطل يكسرون البلاط كله ويعطلون الصالون وانت ماتبين عمال فصالونج كم يوم وتبتلشين مع زباينج والليزر خليه بعدين اهتمي بالاساسيات الحين وبعد مايمشي بفتره فكري بالليزر لا تضغطين على نفسج الديكور بروحة يلوع الجبد انا غيرت صالتي بس صبغ وجبس وسيراميك بغيت انجلط وغيرت الصبغ ثلاث مرات والمقاولين يزيدون الاسعار وماتدرين شلون تتفقين معاه على 20000 تدفعين 60 واذا ماطلبتي عاملات لين الحين ترى اهم شي هذيلن اذا شغلهم زين ومعاملتهم راقية انشاء الله مابيفظى الصالون وانا قريت استفسارج عن الليزر الجهاز والشحن 200000 غير التراخيص خلي الصالون ينعرف بخدماته المتميزة اول وبعد 6 شهور سنه زيدي مب لازم من اول يوم تحطين كل شي انت بتمين اطورين فيه وتسوين عروض وخدمات لاتضغطين على نفسج اخذي الموضوع خطوة خطوة وخلي مبلغ على جنب للرواتب والايجار والاعلانات ولاتكثرين فالعاملات بالبداية لين صار عندج زباين طلبي زيادة كل فترة والله يوفقج انشاء الله
للاسف ما عندي فكره عن محلات قطر بس نصيحه الغلا خذي ستيم ايطالي
انا خذت واحد حق محلي من ماضي انترناشيونال عندنا في دبي ب6000 درهم بس ما شالله انا عندي الحمام فيه اكثر من غرفه ونفع والتركيب اي واحد يسوي حمامات يسويه اصلا الحمام المغربي عباره عن حمام عادي الفرق بس فالدجه الكبيره اللي يرقدون عليها اما التوصيل فما عليج اي كهربحي يقدر يسويه واي استفسار انا حاضره
انا خذت واحد حق محلي من ماضي انترناشيونال عندنا في دبي ب6000 درهم بس ما شالله انا عندي الحمام فيه اكثر من غرفه ونفع والتركيب اي واحد يسوي حمامات يسويه اصلا الحمام المغربي عباره عن حمام عادي الفرق بس فالدجه الكبيره اللي يرقدون عليها اما التوصيل فما عليج اي كهربحي يقدر يسويه واي استفسار انا حاضره