في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..
كانت البنت لين البست عباه مطرزه مزحرفه ملونه قلنا عنها صايعه ومش متربيه .. او ماوراها اهل ورجاجيل ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..
اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديت عنها لاينتهي ..
عموما .. ماودي اتطرق واتكلم في امور قديمه ياما تكلمنا عنها ..
لكن الظاهره الي انتشرت في الفتره الاخيره تتطلب منا التكلم عنها ومناقشتها ..
وهي ظاهره البرمودا القصير تحت العباه .. وياريت تكون العباه مسكره ..
الا مفتوحه وتظهر السيقان وفرجه للكل ..
يعني ودي اعرف شهدف الفتاه لما تلبس برمودا والسيقان طالعه ووتتمشى في المجمعات او الشوارع وبكل ثقه ؟؟
واللي يبط الجبذ لو طالعها الشاب بنظره استغراب قامت تطالعه بنظره احتقار وكأنه غلطت عليها بالنظره
ونست ان اهي صاحبت هالتصرف واهي الي حطت روحها في هالموقف ..
والمشكله بعد لين تعرض لها احد الشباب قامت تسبه انت قلله ادب ومش متربي وووو …. الخ ..
طيب اذا اهو قليل ادب انتي شتطلعين طالعة والسيقان طالعة قدام الله وخلقه؟؟ انتي ماحترمتي نفسج ولا حشمتي الموجودين بالمكان
ليش تتوقعين من الشباب يحترمونج او يعملولج حساب ؟؟ ودايما نقول : من سوا روحه سبوس العبت به الدياي .
والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟
الاهل وينهم ؟؟ مايشوفون بناتهم ؟ مايشوفون شلابسين ؟؟
اوكي خل الاهل على صوب ؟؟ البنات شلون يرضون على نفسهم ؟؟ نسوا العادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟
كل هالاشياء صارت عاديه بالنسبه لهم ؟؟؟
عموما ماراح اطول عليكم .. بس بغيت نتناقش في هالمووضع واعرف رايكم فيه ..
وياريت اتجاوبوني يعرايسنا على هالاسئله .. وكله في النهايه لتعم الفائده على الجميع ..
1_ هل صادف وان شفتي هالظاهره امامك ؟ و أين ؟؟
2_ شرايكم بهالنوع من الفتيات ؟
3_ برأيكم شالهدف الذي يجعل الفتيات يطلعون بهالشكل ؟؟
واخيرا .. هل في كلمه تحبي توجهيها لهالفتيات ؟ نصيحه او حتى نقد ؟؟
تحياتي
وطبعــــاً يكون بالمجمعات التجارية ..
ضعف الوازع الديني وقلة الرقابة وانعدام الثقة بالنفس وقلة الحياء من أسبابها ..
هالنوع طبعا الله يهديهم يطيحون من العيون وعلى قولتهم بنات شوارع الله يهديهم ..
اعتقد ان المسئولية كامله على الاهل..يعني اذا البنت طايشه وفي سن مراهقة مافي اهل يوعوها ويوضحوا لها الصح من الغلط…والبنات الله يصلحهم يسون كل هذا على شان يلفتون نظر الشباب…يمكن يبغوا يحسوا بالانوثة من خلال المغازله وانهم هم حلوات
الله يهديهم..ويرشدهم للطريق الصواب
ثاني شي، مادري ليش تميت اضحك وانا اقرا الموضوع، يمكن لان تعلقياتج صح
وخصوصا اذا الواحد طالعها بأي نظره سواء كانت احتقار او تعجب او تحرش بها ماترضى
طيب انتي شتبين وانتي طالعه جذي؟؟؟
مابي اتكلم وايد في الموضوع عشان ما انقهر وايد وانا ابي ارقد الحين خخخخخخخ
بس باجاوب على اسئلتج
1_ هل صادف وان شفتي هالظاهره امامك ؟ و أين ؟؟
صادفت هالاشكال وايد، بس الحين صرت ماصادفهم مادري ليش
وكنت اشوفهم بالمجمعات والشارع وفي الجامعه سابقا بس بعدين منعوا هالحركات
