اقدم لكن غالياتي في هذا المنتدى تجارب حقيقيه مرت بي في حياتي واللي تستفيد تدعي لي 00اول تجربه هي زاوج زوجي00:confused: علي بدايتها عرض الفكره علي وتعرفون في بداية الوقت تضايقت بالمرة وقلت في نفسي يارب وش انا مسويه علشان يتزوج علي :sad:؟؟ فاخذ يقنعني اني ماقصرت معاه في اي شي بس هو باغي هااالشي00ايه جلست افكر بيني وبين نفسي واقول مادم يقول ماقصرتي وغلاك باقي واحترامك بس شي في نفسي 00ايه ومرت الايام وعرض علي اخطب له00مفاجاة صح بتقولون وش ذا الخبلة وش سوت طبعا قلت في داخلي الحين ليه مااخطب له وحدة احسن من ان يجيب علي وحدة ماادري وش هي من مرة؟؟ يالله واحتسب هذا عند ربي سعيت ابحث له عن وحدة عندها خلق ودين وتخاف ربها المهم ماحصلت كل وحدة احصلها وتعرف اني زوجته تنصدم وتقول ما اصدق فيه وحدة تخطب لزوجها؟؟؟؟؟؟؟؟؟؟؟الى لقاء في الحلقه الثانيه اكمل لكم فانتظروني
ماشاء الله عليكي الله يصبرك ويعينك بانتظار الباقي لا طولي علينا
الله يصبرك ويقويك يا أختي
الله يصبرك حبيبتي وان شاء الله تلاقينها عند رب العالمين
جاري الإنتظار ………
من البداية شي فيه العجب
وننتظرك للنهاية
وننتظرك للنهاية
دمتم سالمين
اختكم شريفة
رجعت لكم حبيباتي00طيب ما حصلت لزوجي زوجه ثانيه !!!وذكر له زميل له عن وحده طبعا زوجي من الفرحه ماسال كثير عنها00المهم قررالزواج منها وطبعا قدامه شقه وتاثيث قامت اختكم في الله اللي هي انا بمساعدته في اختيار الشقة والتاثيث من احسن الاثاث واخترت له غرفة نوم حلووووة 00طيب00تم الزواج وفي ليلة الزواج قررت اصير المراة الفولاذية واتحمل هذي الليله بان تمر بسلام 00:sad: في اليل رحت مع اختى واشتريت باقة ورد وكتبت عليها 0(بارك الله لكما وبارك عليكما وجمع بينكما بخير) ال ورحت بسرعة لشقة زوجي وحطيتها عندباب الشقه من برا طبعا حبيت وقت مايجون العرسان يحصلونها00رجعت لبيت اهلي ذيك الليلة ودخلت مع اختي شويا بس جا لي ماكان في حساباتي انهرت شويا وتعوذت من الشيطان واكثرت من الاستغفارودعيت ربي كان في هذي الزواجه خير لي وله ان يكتبه ربي وكان فيها شر ان يبعده00ايه ومرت الايام وفجاة حدث ماهو في الحسبان قرر زوجي تطليق زوجته الجديدة وكنت قبلها احثه اانه يخاف الله في بنت الناس ولايستعجل باي امر ولكن قدرالله وماشاء فعل وطلقها000وانا طلقت هاالدنيا حيث جلست ادعي ربي ليل نهار ان مايجعل الدنيا اكبر همي ولامبلغ علمي وينزع حب هاالدنيا من قلبي 00مع انه رجع زوجي بعدهاالسنين يفكر باالزواج بس والله انه صار عندي شي عادي واتجهت لا عمال تطوعية افيد واستفيد والله يرزقنا الثبات والاخلاص والى الحلقه الثالثه وقصتي مع السرطان اعاذكم الله منه0000
انا اولا مافهمت ردك علي ليت توضحين اكثر ثانيا ياعمري انا بدوري ابغى اوضح لك معنا اسمي عندي وهو الظمآنه00نفس المؤمن المتعطشه دائما لفعل الخير 00ثبتنا الله واياك على طاعته (f)
الله يكون بالعون أختي الظمأنه
وننتظر الباقي عساه يكون افضل من السابق ولو أن كلمه السرطان مخيفه
الله يعينج اختي وكله ان شاء الله يحسب اجر لج على صبرج وننتظر الجزء الثالث يس لاتطولين علينا