خواتي العزيزات.. بنتي بعد شهرين باذن الله بتكمل السنتين.. فبغيت اغير فيها هالاشياء.. اتمنى من الي عندها تجربه تفيدني وتفيد غيري ربي يجزيها كل الخير باذنه..
1- بنتي البسها حفاظه.. والحين ابغيها تتعلم ان بنفسها تروح (تكرمون) الحمام.. هي ما شاء الله عليها ذكيه لما تتبول تضايق وعلى طول تركض وتخبرني ان في الحفاظه في شي.. يعني غيريه.. بس الحين ابغيها تتحكم بعمرها.. واذا في شي تيجي اتنبهني علشان اوديها (تكرمون) الحمام.. فكيـــــــــــف؟!
2- بنتي لما كملت ال6 اشهر قامت تشرب الحليب العادي وم عادت تشرب مني وتضايقت وايد لما اتجنبتني؟! علعموم بديت اعطيها الحليب العادي وابغيها تقلل من الحليب شوي شوي.. لانها متعوده على شرب الحليب اكثر من اي شي.. المشكله بعد كل وجبه تبغي حليب.. وياريتها تاكل شي.. بس فالحه عيش ابيض+ بطاطا+ روب هذا حق الغدى والعشى معكرونه والريوق يالله يالله جبن وسليس واكثر شي حليب.. ابغيها تشرب حليب بس مرتين باليوم وتقوم تاكل مثل اليهال؟!
فكيـــــــف!؟
3- بنتي عنيده حيل.. ابغيها تتفهم ان مرات سلوكها غلط لما تقوم تغلط على اكبر عنها.. اقولها عيب غلط بس اتعاند واتكرر اكثر.. ابغيها تفهم ان الي تسوي غلط..
فكيــــــف؟!
اتريا ردودكم يا حلوين.. لان بعد 3 اشهر باذن الله بولد.. وقبل لاولد ابغي بنتي تتغير شوي علشان اتفرغ لثاني عدل.. اتمنى من الي عندها خبره تخبرنا والكل بيستفيد..
وتسلمون حبايب قلبي..
:shy:فديتك الغالية
ان شاء الله الله يسهل عليك ولادتك ويقومك بالسلامة يا رب
اما بخصوص بنتك فوالله ما عندي أي خبره بأول نقتطين بس النقطة الاخيرة
انا دايما أسويها مع الاطفال وأشوفها تنفع خخخ بالمدرسة ما ادري يناسب بنتك والا لا
لما الطفل يعمل حركة ما تتقبليها انزلي لمستواه على أساس تكون عينك بعينه وكلميه باسلوب جاد يبين ان تصرفه مو صحيح
بس أهم شي عيونك بعيونه وبحزم تقولين الامر
مهما كان عمرها أكيد بتتعود ان التصرف الغلط مو حلو
ولو تتابعين البرامج الي تطلع بالتلفزيون عن التربية واجد حلوه البعض يقول مو حلوه واجنبيه وووو بس انا اِفو فيه كثير أشياء حلوة بس ما أعرف متى اوقاتها بالظبط أنا اشوفيها احيانا بالصدفة
وان شاء الله باقي الاشياء الاخوات ذوات الخبرة يفيدونك 
مشكلة الحمام،، أعناي مثلها، لما يسوي شي يعرف ويخبرني بس لما يكون عليه الحفاظ يرفض الجلوس على الحمام ويسويها بثيابه،، أشتري لها القاعدة للمرحاض مع الكرسي ، صديقة خبرتني أن المقعد يخليها تروح وتصعد بنفسها، المهم مانفعت مع ولدي رافض فكرة المرحاض من الأصل،، جربيها يمكن تنفع,, أشتري حفاضات pushup من هجيز سهلة في اللبس والنزع وتشجع الطفل على نزعها بسهولة…
مشكلة الحليب سمحي لي ماقدر أفيدك لأن عندي نفس المشكلة حياته الحليب،، ماقول ماياكل بس أكله قليل مرة وكل ماتملل وماعنده شي صرخ يبي حليب،، حطيت له نسكافيه عادي ولا كأنه شي شرب الرضاعة..
مثل ماقالت الأخت ملاك لما تكلمينها نزلي لمستواها وبيني لها غلطها،، ترى البرامج الأجنبية وايد مفيدة،، ناس وايد ينتقدوني أني أتبع طريقة البرامج بس حاسة أني أتعلم أشياء كثسرة كنت أجهلها،، مثلا الحين لما يرمي ولدي شي أخليه يكنسه أو يمسحه بالفوطة،، لما أعاقبع أقول له إذا سويت مرة ثانية أحطك بالحباسة،، أحس بدا يحس بالغلط..