2_ شرايكم بهالنوع من الفتيات ؟
الصراحه يكسرون خاطري، واشفق عليهم
لان البنت مايكون عندها ثقة بنفسها فتحاول تعوض بشي ثاني
ولو ماكانت تعاني من هالشي مثلا، راح افكر ان اهلها مب مهتمين بها وطبعا هاذي مصيبه أكبر
3_ برأيكم شالهدف الذي يجعل الفتيات يطلعون بهالشكل ؟؟
لفت الانتباه في المركز الأول
لان المعروف انها اذا كانت ماشيه بدون عباية ولابسه القصير ماراح تلفت الانتباه كثر لما تكون عباية مفتوحه
وبعد شكلها جذي يجذب اكثر
والدليل انها تبي لفت الانتباه انج ماتجوفينها تمشي بشكل عدل ولا تكون محترمه نفسها، ومثل ماقلتي اذا احد كلمها او تحرش بها تهزأه ومايعجبها
وانا في اعتقادي اي وحده محترمه ماراح ترد على تعلقيات اي احد في مكان عام وتلم عليها الناس
واخيرا .. هل في كلمه تحبي توجهيها لهالفتيات ؟ نصيحه او حتى نقد ؟؟
الله يهديكم ويهدينا وبنات المسلمين
بس في نقطه حبيت اذكرها وهي اني شفت بعض البنات اللي لابسين نفس الشي بس يكون وضعهم مقبول
ماعرف اشرح، بس في بنت ماتكون متحجبه ولابسه قصير مثلا وعندها مشوار صغير فتلبس عبايتها وتطلع تخلص شغلها سواء كان سوبرماركت ولا خياط ولا اي شي وبس مالها شغل بأي احد ثاني
انا طبعا ما اقول ان هالشي صح او ادافع بس هاذي احترمها اكثر من اللي تروح تسوي هالشي متعمده وهي بكامل زينتها وتتمشى في الاسواق
وعقبال باقي العضوات يردووون
للرفـــــــــــــــــع
يعني انا اشوفها مستغربه وامبطله حلجي وهي ابد رافعه عاجبها وما عاجبتنها نظراتي
والقهر اني شفت خليجيات يسوون هالحركات الله يهدي اليميع كل هذا بس عسب يلفتون الانظار
لابسات عبايه جنهم مش لابسات من الاساس
الله يهديهم
اي شفت في مجمعات اكثر شي
2_ شرايكم بهالنوع من الفتيات ؟
ضعف الوزاع الديني و التزام بموضى اكثر
3_ برأيكم شالهدف الذي يجعل الفتيات يطلعون بهالشكل ؟؟
مواجهه الموضه خخخ
واخيرا .. هل في كلمه تحبي توجهيها لهالفتيات ؟ نصيحه او حتى نقد ؟؟
تبين تجربين موضه في بيت لكن برع احسن شي ستر
موضـــوع يستحق التمييــز
انا عن نفسـي عنـدما ارى مثل هـؤلاء الفتيات اغضب بشــدة
والله مايفعــلونه حــرام ومحاسبون علــيه
اكثر ماأرى هــؤلاء الفتيات في المولات والاسواق
للأسف رأيت احداهن في مستشفى وفي المطاعم يتواجدون ايضــاً
الفتيات الذين يقومون بمثل هذه الافعـــال عادة يريــدون لفت النظر لهن
وألاحظ ان اعمارهن مابين ال14 سنة وال25 سنــة
لا بأس فالكل يعلم ن هــذا العمر حرج بالنسبة لكلا الجنسين
لكنه ليس عذراً لهن للقيام بهذه الافعال الشاذه
مالغرض من العباءة إذاً ؟؟
الغرض منها هو الاحتشام وصيانة المرأة عن كل مايلتفت له الرجـال من جسدها
وهن بهذا الفعل كقالب الحــلوى المكشوف ويحوم حوله الذباب
هل ياترى سيرضى احد بالأكل منه ؟
الجواب هو كلا .. لأنه مليء بالقــذارة والذباب والأمراض
هؤلاء البنات هن كطبق الحلوى هــذا
والرجــال هم الذبـــــــاب
اللهم اهدي بناتنا وشبابنا برحمتك ياارحم الراحمين
شكــراً لك على طرحـك
تقبــلي مروري
كوني بخير
اختك
نبض
تقليد الغرب
…ولو دخلو جحر ضب لدخلتموه….:::
ماعرفنا هالخرابيط الامن الفضائيات