اخواتي عندي مشكلة شاغلة بااالي
أنا اشتغل دوامين في اليوم من 8 الى 1 الظهر وبعدين من 4 الى 6 وطبعا أخلي ابني في هالفترة عند وحدة من اهلي والظهر اقدر معاه تقريبا 3 ساعات فترة الاستراحة
والحين الشغل بتغير دوامهم بيصير من 8 صباحا الى 5 مساءاً
يعني الفترة الي كنت اقعدها مع ابني 3 ساعات خلاص مابتكون موجودة ومابشوفه الا المغرب
قلبي يعورني ، وماباليد حيلة الظروف تجبر الواحد على الشغل .
أفكر هل ولدي يتغير علي في هالفترة ومابحبني والا ماله خص … وااايد افكر واحاتي شلون بخلي ولدي هالفترة كلها .
يعني طمنوني أخاف ولدي يكرهني او يتغير علي .
شسوي اعطوني حل
ان شالله ابنك مابيتغير عليكي بس انتي طبعا بدك تعوضيه بحنانك وحبك اله الله يعينك والله صعبة
حاوللي خذي مأذونية ولو ساعة من الدوام شوفي ابنك وارجعي للشغل
مشكورة اختي على ردج والله يعيني ، مادري شلون بتحمل .
طيب ماعندكم ساعة رضاعة لمدة سنتين تقدرين تطلعين،، او إذا في ساعة غداء لا تاخذينها وطلعي قبل….
الله يكون بعونا أحنا الأمهات العاملات….
الله يكون في عونج انا من 7 لين 2 ومااستحمل خاطري اطير واقعد مع بنتي
الله يكون في عونج اختي
بس اذا تقدرين هالفتره دوري شغل ثاني …بس لاتطلعين من شغلج الا وانتي متأكده وتوظفه في مكان ثاني بساعات عمل اقل..
 |
اقتباس |  |
 |
المشاركة الأساسية كتبها رانيا البحرينية |  |
 |
| عورتي قلبي والله،، حاسه فيج أنا أشتغل من 7 إلى 2 وآموت خلال هالفترة يكون أشوف ولدي، لا بالك بدوامك،،، طيب ماعندكم ساعة رضاعة لمدة سنتين تقدرين تطلعين،، او إذا في ساعة غداء لا تاخذينها وطلعي قبل…. الله يكون بعونا أحنا الأمهات العاملات…. |
||
 |
 |
هلا اختي رانيا … فكرة حلو بعد ساعة الغدا ما آخذها وأطلع قبل .. بحاول وان شاء الله يوافقون .
والله مالي قلب اخلي ولدي هالفترة كلها . الله يعين . 🙁
الله يقويج يارب
بس لا تفكري لأن الولد مستحيل يتغير ع أمه
لان ربي مفهمهم أن حضن الام غير
بس مع الايام يارب يتعود وتتعودي انتي بعد
بس انا أفضل أنج تتركيه مع والدتج
وطبعا مثل ما تكرمت أختنا وقالت ساعة الغدا طلعي فيها عشان ترضعيه وخذيلك سندوتش ع الطاير مب ضروري الغدا عن ولدج
وربي يعافيج
|
اقتباس | |
|
المشاركة الأساسية كتبها مزوووون | |
|
| الصراحه وايد من 8 لين 5 …
الله يكون في عونج انا من 7 لين 2 ومااستحمل خاطري اطير واقعد مع بنتي الله يكون في عونج اختي بس اذا تقدرين هالفتره دوري شغل ثاني …بس لاتطلعين من شغلج الا وانتي متأكده وتوظفه في مكان ثاني بساعات عمل اقل.. |
||
|
|
هلاا اختي مزوون ….صار لي سنه وانا ادور شغل ، مافي شغل ناسبني .. وانا هني مرتاحه واايد متفهمين وخصوصا المدير . مابطلع الا اذا حصلت شغل حكومي .