هذي اول مشاركه لي وحبيت افيدج من تجربتي الشخصيه بشرررتي حساسه حيل من اي شي تحسس وتحبب واعاني منها بس احلى شي استخدمته من ميك اب فور افورر المنظف ومززيل المكياج اللي بالحليب ررررررررررررروعه وعلى فكره سعره معقوووول ويتم فتره معاج
تحياتي لج
وعليكم السلام ،
يا هلا أختي ،
 |
اقتباس |  |
 |
| ابا اسال عن المنظفات شو اهميتها | ||
 |
 |
المنظفات مهمة جداً لتنظيف البشرة من آثار المكياج وحتى لو ما تحطين مكياج ، ضروري تنظيف البشرة على
الأقل مرتين باليوم ، لتنظيف المسام حتى تتنفس الببشرة عدل وما تتكون الرؤوس السوداء والبثور
وتنظيف البشرة هو أول مراحل الحصول على بشرة نظيفة صحية نضرة ومشرقة 
،
طبعاً تنظيف البشرة يتطلب يكون عندج :
غسول جيد ومناسب لنوع بشرتج ،
حليب منظف + تونيك لقبض المسام بعد عملية التنظيف ،
سنفرة جيدة ،
أما بالنسبة للماسكات والأقنعة فـ ممكن تكتفين بالمواد الطبيعية الموجودة في مطبخج ،
|
اقتباس | |
|
| سمعت عن كلينك ولانكوم بس الاسعار شوي حامضيين | ||
|
|
شقصدج بكلمة حامضين 
،، تقصدين غالين مثلاً ،
أختي صدقيني ترى المنظفات ومنتجات التنظيف تلاقينها الأرخص بكل الماركات ،،
يعني المنطفات عادة رخيصة مقارنة بمنتجات العناية من كريمات الليل والنهار ،
وأفضل ماركات التنظيف والعناية بالبشرة من وجهة نظري هي الماركات اللي تكون موادها طبيعية أو عشبية أو طبية ،
مثل :
سيسلي ، كانيبو ، كلارنس ، بايو ، كلينك ، لامير ،
سيسلي + لامير حيل غالين ،
كانيبو أسعارها معقولة ،
بايو + كلينك + كلارنس أسعارهم رخيصة نوعاً ما ،
عموماً إذا حسيتي إن أسعار هالمستحضرات ما تناسبج أنصحج تشترين المظفات من الصيدلية ،
بتلاقين منظف وغسول وتونيك طبي يناسب نوع بشرتج + وسعره معقول والأهم إنج ما تهملين بشرتج أختي ،
موفقة ،،
والصراحه تعجبني وايد
عاشقه الدوحه
ومجموعة كلينك حلوه
ومو شرط تاخذين السكراب و المرطبات كلهم نفس الماركه ..
كريم النهار و كريم الليل لازم يكونون من ماركه حلوه و مغذيين عشان البشره تستفيد منهم انتي اختاري حسب نوعية بشرتج وحسب المشاكل اللي فيها ..
السكراب نفس الشغله خذي النوع المناسب للبشره و اللي يحل مشكلة بشرتج يعني في سكراب للقضاء على البثور و سكراب لمحاربه التجاعيد و جذي يعني ..
بالنسبه للمنظفات ،، انا جربت من الماركات وايد ديور و جيرلان و وايد ،، وبعد جربت الماركات العاديه اللي الكل يقدر عليها مثل نيفيا و جونسون ،، حلوه ومافيها شي صج سعرها مناسب لكن مايعيبها شي وماركات مضمونه ومعترف فيها ..
هالفتره استخدم منظفات البشره من نيفيا و جونسن تصدقين اني ارتحت عليهم اكثر من منظفات ديور والفرق في السعر واضح
بالنسبه لـ جونسن .. استخدمت عيون الباندا ههههههههه القطع القطنيه الدائريه الجديده وايد حلوه وتنظف العيون زين .. وبعد تنفع للوجه ..
وفي لوشن منظف و مرطب للوجه والعيون من جونسن نازل جديد مع عيون الباندا ..
منظف نيفيا للوجه و منظف العيون بعد روووعه خصوصاً منظف العيون وايد ارتحت له وما تعب عيوني وتنظيفه قوي
طبعاً تحطين المنظف على قطنه وتنظفين الوجه .. و ممكن توزعين المنظف على الوجه مثل الكريم و تفركينه بحركات دائريه خفيفه وبعدها تمسحينه من على الوجه بقطنه نظيفه ..
آخر شي تمسحين بالتونر ..
انا افضل قبل التونر تغسلين الوجه بماء و الغسول عشان تتأكدين ان كل الاوساخ والمكياج راحت وبعد ما تنشفين الوجه تمسحينه بقطنه مغموسه بتونر وانتبهي التونر لازم يكون خالي من الكحول ولا تستخدمينه للعين ..
تبين افضل تونر ؟؟؟؟؟ نصيحه مني جربي ماء الورد ،، و احلى لو تخلينه بالثلاجه عشان تستخدمينه وهو بارد
اما باقي خطوات العنايه اخذتهم من كانيبو
و حلوين للحين و حابه استعمالهم..
وان شاء الله اكون افتج بشي.. و ما شاء الله الاخت مجد كفت ووفت