متى ينام الطفل بغرفة لحاله 2024.

السلام عليكم ورحمة الله وبركاته

حبيت أسألكم متى ممكن نحط الطفل لحاله بغرفة …… وكيف تعاملتوا مع الوضع … أحس الموضوع صعب شوي

؟؟؟؟

ارجوكم لا تطنشوني …. ودي أنقل ولدي بسرعة لغرفة لحاله

مشكورين

انا عن نفسي اشوفها صعبة ليما يكمل على الافل السنتين … خاصتا اذا يرضع طبيعي

وولدي حبيبي توه 7 شهور انيمه عندي فالغرفه وسريرة عند سريرنا من صوبي انا ..

وان شاء الله من يكمل ولدي السنتين بعودة وما بجبرة الا لما يكمل 3 سنوات

بالنسبة لي آنا عيالي الثلاثة ينامون معاي في الغرفة (لأني ساكنة مع أهل زوجي )..
بس من شهر 9 إلي طاف بديت أرقد ولدي الكبير (3 سنوات و7 شهور ) بروحه في الغرفة الثانية عشان الروضة وأخلي باب الغرفة مفتوح ..عشان إذا قام يقدر يجيني ..
في البداية كان صعب ..بس ألحين فديته مايبي يرقد إلا بروحه..
وإن شاء الله مع بداية الدوام السنة الجاية علاة بعد تنام معاه (لأنها بتروح الروضة ) ..
والفال لج إن شاء الله تقدرين ترقدين ولدج بروحه ..