السلام عليكم و رحمة الله و بركاته
اخواتي المتزوجات..نحن في مجتمع شبه قاسي ..يجبرج تعيشين عشان ترضين و تريحين النااس و في الاخير "يمكن" تفكرين تريحين عمرج!!
الوحدة منا ودها تعيش مع رايلها و عيالهاا و تسير و تررد على بيت اهل رايلهاا و اهلهاا و ارحامهاا..مثل ما يقولون " سير بعيد و تعال سالم"
اما في مجتمنعناا و خاصة الخليجي .. و انا اقصد الاماراتي ..
ما بنقول يحتم؟ ولا انه يغصب؟؟ بس يفضل انه الزوجة تسكن مع اهل الزووج..و اذا رفضت؟ ياويلهاا من الكلاام الي بييهااا..اوال الكلاام " هيييييه خذت الريااال بعيد عن اهله ..هييييييه مششت كلامهااا على الريااال …الخ"
و انتو تعرفون رمسة العيااييز طبعاا!!
ماعلينا من هذا كله..
اكيد انتي يالي قاعدة تقرين..اوال ما سكنتي في بيت اهل رايلج واجهتج صعوبات و سويتي غلطات ..من خلاالهاا تعلمتي و فهمتي الاشيااء الي لازم تسوينها ..و الاشياا او خلناا تقوول عاداات الي لازم تبتعدين عنها او تعدلينهاا ..
و مثل ما اعرف انه اوال كم من شهر او اوال سنه تكوون اصعب سنة عشان تتأقلم الوحدة على نمط العيشة ..
طبعا انا بنت مش متزووجة ..و اكيد المخطوبات بيستفيدن من خلاصة اخطااءكن ..
كيف وافقتي بين رايلج و اهل رايلج؟؟ الوقت كيف قسمتيه؟؟
اذا ما يلستي ويااهم؟بينتقدوونج؟؟
اذا بغيتي تطلعين مع رايلج؟تواجهين صعووبة؟
و من هالاشيااااااااااااااء
ننتظركن و لكم مني اجمل الدعوات 
.
.
.
السمـــ دلع لااع ــــــوحة
كيف وافقتي بين رايلج و اهل رايلج؟؟ الوقت كيف قسمتيه؟؟
احسن شي المتزوجه تروح لبيت اهل زوجه او تجلس معاهم لمن يكون في زوجها عشان تكون الجلسه رسميه ………
وتحاول قد ماتقدر تتحترم زوجها قدامهم عشان يبادلها نفس الشي ………
اذا ما يلستي ويااهم؟بينتقدوونج؟؟
يعني في الجمعات الاتخص الحريم تروح بس تحاول انها تساعد وتقوم معاهم كانهم اهلها
اذا بغيتي تطلعين مع رايلج؟تواجهين صعووبة؟
لا انت لازم تتفاهمين مع زوجك وتخصصي طلعات لحالكم وطلعات معاهم وهو يفهم الباقي …………..
