نعم… هذا سؤال جدير بالطرح
هل تخجل أن تمسك يد زوجتك أمام الناس ؟
لم يعامل (البعض) زوجاتهم خارج البيت كما لو شيئا يخجل منه ؟؟
استمع الى (البعض) حين يرد على زوجته بالهاتف او الجوال…. تتغيراللهجة الى الأسلوب الرسمي الجاف و يتعمد الكلمات المقتضبة… و قد يضطر الى استعمال الرموز اذا طالت المكالمة
ما العيب في أن تحدث زوجتك باحترام و تقدير كما تفعل مع أصحابك ؟؟
أو ليست هذه زوجتك.. حبيبتك .. شريكة حياتك ؟؟
أو ليست هذه من شغفت بها في أيام الخطبة.. و طرت فرحا حين عقد لكما الشيخ … و كدت تلامس السماء من الحبور و السعادة اذ زفوها اليك ؟؟
الا تستحق منك ما يشعرها بأنها انسانة مهمة في حياتك ؟؟
بل يلجاء بعض الرجال الى قفل خط الهاتف في وجه زوجته بمجرد إنتهاء حديثه معها بدون قول "مع السلامه"
و هل هذا ينقص من رجولته أو قدره ؟
اليست هذه حال شريحة موجودة بقوة و وضوح في مجتمعاتنا ؟
أجيبوا أيها الأزواج ؟ " البعض وليس الكل "
انا برد من خلال اللي شفته في حياتي الخاصة وحياة بعض المقربين لي
احنا مجتمعنا هو اللي فرض هذه النوعية من المعاملة يعني الرجل لما يكون جالس مع اصحابه ويكلم زوجته بلطافة قدامهم على طول الفكرة اللي تنأخذ على الزوج انه زوجته مشيتنه على كيف كيفها .. والرجل اللي زوجته بخشونه قدام اصحابه يعني انه ذيب والرجوله عنده مقطعه بعضها
يعني مجتمعنا هو اللي فرض هذه القوانين البايخة لتحديد مقياس الرجولة
بس في النهاية هذه المسألة راجهة للرجل نفسه مثلا انا زوجي خجول يعني ممكن يمسك يدي قدام اصحابه بس لما يكلمني يكلمني كأني اخته وبس
وبالعكس زوج اختي انسان اللي على قلبه على لسانه .. عادي يمسك اختي وما يناديها الا حبيبتي وحياتي يمكن حتى اسمها نساه هههههههه وهالشي عادي عنده قدام اصحابه او اهله او اهلنا ..وفي البدايه كانت اختي تستحي بس الحين تعودت والكل تعود يعني مو صاير شي غريب
في النهايه كل شي راجع للرجل .. اذا استخدم اسلوب التحفظ من البداية وغير فجأه اكيد ما راح يسلم من لسان الغير
بس اذا كان عفوي وطبيعي ما راح يكون محط الانظار وان صار تعليق بيكون مرة مرتين بس مو على طول لان هذا هو الاطار الا الرجل حط نفسه فيه مع اصحابه واهله وهو اختار هذا الاطار بنفسه يعني ما راح يعطي الغير ذيك الاهمية ولا الغير راح يهتموا له كثير لان شي صار طبيعي جدا
وسلامتك
اما بالنسبة للتلفون بقولج سالفة اختي قبل ما تتزوج طبعاً اول ما ترد بحنية وصوت خافت وبعد الزواج تغير الوضع شوي لكن بعد العيال اول ما يتصل ترد عليه وتقول ( الو اشتبي) هههههههههه بعد 10 او 12 سنة زواج كل شي يتغير
المرأة لو تقول لزوجها شي حلو هو اعتقد نفس الشي ولكن اغلب الرجال ما عندهم اسلون بالكلام وبعضهم يتحرج يكلم زوجته قدام ربعه او بالشغل – شي تربوا عليه وصعب الوحدة تغيره بيوم وليلة
الحريم يبون رومانسية والرجال الله بالخير…
انا بصراحه وايد اشوف متزوجين بالمجمعات والاماكن العامه
ماسكين ايد بعض …
