ياحلوين انا مايقهرني الا لما الوحده الي يتاخر نصيبها بالزواج خلص تنطوي على نفسها وتقول خلاص انا عنست ليه طيب تحكمي على نفسك بهذا الحكم متدري متى الله يكتبلك نصيبك متدري يجيك افضل نصيب
لانه ربي كررررررررررريم .
اهم شي حسن الضن بالله والتوكل عليه احسن توكل وتبذلي الاسباب
شوفي العالم اخرجي مناسبات لمايجي ضيوف لامك انتي استقبليهم خلي امك ترتاح ويعرفوا انك قد المسؤلية ويعتمد عليك
لاتقولي انا موسلعه اخلي احد يشوفني بكل مناسبه لا والف لا
صدقوني وحدة من صحباتي تحضر افراح الي تعرف والي ماتعرف وسبحان الله جاها نصيبها وفرحها بالصيف هذا الله يوفقها.
هيا ياعرايس توكلوا على الله وابذلوا الاسباب وان شاء الله تفرحوا وتفرحوا اهليكم.
تصدقوا انا عمري 21سنة ويقولوا كبيره لانه الان موضه صغيرات السن 16-18صرت اتحسس بقوة من الموضوع بس لما فكرت
عرفت انه النصيب وانه الارزاق بيد الله وحده
الوصفه السحريه بعد التوكل على الله (وانا اولكم بعملها)
o الصلاه على وقتها
o الاستغفار(كنزعظيم)
o قيام الليل والدعاء
o
ربنا ااتنا في الدنيا حسنه وفي الاخرة حسنه وقنا عذاب النار
وصلى الله على سيدنا محمد وعلى االه وصحبه اجمعين..
o قراءة القران
o الصدقه ولوبشي بسيط
o واهم شي النية الصادقة واخلاص العمل
o ولاتنسي تحصين نفسك
يالله ياحلوين ابدا واهتمي بعمرك عشان تفضلي عروس
على طول لانه اهمالك بنفسك يعطيك شكل اكبر من عمرك
ولاتقولي لما اصير عروس اهتم لا انتي توكلتي على ربك خلص
الله يرزقك على صبرك
ونصيحه
لاتصيري حساسه من كلام الناس(انك ماتزوجتي للان) ولاتخلي احد يهز ثقتك بنفسك
وقولي لنفسك انا مابي اتزولج لمجرد الزواج بس لا انا بعف نفسي وارضي ربي لاسعادي لزوجي واكون اسرة صالحه باذن الله
ولاتنسوني من دعواتكم
الله يزوجكم كلكم يابنات قولوا اااااااااااااااامين
كلامك حلو
وأحلى مافيه انه صادق وصادر من قلبك
الله يرزق بنات المسلمين بالزوج الصالح
 |
اقتباس |  |
 |
المشاركة الأساسية كتبها حلوهـ موت  |
 |
 |
| تصدقوا انا عمري 21سنة ويقولوا كبيره لانه الان موضه صغيرات السن 16-18صرت اتحسس بقوة من الموضوع بس لما فكرت عرفت انه النصيب وانه الارزاق بيد الله وحده |
||
 |
 |
خخخخ اذا انتي 21 وكبيره اجل انا وش اقول
تصدقين ان اهلي يبون يزوجوني صار لهم اكثر من سنتين الحين يعني من لما كنت بعمرج
بس انا رافضه حاليا لان عندي مية الف شي في بالي بس بعد قلت لهم اذا جاني واحد مايتفوت ماراح ارفض، بس حاليا انا في آخر سنة جامعه وابي اركز على دراستي
المهم، قاموا يقولون لي ان انتي خلاص بعدين محد يبيج
وان فلانه الحين دكتورة وكل شي عندها ومتحسفه انا ماتزوجت والحين تبي حضن زوج ويعني هالكلام
وهم من النوع اللي اذا واحد كان يبي يخطب ويبي وحده بالمواصفات الفلانيه يبون يخلون فيني هاذي الصفات بالغصب 😮 مادري شفيهم