يعني مره في الشهر تاخذون امه واخواته لاي مكان مطعم او البحر عشان يحسون انك مو ماخذته يعني خلاص ولاشي لهم
ولازم تعتبرينهم اهلك عشان تقدري تحبيهم ………..و لكن الاخطلاط الكبير مع اهل الزوج يولد المشاكل
دلووعه اووي موضوعج وايد حلووو
انا مب متزوجة بس انشالله للو الله كتبلي نصيب الصراحه افضل اني اعيش انا وزوجي روحي…هذا لو كان ماديا اوكي
واذا اصر ان انعيش في بيت اهله ما عندي مانع لو كان مسوي ملحق خااص بي انا يعني مطبخي روحي وصالتي والغرفة..اما اسكن في غرفه وحده اتشاركهم نفس الصاله احس ها الشي وايد صعب عليه لا هم بياخذون راحتهم ولا انا بس الواحد ما يدري شووو مكتوب له
بس انا ضد ان الوحدة تشارك احد في السكن سواء اهل زوجها او بيت اخو زوجها مثلا لعدة اسباب
نشوف رأي البنات
أنا بعد نفس الشيء كان شرط من شروط عقد زواجي شيئين
إني أسكن سكن مستقل
وثاني شرط أبقى على وظيفتي
والحمد لله أنا الحين ساكنه لحالي ومستانسه مع زوجي وأبو عيالي المستقبلي
والدنيا ما تخلى من المشاكل يعني لازم أنا فيه إنتقادات في بالي عليهم
ولو كانت إنتقادات بسيطه لأن عمتي طيبة قلبها تغطي على أي إنتقادات
وهم بعد أكيد الحين فيه أشياء أنا سويتها وهم ما عجبتهم فيني
بس الزبده الإستقلال في السكن يريح البنت
والله البنت اتعرف اهل ريلها هم من اي نوع من ايام الملجه اذا حست انها بترتاح مع انه مستحيل بس يمكن اتضحي عشان رياها
مثلا انا سكنت مع ام ريلي بس في ملحق عباره عن غرفتين وحمام بس سكنت 8 سنوات واحينه انا من سنتين ساكنه في بيت روحي بس الحمد لله اهل ريلي وايد طيبين وانا مو من النوع الي اسوي مشاكل
بس هيه على الطلعه والدخله لازم اقولهم اني طالعه وما كنت افصص واقولهم انا سايره هني وهني لاء اقولهم انا طالعه عندي كمن شغله وابجي هم اتعودو اني ما اقولهم عن طلعاتي وسيراتي بس لازم تيلسين وياهم كل يوم دام انج ساكنه في نفس البيت من باب الاحترام واذا انتي متضايقه ولا ما لج خلق لازم تغصبين عمرج وماتبينين هالشي الي كان مضايقني وبعد شو الي كان مضايقني انه اهلي او خواتي ما يقدرون يدخلون ويطلعون عندي جي بسهوله هم ترا يستحون بعد بس ولا الاشياء الباجيه اذا انتي متفقه ويا ريلج عادي ما فيها شي اذا الوحده سكنت بيت اهل ريلها ….. وبس
وشلون قسمت وقتي؟ الوقت الي ريلي يكون نايم او طالع بره البيت اروح اقعد معاهم اما لما يكون موجود استئذن واروح اقعد معاه ومع الوقت زهقت وما قمت انزل الا مرتين او ثلاث مرات في الاسبوع وما حد له حق علي ابي آخذ راحتي وهم خالتي مخليتني علي راحتي الحمد الله
والوحده مني لازم تغلط عشان تتعلم من اخطاءها خصوصا انك رايحه بيت يختلف من ناحيه العادات والتقاليد والبيئه عن بيئتك والحمد الله ماشيه معانا
اما بالنسبه للطلعات الحمد الله ما شفت اي مشاكل حول الامر هذا اطلع وقت ما ابي وادخل وقت ما ابي دام ريلي موافق والله يسعدني ويسعد كل الخوات في حياتهم الزوجيه
 |
اقتباس |  |
 |
المشاركة الأساسية كتبها ملك روحي |  |
 |
| زوجي يحب اهله فوق العادي
كيف وافقتي بين رايلج و اهل رايلج؟؟ الوقت كيف قسمتيه؟؟ اذا ما يلستي ويااهم؟بينتقدوونج؟؟ اذا بغيتي تطلعين مع رايلج؟تواجهين صعووبة؟ لا انت لازم تتفاهمين مع زوجك وتخصصي طلعات لحالكم وطلعات معاهم وهو يفهم الباقي ………….. ولازم تعتبرينهم اهلك عشان تقدري تحبيهم ………..و لكن الاخطلاط الكبير مع اهل الزوج يولد المشاكل |
||
 |
 |
السلام عليكم و رحمة الله و بركاته
.
.
.
السمـــ دلع لااع ــــــوحة