ما احس ان هالشي عيب او فشله او منظر محرج
بالعكس …
بس المشكله بالمجتمع والعقول المتخلفه
والرجل العفوي """"" مستساغه عليه الحركات """"""
اما الجلف """"""" صعبه يقعد يمثل """"""
اويقولها حبيتي اويكون معها لطيف
لايش
لان بعض النساء يفتقدون هالشيء من ازواجهم
والأزواج كذالك وهذا يمكن يسبب الحسد والغيرة
لان كل وحده تبغى احد يحن عليها والرجل كذلك
ومشكوره
أنا مش متزوجة بس أقدر أتكلم بحكم اللي أشوفه من أخواني والأهل .. حقيقة أنا أخواني حيل فاهميين وواعيين .. وفوق هذا دارسين ومراكز .. ولكن لا جى الموضوع (( قدام خوياه والا ربعه )) لاااااااااا عاد يقلبون 180درجة :bomb::bomb::bomb:.. ماكأن الله خلق لهم خوات والا زوجات .. على انه الوالد الله يحفظه مش زيهم متحفظ على انه الوالد الله يطوووول بعمره بدوي .. تربى بالبر وفي خيام .. يعني تربية خشنة لكن ماعنده اللي عند خواني :sad::sad: .. فهذا الموضوع ماتعاني منه بس الزوجة وأنما حتى بنات العايلة .. حيث تشوفين انه من يدق التلفون وتكون أخته هي على الخط .. أمبي شصير فيه يختبص فوق حدر .. لأ وما يكنيها الا بو فلان .. وما يحفظ أسمها الا تحت رموز أو بوفلان ..السبب الرئيسي التربية والمجتمع .. وتشبثهم بالعادات والتقاليد .. خرجت لنا نوعية بعيدة جدااااااااااااااا جدا عن الأسلام .. ياليت بس يقتدون برسولنا الكريم ومعاملته السمحة لبناته وزوجاته ..
ودي أعلق على الأخت maryam5
 |
اقتباس |  |
 |
| ومن خلال وجهة نظري الشخصية ام مب عدلة الرجل قدام الناس يمسك يد زوجته او يحضنها مثلاً مب لشي او لسبب لن الناس ما لها إلا الظاهر وش دراهم انها زوجته هذا شي وثاني شي هاذي الامور تكون بينهم احسن شنو استفيد لما اشوف ريال ماسك يد زوجته والا ما سك ريلها؟؟؟ ماراح استفيد شي فالافضل الاشياء هاذي تكون بينهم | ||
 |
 |
عزيزتي .. أسمحي لي أخالفك بالرأي .. أولا الرجال لا مسك يد زوجته مهو ماسكها لأجل تشوفه الناس .. ثانيا دامها حلاله وهي حلاله كيفه يعمل اللي هو يبي معاها .. وهذي عادة لاهي عيب ولاهي خطأ , بالعكس خل شبابنا يتعلمون من ذي النوعية :poster_war: :poster_war: اللي تعكس الحس العالي بالرومانسية والأحساس بالزوجة كشريكة حياة وكأم لعياله .. هذا أقل حاجه يعملها لها أنو يمسك يدها قدام الناس .. وهذا يعكس الرقي بالتعامل مع الزوجة خارج البيت .. أختي الكريمة الآن اللي حاصل أثنين لا يجمعهم رابط شرعي ولا شي .. ونشوفهم قواه عينهم غير شكل .. في المجمعات يتمشون وماسكين بعض ومسوين حركات حيل ماصخة وفوق هذا محد يقارب لهم بكلمة .. وهذا حنا شطر بس نتكلم على الأوادم .. أتركوا الخلق للخالق.. ودام الرجال متزوج وهي حلاله .. هو حر فيها وهي حره فيه .. والله يحفظ كل متزوج لزوجته .. وكل متزوجه لزوجها .. والفال للبنات اللي مش معرسين ..
ماسكين ايد بعض …
ما احس ان هالشي عيب او فشله او منظر محرج
بالعكس …
بس المشكله بالمجتمع والعقول المتخلفه