مشكلتي ويا حمود ان مب طايع يودر المرضعه ولو ان ما يشرب منه الا بالليل بس ابا يودر المرضعه خلاص خاصتا هاي الفترة كل شي يبا يشربه لازم نحطله فالمرضعه ..
واذارفضت يقعد يصيح وما يرضى يشرب او اذا وافق ان يشرب فالكوب يشرب شوي وعقب ما يشبع يجبه عالارض …
ساعدوني الولد بيكمل 3 سنوات بس خلاص لازم اقطع عنه …
يقولون في دواء مر ينباع ف الصيدليه حطي عليها يمكن يعافها
او حطي مادة مرة مثل ما قالت الاخت وجربي
الله يكون بعونك
حطيت له شاي المنثور مو اللي في اكياس
ولا شافه قلت هذا دود وتركها والحمدلله
انا حسون تم يشرب من المرضعه الين كمل سنتين وشهرين وقطعها بالغصب ، وكانت طريقتي يمكن قاسية شوي .. اللي سويته انه كان نايم العصر بعد ما شرب مرضعته ، بعدها انا قمت "" وكان قرار جدا سريع بدون اي تخطيط " المهم قمت وشلت كل اغراض الرضاعه من المراضع الى الحليب والماي اللي اخصصه لرضاعته وكل شي يذكره بالرضاعه ..
وكان في هالفترة ما يشرب الا حزة النوم يعني لما قعد عادي ولا سأل عن مرضعته بس لما صار الليل ورحنا بننام قمت شلته وقلت له يالله ماما حبيبي تصبح على خير وحطيته في سريره .. حسون انصدم .. وين المرضعه :icon9: قلت له في البداية المرضعه خلاص بح ما عندنا مرضعه وتم يصيح قمت جبت له ماي قلت له اشرب ما بغى ماي ..
وصدقيني لو قلتلج تم حوالي 3 ساعات يبكي بدون انقطاع ويقول ابغي حليبه بشكل يقطع القلب وانا كنت ماسكه نفسي غصب واما ابوه فقام طلع نام برا لانه قلبه عوره على ولده هههههههههههههههههه وتميت معاه بروحي اعاني وياه واخر شي بعد 3 ساعات يعني قام وقال ابغي مااااااي :tears: وشربته ماي وانبطح ونام :shiny: ونام بشكل متواصل من تعب البكاء ولا قعد الا الصبح وأول ما قام عطيته ماي وشرب لانه كان عطشان وبعدين كأنه فهم علينا وقام ما يسأل زين عن المرضعه ولما يسأل احنا نسكت عنه ولا كأنه قال شي وبعد يومين خلااااااااااااااص نسى شي اسمه مرضعه ..
وللأسف جربت اعطيه حليب في كاس لكنه يرفضه واخذت كاس حلو بالمزازه يمكن يجذبه لكنه رفضه بعد (w) .. والحمدلله انه يحب يشرب اللبن وقاعد يعوض شوي ، اضافه الى انه ياكل اجبان وزبادي عادي وبالفواكه والحمد لله دمه اوكى مو ناقص وان شاء الله ما عنده نقص كالسيوم او شي :whistling:
المشكله يا ماما حسون هو ما يبا يشرب العصير او اي شي سائل الا فالمرضعه واذا جبرته يشرب فالكوب يخيس الدنيا ..
لكن من باجر للازم اسوي الي تقولون عنه لانه طفح الكيل ..