كل وانتم بخير بمناسبه العيد
بعدين خواتي ابي رايكم في المشكله
اختي عندها ولد الله يحفظه حركي اكثر من اللازم عمره خمس سنوات ونص
عنده نشاط زايد تخيلوا اقسم لكم بالله انه ما يجلس اكثر من عشر دقائق بدون لا يضرب اي طفل
اوخدامه
طول الوقت يتحرك يلعب يضرب يسب
لدرجه اختي اعتزلت الناس بسببه
ما فيه احد يستحمله اكثر من خمس دقائق
والدته دائمه البكا ء من افعاله دائما يحرجها امام الموجودين بسسب حركاته
طلبت منها ان تعرضه على دكتور بسبب النشاط لكن والده رفض
ولدها في الروضه وممتاز ذكي جدا بس عدواني حتى في طريقه سلامه مع الاخرين
انا دائما احاول اجلس معه اقرأ له القصص
يحفظ السور القصيره في القران
بس مشكلته حركاته حتى الاطفال اللي في سنه يتجنبون اللعب معه
لو قلت لكم ان حتى الشغالات ما يجلسون في بيتهم اكثر من شهرين
يهربون للمكتب ويقولون هو السبب
خواتي اللي عندها نفس المشكله ياليت تساعدني ترى انا كثير متضايقه علشان اختي
كاسره خاطري ماتطلع ولا تزور احد بسبب افعاله
للمعلومات عنده اخون وابوه قام يستخدم العنف ضده يوم اتعبوا معه
السلام عليكم ورحمة الله وبركاته
ينقل لركن التربية و الطفل…
السلام عليكم ورحمة الله وبركاته
يعني أختي أنا إستغربت من أبوه…
يعن أبوه شايف إنه الأفضل إنه يستخدم العنف معاه…أحسن ما يوديه للدكتور ؟؟ّّّّ!!!!
محتاج الطفل يشوف دكتور علشان يعرف سبب المشكلة…و إن شاء الله خير…
شاكره لك مرورك الطيب
وياليت باقي الاخوات يعطوني رايهم
ولكم ارق واعذب تحيه
المهم عرضوه على طبيب دكتور عادي قال كل شي فيه طبيعي … عرضوه على دكتور نفساني قال هذا فيه خلل بسسسيط فالمخ … لدرجه ان الناس ما يلاحظن الخلل من الناحية النفسية يعتقدون انها حاله مرضية ولا من ناحية العناد .. وعلى فكرة هالضرب يزيد هالخلل والوالدين يعتقدوون ان الضرب هو الحل الي بيصلحهم …. للاسف
ونصيحتي اعرضوه على دكتور عام واذا قال كل شي سليم عرضوه على دكتور نفساني … والله يهديه ويصلحه … وان شاء الله صبر اختج تاجر عليه وبالدعاء له بيصير بخير والله بيشفية من دون الحاجه للطبيب
الله يعطيك العافيه
وانا بلغت اختي باقتراحاتكم وان شاء الله يسمع زوجها ويوديه للدكتور
لكم ارق واعذب تحيه