شخباركم مع عيالكم الله يحفظهم ..؟؟؟
حبيباتي انا عندي مشكلة ….
بنتي بعد ماكملت السنة غيرت لها الحليب من نان الى نيدو ون…..
والحين صار لها اربعة اشهر تاخذ نيدو ون…
المشكلة اننا لما رحنا نشتري لها حليب كالعادة اي سوبر ماركت يقول مافي نيدولماددخنا وحصلنا لها واحد بالغصب وحجمه صغير…
وقال لنا صاحب سوبر ماركت ان نيدو ون راح يتكنسل خلاص من قبل الشركة ؟!!!
فهل هالكلام صحيح ؟؟؟؟
اللي عندها معلومة ياليت تفيدنا..
واذا صح المعلومة شسوي مع بنتي ؟؟ وأي نوع تنصحوني اعطيها بحيث تتقبله ولا يسبب لها امساك ؟؟؟
ياليت تردون علي باسرع وقت قبل لا تخلص آخر علبة واتورط بلييييييييز 🙁
بانتظار ردودكم ..
والله يعطيكم العافية
ولو خلص .. مافيها شيء…
اعطيها حليب عادي فرش.. المراعي ولا غيره.. فوريه وخليها تشربه.. الحين ما شاء الله عليها طافت السنة ب 4 شهور..
وعلى فكرة الحليب البقري احسن من غيره من الحليب ا لصناعي لأنه ما يسوي امساك وشيء..
اذا ملزمة تبين حليب صناعي.. عندج بروجرس.. طعمه بالفانيلا.. وايد بتحبه 
انا قبل جربت اعطيها المراعي بعد ما اطلعه من الثلاجة اخليه يفتر شوي ….
وسالت اذا ممكن اسخنه بالمايكرويف الكل قال لي لا مو زين ….
اوقات ماتعطيني مجال اخليه يفتر شوي تقعد تصيح تبي حليب واذا عطيتها بارد بتصيدها بلاعيمها وهيه الله يحفظها طول الوقت متمرضة ومصخنة…
والمشكلة ان ماعندي وقت اغلي لها حليب لأن عندي بنوتة صغنونة عمرها شهرين وماخذة كل وقتي…
بجرب لهل حليب بروجرس وبشوف شنو يصير …
ومشكورة مرة ثانية.
راح اغلي لها المراعي اذا صار عندي وقت …
وراح اجرب بروجرس…
أنا عيالي من يكملون السنة أعطيهم انكور 1
وبعد الثلاث سنوات انكور3…
وعيالي حبوه من أول مرة…
وخليه برة الثلاجة الجو الحين زين
واذا بغت الحليب قصية بالمقص و فرغية بالرضاعة
او علميها على الكاس اللي يجي معاة الميل
ممكن تتعلم علية وتترك الرضاعة
صح كلام الاخوات واذا تبغين صناعي جربي بروجرس عن تجربة تراه وايد زين
دخنا ولا لقينا حليب النيدو ,,, اكييد انتو خذتو اخر حبه ههههههههههه
بس اشتريتلها bebelak
وعادي خذته بس انشالله مايصيرلها امساك او شي ثاني