مرحبا بكم بنوتات(f)
من فتره وانا خاطري اسوي لوك برونزاج .. حتى جسمي
لكن بالكريمات بدون التعرض للشمس ،، مافيني اقعد اعاني لين ارجع لوني الطبيعي :gum:
المهم امس حبيت اغير اللوك في المكياج شوي .. اعتمدت اللوك البرونزاج ،، الدافي و الخفيف ..
يعني حلو للطلعات المسائيه لأنه دافي ،، لكن ما ينفع للسهرات لأنه وايد خفيف ..
يالله نشوف شسويت
طبعاً غسلت وجهي و نظفته
كشخت بالعدسات الرماديه وايد تناسبني وتبين طبيعيه وايد
وزعت الستروب كريم و بعده رشيت الـ Fix من ماك
استخدمت كريم الأساس من
Yves Rocher
تغطيته خفيفه ولؤلؤي مع لمعه ذهبيه ناعمه
والحلو اللي فيه انه وايد خفيف على البشره
شوفوه من قريب
منطقة العيون وزعت الكونسيلر الأصفر من ماك
عشان يغطي الهالات ،، ويعطي اضاءه للمنطقه
لأن حلو باللوك البرونزي ان هالمنطقه تكون افتح وفيها اضاءه
وزعته بالأسفنجه
تركته لمدة دقيقه عشان يتجانس كله مع الوجه
وجبت ورقة كلينكس وبالطبطه على الوجه عشان تمتص اي زوائد من الفاونديشن
جبت اللوس باودر الشفاف من ماكس فاكتور و وزعته على الوجه بفرشاة ماك 187
وبودرة كراميل من كانيبو لمنطقة العيون
ورجعت نثرت من اللوس باودر تحت العين عشان تلقط الشدو اذا تنثر
مشطت الحواجب و ظللتهم بقلم الحواجب من لانكوم
وزعت الـ pigment بدرجة vanilla تحت الحاجب
و بصبعي وزعت الشادو الكريمي الزيتي من ماك sweet sage على الجفن المتحرك
جبت علبة الشادو من ديور ،،معليه الألوان شوي مب واضحه
اللون البيج حطيته من تحت الفانيلا الى نهاية الجفن الثابت
اللون الاورنج على النحاسي حطيته على الجفن المتحرك من بدايته ومديته شوي
باقي الجفن المتحرك حطيت اللون الزيتي
و دمجت كل الالوان بفرشاة ماك 224الدمج كان حلو والألوان خفيفه
اتمنى فهمتوا قصدي
يعني الجفن المتحرك اللي كنت موزعه عليه الشادو الكريمي الزيتي حطيت عليه من البداية شوية اورنج تقريبا لين ربع الجفن والباقي كملته بالزيتي ودمجتهم
بعد هالخطوه نفضت اللوس باودر اللي كنت حاطته تحت عيني وعدلت المنطقه شوي ببودرة كانيبو
على الجفن السفلي مديت خط بالشادو الكريمي الزيتي بفرشاة ماك 219عشان يكون الخط شوي عريض
وفوقه و بنفس الفرشاه وزعت الشادو الزيتي من ديور
كحلت عيني من داخل بس بالكحل الكريمي الأسود من ماكblacktrack
استخدمت عاقصة الرموش Eyelash Curler
و حطيت ماسكارا ايف سان لوران وكثرت منها عشان تبين الرموش كثيفه وايد
بفرشاة ماك 187وزعت الباودر البرونز من ماركس سبنسر مكان البلاشر.
في المنطقه بين الانف و الخدود يعني بداية الخدود وزعت الأضاءه من ماك بدرجة belightful
آخر شي حطيت الروج viva glam II من ماك
والقلوس من بدي شوب Golden Coral
هذي الأدوات اللي استخدمتها:
اسفنجات توزيع الفاونديشن من ماك
و الملعقه عشان آخذ من الفاونديشن بدون ماحط يدي و ألوثه
1/ فرشاة ماك 187
2/ فرشاة البودره استخدمها للبودره تحت العين عشان تشيل الزائد من الشادو
3/فرشاة الحواجب
4/فرشاة الشادو
5/فرشاة دمج الشادو من ماك 224
6/ فرشاة ماك219
7/ فرشاة الكحل
8/فرشاة الروج
9/عاقصة الرموش Eyelash Curler
ادري ان شرحي مش ولا بد ،، لكن تقدرون تتخيلون اللوك ويمشي الحال
(f)
وااااااااااااااااااااااااااو
والله فن اللي سويتيه
اتخيل اللوك طلع روووووعة
تسلمين يا الغالية عالموضوع الروعة
أختج نعو و و مة قطر
طريقه وااايد حلوه وسهله بعد
 |
اقتباس |  |
 |
المشاركة الأساسية كتبها el_helween |  |
 |
| الله يعطيك العافيه | ||
 |
 |
الله يعافيج اختي (f)
|
اقتباس | |
|
المشاركة الأساسية كتبها نعووومة قطر | |
|
| وااااااااااااااااااااااااااو والله فن اللي سويتيه اتخيل اللوك طلع روووووعة تسلمين يا الغالية عالموضوع الروعة أختج نعو و و مة قطر |
||
|
|
تسلمين حبيبتي من ذوقج
فرحتيني بردج الحلو
ما ننحرم من تواجدج يارب (f)
|
اقتباس | |
|
المشاركة الأساسية كتبها حمامة البحرين | |
|
| يعطيج العافيه اختي عالشرح
طريقه وااايد حلوه وسهله بعد |
||
|
|
الله يعافيج فديتج
الحمدلله ان الشرح كان مفهوم (f)
اكيد اللون راح يطلع حلو