ولدي باقي له 3 أسابيع ويكمل السنتين،، يعني أكبر من بنتك بس بعده ماتعلم فلا تشدين معاها كثير شوي شوي وإن شاء الله بتتعلم…
 |
اقتباس |  |
 |
المشاركة الأساسية كتبها malaak |  |
 |
| أم سعيده
فديتك الغالية ان شاء الله الله يسهل عليك ولادتك ويقومك بالسلامة يا رب اما بخصوص بنتك فوالله ما عندي أي خبره بأول نقتطين بس النقطة الاخيرة انا دايما أسويها مع الاطفال وأشوفها تنفع خخخ بالمدرسة ما ادري يناسب بنتك والا لا لما الطفل يعمل حركة ما تتقبليها انزلي لمستواه على أساس تكون عينك بعينه وكلميه باسلوب جاد يبين ان تصرفه مو صحيح بس أهم شي عيونك بعيونه وبحزم تقولين الامر مهما كان عمرها أكيد بتتعود ان التصرف الغلط مو حلو ولو تتابعين البرامج الي تطلع بالتلفزيون عن التربية واجد حلوه البعض يقول مو حلوه واجنبيه وووو بس انا اِفو فيه كثير أشياء حلوة بس ما أعرف متى اوقاتها بالظبط أنا اشوفيها احيانا بالصدفة وان شاء الله باقي الاشياء الاخوات ذوات الخبرة يفيدونك |
||
 |
 |
هلا والله فديتج وفديت قلبج حبيبتي..
مشكوره حبيبتي على افادتي وربي يجزيج كل الخير باذنه.. مجرد المرور والافاده الطيبه تعني لي الكثير حبيبتي.. والمشكله ما عندي وقت اتابع البرامج والا بخصص لي فتره معينه للجلوس امام التلفاز.. ان شاء الله بتبع طرريقتج مثل ما ذكرتيه وباذن الله بينفع..
مشكوره مره ثانيه..
|
اقتباس | |
|
المشاركة الأساسية كتبها رانيا البحرينية | |
|
| أم سعيدة الله يبلغك فيها ويسهل عليك ولادتك,,,
مشكلة الحمام،، أعناي مثلها، لما يسوي شي يعرف ويخبرني بس لما يكون عليه الحفاظ يرفض الجلوس على الحمام ويسويها بثيابه،، أشتري لها القاعدة للمرحاض مع الكرسي ، صديقة خبرتني أن المقعد يخليها تروح وتصعد بنفسها، المهم مانفعت مع ولدي رافض فكرة المرحاض من الأصل،، جربيها يمكن تنفع,, أشتري حفاضات pushup من هجيز سهلة في اللبس والنزع وتشجع الطفل على نزعها بسهولة… مشكلة الحليب سمحي لي ماقدر أفيدك لأن عندي نفس المشكلة حياته الحليب،، ماقول ماياكل بس أكله قليل مرة وكل ماتملل وماعنده شي صرخ يبي حليب،، حطيت له نسكافيه عادي ولا كأنه شي شرب الرضاعة.. مثل ماقالت الأخت ملاك لما تكلمينها نزلي لمستواها وبيني لها غلطها،، ترى البرامج الأجنبية وايد مفيدة،، ناس وايد ينتقدوني أني أتبع طريقة البرامج بس حاسة أني أتعلم أشياء كثسرة كنت أجهلها،، مثلا الحين لما يرمي ولدي شي أخليه يكنسه أو يمسحه بالفوطة،، لما أعاقبع أقول له إذا سويت مرة ثانية أحطك بالحباسة،، أحس بدا يحس بالغلط.. ولدي باقي له 3 أسابيع ويكمل السنتين،، يعني أكبر من بنتك بس بعده ماتعلم فلا تشدين معاها كثير شوي شوي وإن شاء الله بتتعلم… |
||
|
|
تسلمين حبيبتي على المرور والافاده وربي يجزيج كل الخير وتعدي هالفترات على خير حتى يتعلمون الاطفال كيف يغيرون من طبائعهم..
تسلمين الغاليه وان شاء الله بتبع نصيحتج وباذن الله تنفع مع بنتي..
ومشكوره وايد واااااااااااااااااايد فديت قلبج..
