الحين قريب الجامعه فأنا حبيت اشتري لي بعض الاشياء
بغيت استشيركم في البودره .. سمعت انه بودرة كانيبو زينه ويمدحون فيها
فانتوا شرايكم مع العلم ان بشرتي دهنيه 🙁 وسمرة
وانا ابي شي يخلي لن البشره نظره وحلللوة
وماابغي استخدم معاها كريم اساس لان بشرتي ماتتحمله
وبعدين بغيت اسأل عن واقي شمس يكون زين وحلو اذا تعرفون
ودلوني على عطر نااعم وحلو
بشرط يكون شوي رخيص يعني مو اكثر من 7 دينار بحريني …. خخ هاي الميزانيه وماتسويي
وبسس
وشكرا
وارجوا انكم ماتخيبوني
باي عروسات
في استعماله
عن تجربه اشتريه وانتي مغمضه عيوونج
وفيه حماية من الشمس
ويصلح لجميع البشرات وبالذات البشره الدهنيه
صورته هذي واسمه DOUBLE PERFECTION COMPACT
من ماركة شانيل وهي تصلح بالماي وبدون الماي ومو مدهنه
وانشالله افدتج اختي
ونجمة الليل بس هذا جم يوصل سعره تقريبا
بالنسبة للبودرات شخصياً ما أفهم فيهم بس جربت بودرة جيفينشي MATMATE وروعة بصراحة وهي مثالية للبشرة الدهنية وفيها نسبة حماية SPF 20
أما كريمات الحماية من الشمس فنفس الشي بعد مالي علم فيهم لكن بدلّك على مرطب وفيه حماية من الشمس عند كلينيك وهو مخصص لمنطقة العين والشفايف اسمه
Clinique Sun-Care Lip/Eye SPF 30
و العطور قولي لي عن ذوقك يعني وش الروائح اللي تحبينها
و إن شاء الله البنات مابيقصرون معك
حبيبتي انا استخدم بيس وحماية من الشمس من جيرلاين وكريم الاساس الخفيف من كلينك
وانصحج ببودرة الدبل من جيرلاين تحتوي على حماية من الشمس وتفتيح البشرة وللبشره الدهنية انصج فيها
على فكرة اظن جميع المركات عندهم نفس المنتجات اتمنى اني فدتج
العطر روحي اجمل عندهم عطور او جنيد عندهم عطور بها السعر واقل الله يوفقج
اما باودر انصحج بماك خصوصا اا انتي سميره لانها الووانهم حلوه على السمر
cotton_candy هاي البودره على جم توصل تقريبا؟؟؟
اما جيرلان وايد خاطري فيها بس المشكله غاليه علي 