اخباركم و اخبار البيبيات و الاكل وياكم
المهم
عندي كم سؤال عن الاكل
بسكوت الاطفال متى نعطيهم و عادي اذا بعدهم مافيهم اسنان ؟؟
بغيت اسال يستوي نعطي البيبي طماطم و اذا يستوي كيف الطريقه ؟؟؟
و ابي ابدا مع بنتي باللحوم ..
كيف اطبخ الدجاج …و اول ما ابدا اعطيها دجاح بس ولا اخلطه مع عيش و لا خضار
و اللحم متى اعطيها و شو احسن لحم بقري خروف ماعز …و كيف اطبخه
و اخيرا السمك متى اعطيها و شو الانواع الي لازم ما اطيها
على فكره بنتي عمرها 8 شهور بس بعدها ما عندها اسنان…لكنها على وشك يعني اسبوعين بالكثير و يطلع لها
و اذا عندكم اي مقترحات زياده و افكار عن الاكل في هذي المرحله بالذات لا تبخلون علينا
في انتظاركم و شكرا
اختنا الذواقه ما قصرت جزاها الله ألف خير…
بس عندي اضافات:
بالنسبة لطبخ الدجاج يفضل في البداية تقدميه كشوربة مع الخضار يعني بعد سلق الدجاج ويفضل الصدر، تفتتيه بالشوكة وبعدين تحطيه بالشوربة ، منها تتعود على طعمه ولا تنحرم فائدته ولا تشرق او تغص فيه..، حطيلها بعد شوية مكرونة لسان العصفور .. << وجبة ولدي المفضلة 
اللحوم الحمراء أجليها شوية ، يبيلها مضغ وما تقدر عليها بنتج..
البسكوت ممتاز حق بنتج الحين لأنه يساعد عالتسنين، ولا تخافين هالبسكوت يذوب بسرعة في فم الطفل فما راح تشرق فيه..
ممكن تأكليها اي شيء حتى لو تأخرت في التسنين ، لأنه لثة الطفل تصير حادة وتعمل عمل الاسنان 
الطماطم ما عندي فكرة، بس كان من ضمن الاطعمة اللي أجلتها لما بعد اكمال السنة…
الله يوفقك اختي في مهمتك
الطماطم، ولدي كان يحبه بطريقة فضيعة بس كان عمره 10 شهور ، أشيل القشرة وأقطعه قطع صغيرة..
بخصوص الوحبة أبتدي بشوربة الخضار ، او سوي شوربة الشوفان ولدي يحبها وليومنا هذه وجبته المفضلة (خلي قدر فيه ماء مع جزر مبشور ومعكرونة لسان العصفور وشوي سنوت وجلجلان(كزبرة وكمون)، مع ذرة ملح بس لتغيير الطعم وشوية شوفان وخليها تطبخ)، للغاء طبخي خضروات مع قطعة صغيرة من صدر الدجاج وطحنيها بالمطحنة الخاصة بالبيبي) ، طريقتي في حفظ الدجاج أني أستري صدور دجاج طازجة لمدة أسبوع وأقطعها قطع صغيرة وأحتفظ بها في الفريزر)..
حتى لو ممكن تعطينها الله يحفظها لج
شوربات ..
شوربة هريس .. ترى وايد مفيدة للبطن
ولدي احيانا عنده امساك اعطية شوربة هريس الحمدلله بطنة يتعدل
حاولي ما تعطينها العدس .. والبقوليات لانها اسوي غازات
والدجاج لو تهرسينة في الخلاط افضل لانه اسهل في البلع
والله يخليها لج
الله يخلها لج ولأبوها إنشاء الله :flower:
انا احطله من ضمن الخضرة الي اطبخله بس قليل منه .. ما اكثر .. والدكتور هو الي نصحني اعطيه الطماطم …. من عمرة 5 شهور وانا احطله فالاكل
انا ما عطيته الين الحين لا الدجاج … نصحوني ابتدي معاه بالحم والسمك من عقب السنه …
حطيه في قدر فيه ماء وخليه ينطبخ عدل .. لفترة طووووووويله واذا حبيتي تحطين مع الخضرة او تسوين شوربه … نفس الشي يعني ماله اضرار اذا بديتي بهذا او هذاك
انا ما بديت باللحم والسمك .. لانه الدكتور الخاص لولدي قالي لا تعطينه الا عقب السنه … والاحسن تستشيرين الطبيب في هالموضوع
وفكره الشوربه حلوه …ما جربتها من قبل ..عجبتني لانها بتخلينها تتعود على الاكل بدل الاكل المهروس ….
فقررت ابدا وياها بالشوبه و ااجل الدجاج بعد شهر …يعني اخليها تتعود على التكتلات في الاكل قبل الدجاج
شكرا بنات و جزاكم الله خير
شكرا و ماقصرتوا
الله يعطيج العافيه ويعطي اللي رد عليج..