رانيا البحرينية
صدقتي الغالية الناس وايد ينتقدوا ها البرامج مع اني أشوفها اكثر من رائعة
يعني بقعه المشاغبين مثلا روعة وخاصة لو عودتي الطفل عليها من وصغير عشان تقدري تتحكمي بتصرفاته وتعاقبينه بطريقة حلوة مو الضرب والتكسير
اذكر مره أكلم زميلة معاي بالمدرسة واقولها عن طريقة حلوه لفصل الطفل عن سرير الام وتعويده انه ينام يغرفته باسلوب ما يأذي مشاعره ولا يسبب له عقده وخاصة ان ولدها كبير وهي للحين تنومه معاها
قامت عصبت علي وتقولي هذولا الاجانب مو بشر ولا يحسون وانتي مو حاسة لان ما جبتي عيال بكرا لو جبتي بتحسين وما بتقدرين تفصلين عيالك عنك
وقتها بجد حسيت ليش احنا متخلفين لها الدرجة وقلت هذي مدرسة وتعلم الاجيال وشايفة الموضوع قوي بس لان فيه أجانب فلازم نخالفهم خخخخخخخخخخخ
يعني هم يشوفوا من الحنان ان يخلوا طفلهم يكبر وهو ينام مع الام والاب ووالطفل لما يكبر يبدا يفهم شو يصير بين الام والاب فالمفروض احترام برأة الأطفال والحرص على انهم ما يشوفوا ها الامور ولو بالغلط
اعرف طفل اهله كانوا يخلوه ينام معاهم لحد ما كبر يعني لعمر تقريبا 4 سنوات وكان يشوف شو البلاوي الي تصير والاهل مو عارفين انه صاحي
قام فضحهم ويسوي نفس حركاتهم مع الخدامة ويقولها ماما وبابا يسوا كذا ؟؟؟؟؟؟؟؟؟؟؟ شفتوا الوضع كيف بيصير خخ
بس شو تقولين على التخلف لما يصيب النساء
انا رايي من راي رانيا، تقريباً اليهال في السن نفس الطباع بالضبط بس اتمنى منك انك تقرأي جزأ من موسوعة الفراشة اسمه ( طفلك من 2 الى 3 سنوات) انا بصراحة تعلمت منه كثير واتمنى انك تستفيدي منه.
والله يردج بالسلامة يا رب
تسلمون حبايبي على الرد الطيب والمرور الكريم المتواضع..
الله يخليلك بنتك ويقومج بالسلامه ان شاء الله …
وبخصوص الحفاضه .. انا عندي بنت عمرها 2 و3 شهور ومن هي عمرها سنة وثمان شهور وانا اعلمها على الحمام … واللي ساعدني كثير ( الكرسي ) فيــه موسيقى حلوه تجذب الياهل صوبه .. ولما تنتهي البنيه من حاجتها يصدر الكرسي صوت بنوته تضحك … مما كان يضحك بنتي وياااه … بس ما اجذب عتليييج تعبت وااايد لما عتودتها على الحمام ..
بالاول كانت تخاف من الكرسي … وكنت احيانا اسوي نفسي قاعده على الكرسي ههههه علشان بنتي تشوفني لانها تحب تقلدني كثيييير … وكنت دايما احط كرسيه في حمامي الحاص بجانب كرسي المرحاض عزكم الله …. يعني بجانبي وكنت ادخلها ويااي الحمام .. اجلسها بكرسيها وانا بكرسيه ههههههه ( شو اسوي ابغي اعودها ) واعطيها لعبه بايدها علشان ما تمل القعده لانها في اول مره ما راح تقضي حاجتها بسرعه …حتى احيانا كنت اجلس معاااه في حدود الساعه تقريبا معاها في الحمام … .
ولما كملت السنتين بالضبط ابتديت اطلعها من البيت بلا بامبرز واقولها حبوبه لا …. في بنطلونج … بعدين يصير وسخ هذاااا حلووو زين ماما … وترد علي وتقولي زين …( فديتها ) وتميت على كل نص ساعه ادخلها الحمام وتعملها … لين ما تعودت …..
والحين ما شاء الله تمشي في في السنتين و4 شهور وخلصنا من شي اسمه بامبرز … الا وقت النوم البسها … وان شاء الله شوي شوي وراح اعلمها على النوم من دون بامبرز ….
واما بخصوص الرضعااات …. فلا تعطينها الرضعه كامله . مثلا لو بنتج تشرب 3 ولا 4 رضعات في اليوم … لا تملين لها المرضعه خليها مناصفه …. بحيث انها تجوع بعد الشرب وتاكل طعامها …. وحاولي قد ما تقدرين انج تخففين من الحليب ………….
والله يعطيج العتافية ويخليلج بنتج …
تسلمون عزيزاتي على المرور المتواضع..