ادري ان هذا مب موضوعج يمكن
بس انا اللي يقهرني ان الناس والمجتمع يخلون الوحده غصب تتحسس من الموضوع وتحس بالاحباط والاكتئاب اذا وصلت لسن معين او اي احد سألها متى راح تتزوجين
تصدقون مره شغالة خالتي سألتني يلا انتي متى راح تتزوجين نبي نفرح فيج هههههههههه حليلها
بس انا عني بما ان بنات عيلتنا اللي في مثل عمري كلهم متزوجات وبعضهم عندهم عيال بعد
صج مرات يعورني قلبي وابي هالشي بس بدون العيال خخخخخخخ
بس مرات افكر ان هذا الشي احسن لي حاليا وبعدين كل شي له جانب سئ وجانب ايجابي
وادري ان هذا الشي من طبيعة المرأة وغريزتها بس ترى هذا مب كل شي في الدنيا، يعني اذا ماياني نصيبي انا شاسوي؟؟؟
مشكورة اختي على طرح الموضوع
مع اني ما اعتقد اني اضفت له شي خخخخخخ
والله يوفقكم ويرزقك بناتنا الازواج الصالحين
ايييه ونصيحه أخيره لا تكثرون من الدخول للمنتديات النسائية وتجهيزات العرايس وهالسوالف لانها تعور القلب بدون فايده :bigsmile:
وصحيح
الله يرزق بنات المسلمين بالزوج الصالح وانت اولهم هههههه
تَنْثُرُ الكَونَ عِطرَاً
انا الشوق ,,, تصدقي امي تقول انامعمرك عندي 3 اطفال
الله يرزقنا جميعاااااااااااااا قولو امين
#ينات اوصيكم بالدعاء ثم الدعاء
مو تدعون فتره بعدين تتركون
#الصدقه
# صلاة الليل والدعاء في السجود
الاكثار من قول استغفر الله العظيم الذي لااله الا هو الحي القيوم واتوب اليه
#بعد كل صلاة جمعه تقولون (اولا: اللهم اني اسئلك بفضلك عما سواك وبحلالك عن حرامك 70 مره
ثانيا:قراءة الكرسي 7مرات وقراءة الفلق7مرات والناس 7مرات والاخلاص7مرات)
بعدين الدعوا بالي في بالك وتحري ساعة الاستجابه
النقطة الاخيره اللي قلتها لكم بجد فعاله ان شاء الله
لاني مره قريت من قالها ماتمر جمعتين الا وربي ان شاء الله رازقه
بس الاهم من هذاكله وانتي تدعين وتتصدقين وتذكرين الله النيه واليقين بان ان شاء الله ربي يحققه لك
والتذلل
وان شاء الله افدتكم وتستفيدون وطبقونه من قلب مو كلام وبس
اللهم اني اسئلك باسمك الاعظم ووجهك الاكرم ونور وجهك الكريم ورحمتك التي وسعت كل شي ان ترزق جميع
بنات المسلمين الازواج الصالحين وارزق كل محرومه من الذريه الذريه الصالحه والشفي مرضانا ومرضا جميع المسلمين واقضي دين المديونين وفرج هم المكروبين يارب اللهم آمين آمين آمين
تحياتي لكم
اهم شي قوة الايمان ومعرفة ان النصيب بيد رب العالمين
مهما قالوا وفعلوا وادخلو الشك واليأس بقلبك لازم تعرفي ان لك رب كريم
مستحيل بيظلمك او يحرمك من حقك الطبيعي في الحياه وبعد الثقه بالنفس لها دور كبيرررر بأحترام البنت لنفسها ومعرفة قدرها وان نصيبها بيجيها ان شاء الله……………
مشكوره حلوه موت واتمنى كل البنات يعرفون هالشي
تحياتي
دلوعه حناني يعطيك العافية
عذب القوافي الله يسلمك
ونصايحك جدآ حلوه ومفيدة……..