تعبت من هالوسواس شسوووي 2024.

مرحبا خواتي

انا فيني وسواس غرييييييييييب عجيييييييييييب على عيالي
عندي بنت عمرها سنه وتسع شهور وعندي ولد عمره شهرين الله يحفظهم

وسواسي الله يسلكم في شنووووووووو

في اكلهم الا بنتي كلت والا ماكلت الا خلصت صحنها والا بقى فيه شي تعبت من كثر ماافكر واتضايق
يعني تخيلوا لين هالعمر لين الحين اسوي لها اكل مخصوص واقعدها بالطيب او بالغصب لازم تاكل
مع ان اختي عندها بنت قد بنتي لا خليتها عادي تقعد معاهم في وجباتهم هم الرئيسيه وتلقط معاهم ماتقعد تعطيها كل لقمه

والحين بديت اوسوس في ولدي متى ابدأ ااكله وشأعطيه
وانا اذا رحت الدوام اليهم عند الشغالة كله اخاف انهم ماياكلون والا والا مع ان الشغاله هي اللي مربيه بنتي ماشالله
الكل يمدح صحتها
بس خلاص اوسوس كله اخاف حد منهم جوعان
والله تعببببببببببببببت

ساعدوني

هلا اختي مشكلتش مثل اختي لدرجة انها صارت ما تاكل لان اولادها ماياكلون بس هالشي طبيعي عند كل ام تخاف على عيالها ومدام بنتش جسمها زين وصحتها زينه فااطمني وبعدي عنش هالوسواس(r)

و الله انتي مثلي و كأنك تتكلمين عني !! ..

الحين الحمدلله صرت احسن من قبل ما أبالغ .. لاني سيطرت على هالحالة .. و صرت اعطيه اكل متى ماجاع .. و من اكل

البيت بعد .. و على فكرة صار يصيح يطلب الاكل .. و هالشي ما كنت اتوقع انه يصير ابدا .. و الحين تعودت و لا اشيل

هم و لا شي ..

خلي الموضوع يصير عادي ووقت اكلك اكليهم و اذا ما يبون اجليه ليما يطلبون بنفسهم ..

اتمنى فهمتيني و اقتنعتي ..

أختي خلي عنك الوسواس،، أنا كنت قبل بعد أوسوس وي المسكين ماكل،، بس آشوفه لما يكون جوعان ياكل أحسن بألف مرة من لين آكله بالغصب…. ممكن أن أحنا نقطع فواكة وخضروات ونخليها جدامهم على الطاولة وهم يشوفون التلفزيون او يلعبون، وأكيد لما يجوعون بياكلون زين….

وييه انا نفسج..نفسيتي تتعب اذا ما اكل…وقبل كانت الشغاله هي اللي تاكله وكنت اتخبل اذا ما خلص اكله واخليها تيلس وياه حتى لو ساعه كامله عشان يخلصه..كنت اموت لو حد قال ضعفان..مع ان ولدي طبيعه جسمه ضعيف و طويل وماشاء الله في المستشفى يوم اوزنه يكون وزنه مناسب لعمره…بس كنت كله اقول ولدي وايد ضعيف و غير كلام الناس خصوصا اهل ريلي…بس من تقريبا شهر ونص قمت انا اللي ااكله فبصراحه قمت اطفر وانا ااكله..وما يطيع ياكل او يطلع الاكل من حلجه و يلعب فيه فقمت امل اذا ما بيكمل خلاص كيفه…فاذا كان هذا غدا اشوفه عالعشا كل عدل لانه يوعان..فقمت اتعمد اخليه ايوع عشان يخلص اكله وما يلعوزني…ومثل ما قالت رانيا هالطريقه احسن…وخلاص راح عني الوسواس…صح يرد من وقت للثاني واحاتي يمرض لانه ما ياكل عدل بس اتغلبت عليه عالاقل 90%

أعملوا بالمثل القائل : "اللي ياكل على ضرسه ينفع نفسه" …

وخذوها قاعدة الطفل إذا ألحيتي عليه في الأكل لن يأكل يا دلع علشان تزيدي محايلة فيه يا تتصد نفسه من كثر ما تلحي …

ولازم تعرفوا إن الطفال ربنا زودهم بجهاز يستشعر الجوع والشبع فإن اعطيته بعد أن يخبرك بأنه شبع سيتعرضينه لأمراض ومشاكل صحية ولا أعتقد أن أي واحدة منا تحب ذلك لطفلها

حلوووووو
كلكم اتفقتوا على شي وهو اني اتركها اذا ماتبي ومتى ماجاعت اعطيها وهذا نفس كلام اختي
انشاءالله ببدأ معاها من اليوووم وبشوف

ربي يخليكم ويسلمكم

مااتوقعت انه واجد اللي يعانون من هالمشكلة مثلي ..

الحمدلله بس مو انا !! .. خخخ

احلى ام الوسواس بيذبحج واايد تراج تحاتين موزين جذي اول شي لصحتج وثاني شي لريلج وثالث شي لعياالج

ماادري ليش تحاااتين؟.

بنتج صارت عروس خلاص خليها تاكل معاكم على سفرة لمتى بتسوين لها اكل خليها تتعود تشاركم وتاكل معاكم

وعن ولدج توا الناس والصبح خل خدامه تعطيه سيرلاك لين رجعتي اكليه

وعن الاكل اذا تميتي وراها بتعااند صدقيني اذا هي جوعاانهبتااكل ماراح تنتطرج

وتركي عنج هالوسااويس بتنقص عمرج

اي والله عروس
وانا عقب ردودكم خلاص حاولت ابرد قلبي قد مااقدر

الله يحفظهم يارب