سوء تفاهم قبل العرس اكتبي تجربتج لكي نستفيد 2024.

السلام عليكم ورحمة الله وبركاته
هالشي ماعرف ليش يصير بكل عرس قبله بكم اسبوع او باسبوع!!
تصدقون لازم بفترة ماقبل العرس العروس تكون متحمله على لسانها من أي كلمه تحملي ياعروس من اي كلمه حتى لو منج لصديقتج ترا تلف تلف وتدور وتطيح على راسج وانتي توج مادخلتي بيت زوجج
واهم شي منج ياعروس تحافظين على هدوء اعصابج ترا في ناس بيتدخلون وايد سواء من اهلج او من اهل زوجج
يسالون عن اشياء وايد خاصه ف انتي حاولي تكونين شخصيه خاصه فيج ولاتقولين لحد حتى لو امج عن خصوصياتج لان بكره او عقبه بترجعين اوكي مع زوجج بس هلج ماينسون اللي قلتيه لهم فيخلونج تنوزين وتنفعلين وانتي الخسرانه بالنهايه
ابيكم تكتبون شنو المواضيع اللي اختلفتوا عليها ايام قبل العرس سواء من تجهيزات او الماده او البيت او العرس او حتى سوالف نسوان راحت وجات وسوت مشاكل
فيدونا وفيدوا العرايس عشان مايطيحون بمشكله

الله يسعدج

اهم شي حافظو على الهدووووووووووووء وكل الامور تتيسر بس لا تشدووون فيها فكري قبل كل شي بالمستقبل

بصراحة

للحين أحس الترتيب ماشي على الأصول

بس مع زحمة العرس ما أدري لازم تصير خلافات

[و الله أنا كانت اخوه من الاب هي ساس البلا كانت تتصل في و تسحب مني الكلام و تروح تكلم الأهل كلــهم لا و تزود من عندها بعد و النتيجة حماتي اللي هي مرت ابوها زعلت مني و ريلي بعد و انا كنت مالجة في اقل من شهر. و الله نصييييحة لا تقولون اي شي يصير بينج انتي و ريلج حتى و لو كان عادي لأي حد. ترى و الله انا كنت اتكلم مع ريلي و احتى اخته في امور عادية جدا ممكن اي حد يتكلم فيها لكن اخته الله يسامحها كانت تسوي اجتاع عائلي تخيلوا جدام اهله كلهـــم و تقول فلانة قالت جي و جي. سامحوني لاني بقول هاي الجملة لكني أكرههههها:mad2: ما احبها هاي اللي خلت ريلي ما يتصل في حتى الا بعد معانه:cry: و الله يسامحها

طبعا حبي ترا هالسوالف تطلع خاصه بعد الملجه ترا الناس مايحبون الخير هالايام

ربنا يرزق الجميع الخير وانا عندي دعوه دائما ادعيها
اللهم اكفيني شره وشر اهله فردا فردا واكفيه شري وشر اهلي فردا فردا
لا بصراحة اناكمان عندي مشاكل كتير معاه هوه بالاخص بسبب اهلة
ربنا يتمم للجميع بخير:smile:

قبل الزواج صارت مشكله بسيطه بس بصراحه ما تخص اهله المشكله حبيباتى اهى شغلي كان يبينى انقل قريب من بيت الزوجيه بس انا ما رضيت لانى مرتاحه بدوامى وظلينا فترة زعلانين من ها الموضوع لحد ما اتفقنا وعرف اسبابي والحين الحمدلله وبعد الزواج بايام تمشكلنا على سالفه الاجازة هو خذا اجازة اربعين يوم وانا لا خذيت اسبوع بس زعل منى وايد بس مشي الحال

الله يبعد عنا سوء التفاهم

اقتباس

المشاركة الأساسية كتبها ليلة عرسي

	انتي حاولي تكونين شخصيه خاصه فيج ولاتقولين لحد حتى لو امج عن خصوصياتج لان بكره او عقبه بترجعين اوكي مع زوجج بس هلج ماينسون اللي قلتيه لهم فيخلونج تنوزين وتنفعلين وانتي الخسرانه بالنهايه

تسلمين ليلة عرسي عالموضوع

هالسطرين بالذااااااات واااايد مهمين